சவுத்ரி முகம்மது அலி
சவுத்ரி முகம்மது அலி (Chaudhry Muhammad Ali ) (1905 சூலை 15 - 1982 திசம்பர் ) முகம்மது அலி என்றும் அழைக்கப்படும் இவர் 1955 ஆகத்து 12 அன்று நியமிக்கப்பட்ட பாக்கித்தானின் நான்காவது பிரதமர் ஆவார். 1956 செப்டம்பர் 12 அன்று தேசிய சட்டமன்றத்தில் நம்பிக்கையில்லாத் தீர்மானம் வெற்றிகரமாக நிறைவேற்றியதன் மூலம் பதவியிலிருந்து அகற்றப்படும் வரை பணியாற்றினார்.
பாக்கித்தானின் அரசியலமைப்பின் முதல் தொகுப்பின் வாக்களிப்பு தொடர்பான குற்றச்சாட்டுகள் மற்றும் குடியரசுக் கட்சிக்கு ஆதரவான இரகசியத் தவறுகளை விசாரிக்கத் தவறியபோது இவரது கட்சியிடமிருந்து அரசியல் ஒப்புதலை இழந்ததற்காக இவரது நம்பகத்தன்மை கேள்விக்குள்ளாக்கப்பட்டது .[1]
சுயசரிதை தொகு
இவர் 1905 சூலை 15 அன்று இந்தியாவின் பஞ்சாபின் ஜலந்தரில் பிறந்தார்.[2] இவரது குடும்பம் அரையன் குலத்தினர் ஆவர். இவரது பெயருக்கு முன் உள்ள சவுத்ரி என்ற முன்னொட்டு குடும்பத்தின் நிலத்தை வைத்திருக்கும் நிலையை குறிக்கிறது.
மெட்ரிகுலேசனுக்குப் பிறகு, இவர் அறிவியலில் மிகுந்த ஆர்வம் காட்டினார். முதலில் லாகூரில் உள்ள பஞ்சாப் பல்கலைக்கழகத்தில் சேர்ந்து, அங்கு 1925 இல் வேதியியலில் இளம் அறிவியல் பட்டம் பெற்றார் .[3] பின்னர், 1927 ஆம் ஆண்டில், பஞ்சாப் பல்கலைக்கழகத்தில் வேதியியலில் முதுகலை அறிவியல் பட்டம் பெற்றார். மேலும் 1928 வரை இசுலாமியக் கல்லூரியில் விரிவுரையாளராக பணிபிரிந்தார்.[1][4][5] இவரது மகன் காலித் அன்வர் ஒரு பிரபலமான வழக்கறிஞரும், அரசியலமைப்பு நிபுணருமாவார். அவர் ஷெரீப்பின் நிர்வாகங்களில் சட்டம் மற்றும் நீதி அமைச்சராக பணியாற்றினார். அதே நேரத்தில் இவரது இளைய மகன் அம்ஜத் அக்சன் அலி நன்கு அறியப்பட்ட மருத்துவர் ஆவார்.
ஆட்சிப் பணி தொகு
1928 ஆம் ஆண்டில், இவர் இந்திய ஆட்சிப்பணியில் சேர்ந்தார். முதலில் தணிக்கை மற்றும் கணக்கு சேவையில் கணக்காளராக பணிபுரிந்தார், மேலும் பகவல்பூர் மாநிலத்தை தணிக்கை செய்ய நியமிக்கப்பட்டார். [2] 1936 ஆம் ஆண்டில், இவர் இந்திய நிதியமைச்சர் ஜேம்சு கிரிக்கின் தனிச்செயலாளராக மாற்றப்பட்டார். பின்னர் 1945 இல் கிரிக் போர் செயலாளராக நியமிக்கப்பட்டபோது இவரை முதல் இந்திய நிதி ஆலோசகராக நியமித்தார். 1946-47 ஆம் ஆண்டில், மவுண்ட்பேட்டன் பிரபு தலைமையிலான இந்தியப் பிரிப்பின் இரண்டு செயலாளர்களில் ஒருவராக பணியாற்ற இவர் தேர்ந்தெடுக்கப்பட்டார். பின்னர் நிதி அமைச்சகத்தில் நிதி செயலாளராக நியமிக்கப்பட்டார். பிரிவினை குறித்த இந்த பிரச்சினையில், இவர் எச்.எம். படேல் மற்றும் வால்டர் கிறிஸ்டிர் ஆகியோருடன் இணைந்து பிரிவினையின் நிர்வாக விளைவுகள் என்ற தலைப்பில் ஒரு ஆவணத்தை தயாரித்தார். [6]
1947 இல் இந்தியா பிரிக்கப்பட்ட நேரத்தில், இந்தியாவின் மூத்த ஆட்சிப்பணி அதிகாரிகளில் ஒருவரான இவர், 1947 ஆகத்து 15 அன்று பாக்கித்தானைத் தேர்வு செய்தார்.[7]
1947 இல் பாக்கித்தான் நிறுவப்பட்டப் பின்னர், விக்டர் டர்னருடன் இணைந்து நிதி அமைச்சர் சர் குலாம் முகம்மதுவின் கீழ் நிதிச் செயலாளராக மாற்றப்பட்டார். ஆனால் இந்த நியமனம் அமைச்சரவை மறுசீரமைப்பு காரணமாக 1948 வரை மட்டுமே நீடித்தது. [2] இவர் நிறுவனப் பிரிவில் கூட்டாட்சி செயலாளராக நியமிக்கப்பட்டார். மேலும் மத்திய உயர்ப் ஆட்சிப் பணிகளின் அதிகாரத்துவத்தை அமைப்பதிலும், 1951 ஆம் ஆண்டில் நிதியமைச்சர் சர் குலாம் முகம்மது முன்வைத்த நாட்டின் முதல் கூட்டாட்சி வரவு செலவுத் திட்டத்தை தயாரிப்பதிலும் பெரிதும் உதவினார்.
பாக்கித்தான் பிரதமர் தொகு
1951 ஆம் ஆண்டில், இவர் பிரதமரான கவாஜா நசிமுதீனால் நிதியமைச்சராக நியமிக்கப்பட்டார். மேலும், 1953 இல் போக்ராவின் திறமையான அமைச்சகத்தில் நிதி அமைச்சராக பணிபுரிந்தார்.[8]
1955 ஆகத்து 11 அன்று, போக்ராவின் திறமையான நிர்வாகம் பதவி நீக்கம் செய்யப்பட்ட பின்னர், இவர் முகமது அலி அப்போதைய ஆளுநர் இஸ்கந்தர் மிர்சாவால் பாகிஸ்தானின் பிரதமராக நியமிக்கப்பட்டார்.[1] பிரதம நீதியரசர் எம். முனீரிடமிருந்து சத்தியப்பிரமாணம் செய்து கொண்ட பின்னர், பிரதமர் அலி பாகிஸ்தான் அரசியலமைப்பை உருவாக்குவதற்கு அதிக முக்கியத்துவம் கொடுத்தார், எதிர்ப்பையும் மீறி போக்ராவின் ஓர் அலகு திட்டத்தை ஆதரித்தார்.
1955 ஆம் ஆண்டில் புதிய மூலதனத்தைத் திட்டமிடுவது தொடர்பாக கிரேக்க கட்டிடக் கலைஞர் கான்ஸ்டான்டினோஸ் டோக்ஸியாடிஸை விட இவர் பிரெஞ்சு கட்டிடக் கலைஞர் மைக்கேல் ஈகோசார்ட்டை ஆதரித்தார். இருப்பினும் இந்த திட்டம் 1960 களில் டோக்சியாடிசுக்குச் சென்றது.[9]
இறப்பு தொகு
1967 ஆம் ஆண்டில், இவர் தனது சுயசரிதையை எழுதினார் மற்றும் 1980 திசம்பர் 2 ஆம் தேதி கராச்சியில் உள்ள தோட்டத்தில் இருதய அடைப்புக் காரணமாக இறந்தார் .[10]
மேலும் காண்க தொகு
குறிப்புகள் தொகு
- ↑ 1.0 1.1 1.2 "Chaudhry Muhammad Ali Becomes Prime Minister". www.storyofpakistan.com (in ஆங்கிலம்). Lahore, Punjab, Pakistan: Nazaria-i-Pakistan Trust. 1 June 2003. பார்க்கப்பட்ட நாள் 29 January 2018.
- ↑ 2.0 2.1 2.2 "Chaudhry Muhammad Ali–Former Prime Minister of Pakistan". www.storyofpakistan.com (in ஆங்கிலம்). Lahore, Punjab, Pakistan: Nazaria-i-Pakistan Trust. 1 June 2003. பார்க்கப்பட்ட நாள் 11 April 2016.
- ↑ (in en-uk) Constitution-making in Asia: Decolonisation and State-Building in the Aftermath of the British Empire. Cambridge, UK: Routledge. 2016. https://books.google.com/books?id=YQfeCwAAQBAJ&pg=PA106&dq=muhammad+ali+Prime+Minister+secretary&hl=en&sa=X&ved=0ahUKEwiCvKefjvzYAhXkmeAKHeG9CDQ4ChC7BQgtMAE#v=onepage&q=muhammad%20ali%20Prime%20Minister%20secretary&f=false. பார்த்த நாள்: 29 January 2018.
- ↑ (in fr) Who's who in U.A.R. and the Near East. Paul Barbey Press. 1955. https://books.google.com/?id=DB5XAAAAMAAJ&dq=chaudhry+muhammad+ali+born+1905&q=July+16%2C+1905+%3B. பார்த்த நாள்: 29 January 2018.
- ↑ "Chaudhri Mohammad Ali—prime minister of Pakistan". www.britannica.com (in ஆங்கிலம்). London, Eng. U.K.: Encyclopedia Britannica. பார்க்கப்பட்ட நாள் 29 January 2018.
- ↑ John Christie Morning Drum BACSA 1983 பன்னாட்டுத் தரப்புத்தக எண் 0-907799-04-3 pp95-102
- ↑ (in en-us) Conflict Between India and Pakistan: An Encyclopedia. U.S.: ABC-CLIO. 2008. https://books.google.com/books?id=vLwOck15eboC&pg=PA9&dq=muhammad+ali+Prime+Minister+born&hl=en&sa=X&ved=0ahUKEwjWwIjj-PvYAhUX5mMKHZ9XB5UQuwUILzAB#v=onepage&q=muhammad%20ali%20Prime%20Minister%20born&f=false. பார்த்த நாள்: 29 January 2018.
- ↑ Khuhro, Hamida (1998) (in en). Mohammed Ayub Khuhro: a life of courage in politics. Karachi, Pakistan: Ferozsons. பக். 405. https://books.google.com/books?id=nSluAAAAMAAJ&dq=chaudhry+muhammad+ali+Prime+Minister+removed. பார்த்த நாள்: 29 January 2018.
- ↑ Bates, Crispin; Mio, Minoru (2015) (in en-us). §Cities in South Asia. Routledge. பக். 72. பன்னாட்டுத் தரப்புத்தக எண்:9781317565130. https://books.google.com/books?id=JU2sCQAAQBAJ&pg=PA72&dq=chaudhry+Muhammad+Ali+Finance+minister.
- ↑ Asian Recorder. K. K. Thomas at Recorder Press. 1981. https://books.google.com/?id=i5ttAAAAMAAJ&dq=chaudhry+mohammad+ali+pm+of+pakistan+died+1980&q=December+1%2C+1980. பார்த்த நாள்: 29 January 2018.