டி. ஜெ. அம்பலவாணர்
அதி வணக்கத்துக்குரிய தாவீது செயரத்தினம் அம்பலவாணர் (David Jeyaratnam Ambalavanar, பெப்ரவரி 28, 1928 - அக்டோபர் 10, 1997) இலங்கைத் தமிழ் போதகர் ஆவார். இவர் 1971 முதல் 1993 வரை தென்னிந்தியத் திருச்சபையின் யாழ்ப்பாண ஆயராகப் பணியாற்றினார்.
| அதி வணக்கத்துக்குரிய டி. ஜே. அம்பலவாணர் | |
|---|---|
| யாழ் ஆயர் | |
| சபை | தென்னிந்தியத் திருச்சபை |
| மறைமாவட்டம் | யாழ்ப்பாணம் |
| ஆட்சி துவக்கம் | 30 சூன் 1971 |
| ஆட்சி முடிவு | 28 பெப்ரவரி 1993 |
| முன்னிருந்தவர் | எஸ். குலேந்திரன் |
| பின்வந்தவர் | எஸ். ஜெபநேசன் |
| பிற தகவல்கள் | |
| பிறப்பு | 28 பெப்ரவரி 1928 |
| இறப்பு | 10 அக்டோபர் 1997 (அகவை 69) |
| படித்த இடம் | பரி. யோவான் கல்லூரி யாழ்ப்பாணக் கல்லூரி செரம்பூர் கல்லூரி]] |
ஆரம்ப வாழ்க்கை தொகு
அம்பலவாணர் 2928 பெப்ரவரி 28 இல்[1][2] வண. யோசப் பொன்னம்பலம் அம்பலவாணர், அன்னம்மா ஆகியோருக்குப் பிறந்தார். யாழ்ப்பாணம் பரி யோவான் கல்லூரி (1932–42), யாழ்ப்பாணக் கல்லூரி (1942-50). ஆகியவற்றில் கல்வி கற்றார்.[1] பின்னர் இவர் இந்தியா சென்று மேற்கு வங்கம் செரம்பூர் கல்லூரியில் 1955 இல் இறையியலில் இளங்கலைப் பட்டம் பெற்றார்.[1] 1959 இல் இலண்டன் பல்கலைக்கழகத்தில் இளங்கலைப் பட்டம் பெற்றார்.[1] 1968 இல் இலண்டன் கிங்சு கல்லூரியில் இறையியலில் முதுகலைப் பட்டம் பெற்றார்.
அம்பலவாணர் சந்திரராணி கணபதிப்பிள்ளை என்பவரைத் திருமணம் புரிந்தார். இவர்களுக்கு தேவதர்சன், தேவதயாளன் என இரு மகன்கள் உள்ளனர்.[1]
பணி தொகு
1955 ஆம் ஆண்டில் பட்டப்படிப்பை முடித்த பின்னர் அம்பலவாணர் தென்னிந்தியத் திருச்சபையின் யாழ் மறைமாவட்ட மறைப்பரப்புனராக பணியில் சேர்ந்தார்.[1] 1971 சூன் 30 இல் தென்னிந்தியத் திருச்சபையின் யாழ்மறைமாவட்டத்துக்கான 2வது ஆயராக நியமிக்கப்பட்டார்.[1][2] 1993 பெப்ரவரி 28 இல் இளைப்பாறினார்.[1][2]
அம்பலவாணர் யாழ்ப்பாணக் கல்லூரியின் பணிப்பாளர் சபையின் தலைவராகப் பணியாற்றினார்.[2] ஈழப்போரின் போது பொதுமக்களின் இழப்புகளுக்காக அம்பலவாணர் குரல் கொடுத்தார்.[1]
மறைவு தொகு
அம்பலவாணர் சிறிது காலம் சுகவீனமுற்ற நிலையில் 1997 அக்டோபர் 10 இல் யாழ்ப்பாண மருத்துவமனையில் தனது 69ஆவது அகவையில் காலமானார்.[2][3]
மேற்கோள்கள் தொகு
- ↑ 1.0 1.1 1.2 1.3 1.4 1.5 1.6 1.7 1.8 Arumugam, S. (1997). Dictionary of Biography of the Tamils of Ceylon. பக். 4–5. http://www.noolaham.org/wiki/index.php?title=Dictionary_of_Biography_of_the_Tamils_of_Ceylon.
- ↑ 2.0 2.1 2.2 2.3 2.4 "Death of Bishop Ambalavanar". 12 அக்டோபர் 1997. http://sundaytimes.lk/971012/newsm.html#4LABEL6.
- ↑ "Bishop Ambalavanar expires in Jaffna". தமிழ்நெட். 10 அக்டோபர் 1997. http://www.tamilnet.com/art.html?catid=13&artid=101.