அரிட்டாபட்டி, மதுரை
மதுரை மாவட்டத்திலுள்ள கிராமம்
அரிட்டாபட்டி என்பது இந்தியாவின் தமிழ்நாட்டின், மதுரை மாவட்டம், மேலூர் வட்டம், மேலூர் ஊராட்சி ஒன்றியம், அரிட்டாபட்டி ஊராட்சியில் அமைந்துள்ள ஒரு கிராமம் ஆகும். இது மேலூருக்கு மேற்கே 9 கிலோ மீட்டர் தொலைவிலும்; மதுரை நகரத்திலிருந்து 27 கிலோ மீட்டர் தொலைவிலும் அமைந்துள்ளது. [1]
அழகர்மலைக்கும், பெருமாள் மலைக்கும் உள்ள பகுதியில் அரிட்டாபட்டி பல்லுயிர் சூழலியல் பாரம்பரியத் தளம் உள்ளது. அரிட்டாப்பட்டி மலையில் சமணர் படுகைகள், மகாவீரர் சிற்பம், கிமு இரண்டாம் நூற்றாண்டு தமிழ்ப் பிராமி கல்வெட்டுக்கள், பாண்டியர் காலத்து வட்டெழுத்து கல்வெட்டுக்கள் உள்ளது.