சுசீல் குமார்

சுசீல் குமார் (सुशील कुमार, பிறந்த தேதி: மே 26, 1983[1]) ஓர் இந்திய மற்போர் விளையாட்டு வீரர். இவர் 2010 உலக மற்போர் போட்டிகளில் தங்கப் பதக்கமும் [2] லண்டன் ஒலிம்பிக் விளையாட்டுப் போட்டியில் வெள்ளிப் பதக்கமும் 2008 பெய்ஜிங் ஒலிம்பிக் போட்டிகளில் வெண்கல பதக்கமும் வென்றவர். இவர் தன்னியல்பு-முறை மற்போர் (en: Free style Wrestling) விளையாட்டில் 66 கிகி பிரிவில் இச்சாதனைகளைப் புரிந்துள்ளார்.[3] ருசிய வீரர் ஆலன் கோகயேவை வீழ்த்தி உலக வாகையாளராகப் பட்டம் பெற்றார்;[2] கசக்ஸ்தான் நாட்டைச் சேர்ந்த லியோனிட் ஸ்பெய்ரிடொனோவ் (en: Leonid Spiridonov) வீழ்த்தி சுசீல்குமார் பீஜிங் ஒலிம்பிக்கில் வெண்கலப் பதக்கத்தை வென்றுள்ளார்.[3] இலண்டன் ஒலிம்பிக்கின் திறப்புவிழாவில் இந்தியக்கொடி ஏந்தி அணியை முன்நடத்திச் சென்றார்.

சுசீல் குமார்
தனித் தகவல்கள்
முழுப் பெயர்சுசீல் குமார் சோலன்கி
தேசியம்இந்தியர்
பிறந்த நாள்மே 26, 1983 (1983-05-26) (அகவை 40)[1]
பிறந்த இடம்பாப்ரோலா, தில்லி
உயரம்166 cm (5 அடி 5 அங்)
 
பதக்கங்கள்
நாடு  இந்தியா
ஆண்கள் தன்னியல்பு முறை மற்போர் (பிரீ ஸ்டைல்)
ஒலிம்பிக் விளையாட்டுக்கள்
வெள்ளிப் பதக்கம் – இரண்டாமிடம் 2012 இலண்டன் 66 கிலோ
வெண்கலப் பதக்கம் - மூன்றாமிடம் 2008 பெய்ஜிங் 66 kg
World Championships
தங்கப் பதக்கம் – முதலிடம் 2010 Moscow 66 kg
Commonwealth Championship
தங்கப் பதக்கம் – முதலிடம் 2003 இலன்டன் 60 kg
தங்கப் பதக்கம் – முதலிடம் 2005 கேப் டவுன் 66 kg
தங்கப் பதக்கம் – முதலிடம் 2007 இலன்டன் 66 kg
தங்கப் பதக்கம் – முதலிடம் 2009 ஜலான்டர் 66 kg
பொதுநலவாய விளையாட்டுக்கள்
தங்கப் பதக்கம் – முதலிடம் 2010 தில்லி 66 kg
ஆசிய மற்போர் போட்டிகள்
தங்கப் பதக்கம் – முதலிடம் 2010 புது தில்லி 66 kg
வெள்ளிப் பதக்கம் – இரண்டாமிடம் 2007 கிர்க்ஸ்தான் 66kg
வெண்கலப் பதக்கம் - மூன்றாமிடம் 2003 புது தில்லி 60 kg
வெண்கலப் பதக்கம் - மூன்றாமிடம் 2008 ஜெயு தீவு 66 kg

வாழ்க்கை வரலாறு தொகு

சுசீல் குமார் தில்லியைச் சேர்ந்தவர். நஜாஃவ்கர் என்னும் இடத்தில் வசித்து வருகிறார். CNN IBN7 இன் தகவல் படி இந்த மற்போராளர் பாப்ரோலா ஊரைச் சேர்ந்தவர். சுசீலின் தந்தை திவான் சிங் சோலங்கி பேருந்து ஓட்டுநர்; தாய் கமலா தேவி. மிகவும் ஏழ்மையான சூழலில் அவரது பயிற்சியைச் செய்து வந்துள்ளார். அவரது குரு சத்பால், யசுபீர் சிங் ஆகியோர்.[4]

பெய்ஜிங் ஒலிம்பிக் தொகு

இவர் உக்ரைனைச் சேர்ந்த ஆந்திரிய் ஸ்டாடுனிக் (en:Andriy Stadnik) என்பவரிடம் முதல் சுற்றில் தோற்றுப்போனார்.[5] எனவே இவருடைய பதக்கம் பெறும் வாய்ப்பு மறுதேறுதல் சுற்று (en:repechage) போட்டியைப் பொறுத்ததாகிவிட்டது. சுசீல் குமார் மறுதேறுதல் முதல் சுற்றில் அமெரிக்காவின் டகு ஷ்வாபை வென்றார். இரண்டாவது சுற்றில் பெலாரஸின் (en:Belarus) ஆல்பர்ட் பாட்டிய்ரோவ் (en:Albert Batyrov) என்பாரை வென்றார். கடைசியாக மறுதேறுதல் முறையில் வெண்கலப் பதக்கம் பெறுவதற்கான போட்டியில் ஆகஸ்டு 20, 2008 அன்று ஸ்பிரிடொனோவ் (en:Spiridonov) என்பவரை 3:1 என்னும் கணக்கில் புள்ளிகள் 2-1, 0-1, 2-0 எடுத்து மூன்று சுற்றுகளில் வென்றார்.[6]

குறிப்பு: ஒலிம்பிக் மற்போரில் வெண்கலம் வெல்ல அரையிறுதிச் சுற்றுக்குத் தகுதி பெற்றால் மட்டும் போதும். வெல்ல வேண்டிய தேவையில்லை.

2012 இலண்டன் ஒலிம்பிக் போட்டிகள் தொகு

சுசீல்குமார் 66 கிலோ தன்னியல்பு மற்போரில் இறுதியாட்டத்தில் சப்பானின் டட்சுஹிரோ யோனெமிட்சுவிடம் தோற்றார். முன்னதாக கசகசுதானின் அக்சுரெக் டனடரோவை அரையிறுதியில் வென்றார்.[7].[8][9]

ஆகத்து 12, பீஜிங் ஒலிம்பிக்கில் தங்கப் பதக்கம் வென்றிருந்த துருக்கியின் ரமசான் சகனை வென்று காலிறுதிக்கு முன்னேறினார்.[10] காலிறுதியில் உசுபெக்சுதானின் இக்தியோர் நவ்ருசோவை வென்றார்.[11]

அடுத்தடுத்த ஒலிம்பிக் போட்டிகளில் இரண்டு பதக்கங்கள் வென்ற முதல் இந்தியர் இவராவார்.

சூலை 27 அன்று இலண்டன் ஒலிம்பிக்கின் துவக்க விழா பேரணியில் இந்தியக் கொடியை ஏந்தி இந்திய அணியை முன்நடத்திச் செல்லும் பெருமை இவருக்கு கிடைத்தது.[12]

பெருமைகளும் சிறப்புகளும் தொகு

2008 பெய்ஜிங் ஒலிம்பிக் போட்டிகளில் வெண்கலப் பதக்கத்தைப் பெற்றதுக்காகக் கிடைத்தவை
  •   55 லட்சம் பரிசு தொகை மற்றும் உதவி வணிக மேலாளர் ஆக இந்தியன் இரயில்வேயில் பதவியுர்வு என ரயில்வே அமைச்சகம் அறிவித்தது.[13]
  •   50 லட்சம் பரிசு தொகையை டில்லி மாநில அரசு அறிவித்தது.[13]
  •   50 லட்சம் பரிசு தொகையை ஹரியானா மாநில அரசு அறிவித்தது.[13]
  •   25 லட்சம் பரிசு தொகையை இந்திய ஸ்டீல் அமைச்சகம் அறிவித்தது.[13]
  •   5 லட்சம் பரிசு தொகையை ஆர். கே. குளோபல் ஷேர்ஸ் அண்டு செக்யூரிடிஸ் அளித்தது.(RK Global Shares and Securities Limited.)[13]

துணை விவரங்கள் தொகு

  • 2008 பெய்ஜிங் ஒலிம்பிக் போட்டிகளில் இந்தியா வென்ற இரண்டாவது பதக்கம் இதுவே.
  • ஒலிம்பிக் வரலாற்றிலேயே மற்போர் விளையாட்டில் இந்தியா வெற்றி பெற்றது இது இரண்டாவது முறை.
  • முதன் முறையாக 1952 ஆம் ஆண்டு ஹெல்சின்ஸ்கி ஒலிம்பிக் போட்டிகளில் (en:1952 Summer Olympic Games) கஷாபா தாதாசாகேபு ஜாதவ் (கே. டி. ஜாதவ்) வெண்கலப் பதக்கம் வென்றார்.
  • சுசீல் குமார் அர்ஜுனா விருது பெற்ற சத்பால் (Sathpal) என்பவரிடம் பயிற்சி பெற்றார்.

மேற்கோள்கள் தொகு

  1. 1.0 1.1 "Athlete Biography: Sushil Kumar". The Official Website of the Beijing 2008 Olympic Games. Archived from the original on 2008-08-23. பார்க்கப்பட்ட நாள் 2008-08-20.
  2. 2.0 2.1 இந்து நாளிதழ்
  3. 3.0 3.1 "Kumar claims 66kg bronze". The Official Website of the Beijing 2008 Olympic Games. 2008-08-20 இம் மூலத்தில் இருந்து 2008-09-01 அன்று. பரணிடப்பட்டது.. https://web.archive.org/web/20080901023144/http://en.beijing2008.cn/news/sports/headlines/wrestling/n214567030.shtml. பார்த்த நாள்: 2008-08-20. 
  4. இந்தியன் எக்சுபிரசு
  5. "Grappler Sushil Kumar wins bronze". The Times Of India. 2008-08-20. Archived from the original on 2011-10-04. பார்க்கப்பட்ட நாள் 2008-08-20. {{cite web}}: Check date values in: |date= (help)
  6. "Bout Result Men's FR 66 kg Bronze /Bout No.92 /Mat B". The Official Website of the Beijing 2008 Olympic Games. 2008-08-20. Archived from the original on 2008-08-29. பார்க்கப்பட்ட நாள் 2008-08-20. {{cite web}}: Check date values in: |date= (help)
  7. Sushil Kumar Enters Olympic Final
  8. Sushil Kumar Wins Silver medal in London 2012
  9. "Olympics: Sushil Kumar beats Akzhurek storms into finals". 12-08-2012. {{cite web}}: Check date values in: |date= (help)
  10. "London Olympics 2012 Wrestling Live: Sushil defeats Beijing gold medallist, moves to quarterfinal". இலண்டன்: Zee News. பார்க்கப்பட்ட நாள் ஆகஸ்து 12, 2012. {{cite web}}: Check date values in: |accessdate= (help)
  11. "சுசீல் குமார் வெள்ளி வென்றார்" (in ஆங்கிலம்). firstpost.com. 2014. பார்க்கப்பட்ட நாள் 24 சூலை 2014. {{cite web}}: Check date values in: |date= (help)
  12. "இலண்டன் ஒலிம்பிக்கின் துவக்க விழா பேரணியில் இந்தியக் கொடியை ஏந்தி இந்திய அணியை முன்நடத்திச் சென்றார்" (in ஆங்கிலம்). dnaindia.com. 5 ஆகத்து 2012. பார்க்கப்பட்ட நாள் சூலை 24, 2014. {{cite web}}: Check date values in: |accessdate= (help)CS1 maint: unrecognized language (link)
  13. 13.0 13.1 13.2 13.3 13.4 "Rewards pour in for Sushil Kumar". Archived from the original on 2008-08-23. பார்க்கப்பட்ட நாள் 2008-08-21.
"https://ta.wikipedia.org/w/index.php?title=சுசீல்_குமார்&oldid=3577260" இலிருந்து மீள்விக்கப்பட்டது