சவ்வாதோர், பாகையா
சவ்வாதோர் (காப்பாளர், உள்ளூர் வழக்கில் Salvador da Bahia, பிரேசிலிய போர்த்துக்கீசம்: [sawvaˈdoʁ (da baˈi.a)] (ஐரோப்பிய போர்த்துகேயத்தில் உச்சரிப்பு: சால்வடோர் IPA: [saɫvɐˈdoɾ (ðɐ bɐˈi.ɐ)]); வரலாற்றில்: São Salvador da Bahia de Todos os Santos, தமிழில்: "அனைத்துப் புனிதர்களின் விரிகுடாவை காப்பாற்றும் புனித காப்பாளரின் நகரம்")[1][2] பிரேசிலின் வடகிழக்கு கடலோரத்தில் அமைந்துள்ள மிகப்பெரிய நகரமும் பாகையா மாநிலத்தின் தலைநகரமும் ஆகும்.
| சவ்வாதோர் சால்வடோர் | |
|---|---|
| நகராட்சி | |
| O Municipio do São Salvador da Bahia de Todos os Santos புனிதர்களின் விரிகுடாவை காப்பாற்றும் புனித காப்பாளரின் நகராட்சி | |
 பெலூரின்கோ வரலாற்றுப் பகுதி (மேல்), லாசெர்டா மின்தூக்கி (நடுவில்), மாடலோ சந்தை (இடது) | |
 கொடி | |
| அடைபெயர்(கள்): Capital da Alegria (மகிழ்ச்சியின் தலைநகரம்), Roma Negra (கருப்பு உரோமை) மற்றும் Bahia Judia (யூத விரிகுடா). | |
| குறிக்கோளுரை: Sic illa ad arcam reversa est (இவ்வாறாக புறா பேழைக்கு மீண்டது) | |
 பாகையா மாநிலத்தில் சவ்வாதோரின் அமைவிடம் | |
| நாடு |  பிரேசில் |
| மண்டலம் | வடகிழக்கு |
| மாநிலம் |  பாகையா |
| நிறுவப்பட்டது | 29 மார்ச்சு 1549 |
| அரசு | |
| • மேயர் | அன்டானியோ கார்லோசு மகளேசு நெடோ |
| பரப்பளவு | |
| • நகராட்சி | 706 km2 (273 sq mi) |
| ஏற்றம் | 8 m (26 ft) |
| மக்கள்தொகை (2010) | |
| • நகராட்சி | 2,676,606 (3வது) |
| • அடர்த்தி | 3,791.2/km2 (9,819/sq mi) |
| • பெருநகர் | 3,574,804 (7வது) |
| நேர வலயம் | UTC-3 |
| அஞ்சல் குறியீடு | 40000-000 |
| தொலைபேசி குறியீடு | +55 71 |
| இணையதளம் | சவ்வாதோர், பகையா |
இங்கு நடக்கும் எண்ணிக்கையில்லா வெளிப்புற விருந்துகளாலும் தெரு விழாக்களினாலும் (கார்னிவல்) சவ்வாதோர் பிரேசிலின் மனமகிழ்வுத் தலைநகரம் என்று அறியப்படுகிறது. குடியேற்றக்கால பிரேசிலின் தலைநகரமாக விளங்கிய சவ்வாதோர் அமெரிக்காக்களிலேயே மிகவும் பழைமையான நகரங்களில் ஒன்றாக விளங்குகிறது. பெரும்பான்மையான நேரங்களில் இது பாகையா, என்றே அறியப்பட்டிருந்தது; மத்திய இருபதாம் நூற்றாண்டு வரை அவ்வாறே நிலப்படங்களிலும் நூல்களிலும் குறிப்பிடப்பட்டுள்ளது. பிரேசிலில் இதே பெயரிலுள்ள மற்ற நகரங்களிலிருந்து பிரித்துக் காட்டவே சவ்வாதோர் டா பாகையா எனப்பட்டது. பிரேசிலில் சாவோ பாவுலோ, இரியோ டி செனீரோவை அடுத்து மூன்றாவது மிகுந்த மக்கள் வாழும் நகரமாக சவ்வாதோர் விளங்குகிறது. 3.5 மில்லியன் மக்கள்தொகையுடன் நகரின் பெருநகர் பகுதி பிரேசிலின் கூடிய மக்கள்தொகை உடைய ஊரகப்பகுதிகளில் ஏழாவதாக உள்ளது.
உணவு, இசை மற்றும் கட்டிட வடிவமைப்பிற்காக இந்த நகரம் பெயர் பெற்றது. பிரேசிலின் வடகிழக்குப் பகுதியிலேயே மிகவும் செல்வச்செழிப்பு மிக்கதாக இதன் பெருநகர் பகுதி விளங்குகிறது. ஆபிரிக்கத் தாக்கத்தினால் சவ்வாதோர் பிரேசிலின் ஆபிரிக்க-பிரேசிலியப் பண்பாட்டு மையமாக உள்ளது. சவ்வாதோரின் வரலாற்று மையமான, பெலோரின்ஹோ போர்த்துக்கேய குடியேற்ற கட்டிட வடிவமைப்பிற்கு பெயர்பெற்றது; இங்கு 17வது நூற்றாண்டிலிருந்து 19வது நூற்றாண்டு வரையிலான வரலாற்றுச் சின்னங்களைக் காணலாம். 1985இல் ஐக்கிய நாடுகள் கல்வி, அறிவியல், பண்பாட்டு நிறுவனம் பெலோரின்ஹோவை உலகப் பாரம்பரியக் களமாக அறிவித்துள்ளது.
Salஅத்திலாந்திக் பெருங்கடலிலிருந்து டோடெசு ஓசு சான்டோசு விரிகுடாவை பிரிக்கும் ஏறத்தாழ முக்கோண வடிவிலான சிறு மூவலந்தீவில் சவ்வாதோர் அமைந்துள்ளது. புனிதர் அனைவர் பெருவிழாவன்று கண்டுபிடிக்கப்பட்டதால் இந்த விரிகுடாவிற்கு அப்பெயரே சூட்டப்பட்டுள்ளது. சவ்வாதோர் ஓர் இயற்கைத் துறைமுகம் ஆகும்.
இந்த நகரத்தின் குறிப்பிடத்தக்க சிறப்பியல்பாக நகரம் இரு உயரநிலைகளில் உள்ளது. மேல் நகரம் எனப்படும் Cidade Alta ("பிற நகரம்") கீழ் நகரம் எனப்படும் Cidade Baixa பகுதியிலிருந்து ஏறத்தாழ 85 m (279 அடி) உயரத்தில்,[3] உள்ளது. நகரத்தின் தேவாலயமும் பெரும்பாலான நிர்வாக கட்டிடங்களும் உயரமான நிலப்பகுதியில் அமைந்துள்ளன. பிரேசிலில் கட்டப்பட்ட அத்தகைய முதல் வசதி, எலெவேடர் லாசெர்டா எனப்படும் உயர்த்தி 1873 முதல் இவ்விருபகுதிகளையும் இணைக்கின்றது.
2014 உலகக்கோப்பை காற்பந்து போட்டிகள் நடக்கும் நகரங்களில் ஒன்றாக சவ்வாதோர் விளங்குகிறது. கூடுதலாக, 2013 பிபா கூட்டமைப்புக்களின் கோப்பைப் போட்டிகளும் இங்கு நடந்துள்ளன.
மேற்சான்றுகள் தொகு
- ↑ Brickell, Margaret (July 1991). "If You Only Have a Day in Salvador da Bahia". Cruise Travel 13 (1): 25–26. http://books.google.com.au/books?id=ey0DAAAAMBAJ&pg=PA25&dq=sao+salvador+holy+savior+bahia&hl=en&ei=LF26TamNG9OE0QHS7tTIBQ&sa=X&oi=book_result&ct=result&resnum=1&ved=0CEsQ6AEwAA#v=onepage&q=sao%20salvador%20holy%20savior%20bahia&f=false. பார்த்த நாள்: 29 April 2011.
- ↑ Graham, Sandra Lauderdale (2002). Caetana says no: women's stories from a Brazilian slave society. Cambridge: Cambridge University Press. பக். 3. பன்னாட்டுத் தரப்புத்தக எண்:0-521-89353-4. https://archive.org/details/caetanasaysnowom0000laud. பார்த்த நாள்: 29 April 2011.
- ↑ (PDF) Geography. Salvador, Brazil: Aloveworld. 2006. பன்னாட்டுத் தரப்புத்தக எண்:85-240-3919-1. http://www.alovelyworld.com/webbresil/htmgb/bre012.htm. பார்த்த நாள்: 2007-07-18.
வெளி இணைப்புகள் தொகு
விளக்கம் விக்சனரியிலிருந்து
படிமங்கள் பொதுவகத்தில்
செய்திகள் விக்கிசெய்தியிலிருந்து
மேற்கோள்கள் விக்கிமேற்கோளிலிருந்து
மூல உரைகள் விக்கிமூலத்திலிருந்து
உரைநூல்கள் விக்கிநூல்களிலிருந்து
வளங்கள் விக்கிப்பல்கலைக்கழகம்
- சவ்வாதோரின் பெலோரின்ஹோ, பாகையா எண்ணிம ஊடக சேமிப்பகம் பரணிடப்பட்டது 2011-11-18 at the வந்தவழி இயந்திரம் (படைப்பாக்கப் பொதுமங்கள்-உரிமத்துடன் ஒளிப்படங்கள், லேசர் உணரிகள், அகலப்பரப்புப் படங்கள்), data from a Federal University of Bahia/University of Ferrara/Leica Geosystems/CyArk research partnership
- (ஆங்கிலம்) (பிரெஞ்சு) (டச்சு) நகரத்தின் வலைத்தளம்
- The City of Salvador is a map from 1671 by Arnoldus Montanus (ஆங்கிலம்) (இலத்தீன்)