டீன்குமார்
டீன்குமார் இலங்கைத் தமிழ்த் திரைப்பட, நாடக நடிகர், நாடக இயக்குனர் ஆவார்.
நாடகங்களில் தொகு
டீன்குமார் ஆரம்பத்தில் நாடகங்களில் நடிக்கத் தொடங்கியவர். முதன் முதலில் 1965 ஆம் ஆண்டில் கலையும் கண்ணீரும் என்ற நாடகத்தில் நடித்தார்.[1] அடுத்து தினகரன் நாடக விழாவில் மனித தர்மம் என்ற நாடகத்தை இயக்கி மேடையேற்றினார். பின்னர் அக்கினிப் பூக்கள், ஒரு மனிதன் இரு உலகம், ஆகிய நாடகங்களை இயக்கி நடித்தார்.[1]
திரைப்படங்களில் தொகு
1975 ஆம் ஆண்டில் வி. பி. கணேசன் தயாரித்த புதிய காற்று திரைப்படத்தில் முதன் முதலாக நடித்தார். டீன்குமார் வில்லனாகத் தோன்றிய இத்திரைப்படம் பெரும் வெற்றி பெற்றது.[1] அதன் பின்னர் தென்றலும் புயலும் திரைப்படத்தில் கதாநாயகனாக நடித்தார். அதன் பின்னர் தெய்வம் தந்த வீடு, நெஞ்சுக்கு நீதி ஆகிய திரைப்படங்களில் நடித்தார். கடைசியாக அவள் ஒரு ஜீவநதி படத்தில் நடித்தார்.[1]
தமிழ் தவிர சுது ஐயா, ஒந்தட்ட ஒந்தாய், தங்க கொல்லோ ஆகிய சிங்களத் திரைப்படங்களிலும் இவர் நடித்திருந்தார்.[1]
நடித்த திரைப்படங்கள் தொகு
- புதிய காற்று
- தென்றலும் புயலும்
- தெய்வம் தந்த வீடு
- நெஞ்சுக்கு நீதி
- அவள் ஒரு ஜீவநதி
- சுது ஐயா (சிங்களம்)
- ஒந்தட்ட ஒந்தாய் (சிங்களம்)
- தங்க கொல்லோ (சிங்களம்)