தண்டாயுதபாணி கோவில், செட்டிக்குளம்

தண்டாயுதபாணி கோவில் (Thandayuthapani Temples)என்ற இந்து மதக் கோயில் பெரம்பலூர் மாவட்டத்தில் செட்டிக்குளம் என்ற கிராமத்தில் அருகில் அமைந்துள்ளது.. இந்த கோயில் இந்து கடவுளான தண்டயுதாபாணி அர்ப்பணிக்கப்பட்டு, பெரம்பலூர் நகரத்திலிருந்து 22 கிலோமீட்டர் தொலைவில் தேசிய நெடுஞ்சாலை -45 இல் அமைந்துள்ளது. இந்த கோவில் பாண்டிய மன்னர் குலசேகரரால் கட்டப்பட்டதாக நம்பப்படுகிறது.

மூலவர்: தண்டயுதபாணி , உர்ச்சவர்: - அம்மன் / தாயார்: - தல விருட்சம்: வில்வம். தீர்த்தம்: பஞ்சநாதி ஆகமம் / பூஜை  : - ஆண்டு: 500 ஆண்டுகள் பழமையானது, வரலாற்று பெயர்: - நகரம்: செட்டிகுளம் ,மாவட்டம்: பெரம்பலூர் , மாநிலம்: தமிழ்நாடு பாடகர்கள்: அருணகிநாதர்

திருவிழா

மார்ச்-ஏப்ரல் மாதங்களில் 10 நாள் பங்குனி உத்திரம் திருவிழா, மண்டகபாடி மற்றும் தேர் ஊர்வலத்துடன் ஒவ்வொரு நாளும் லட்சக்கணக்கான் பக்தர்களை ஈர்க்கிறது; சித்திரை மாதத்தின் முதல் நாளிலிருந்து 10 நாள் தைபூசத் தேர் திருவிழா கோவிலின் படிகளுக்கு பூஜையுடன் நடைபெறும். ஏப்ரல்-மே மாதங்களில் கோவிலின் ஒவ்வொரு படிகளுக்கும் விளக்கு பூஜையுடன் நடைபெறும். மே-ஜூன் மாதங்களில் சிறப்பு பூஜைகளுடன் வைகாசி விசாகம் சங்கு அபிசேகம் நடைபெறும்., அக்டோபர்-நவம்பர் மாதங்களில் ஐப்பசி கந்தசஷ்டி திருவிழா 7 நாள் லட்சர்ச்சனையுடன் நடைபெறும். (இறைவனின் ஆயிரம் பெயர்களை 100 முறை மீண்டும் முழக்கமிடுவது) இவையெல்லாம் கோவிலில் கொண்டாடப்படும் பண்டிகைகள் ஆகும்.

கோவிலின் சிறப்பு

தலைமை தெய்வம் ஒரு சுயம்புமூர்த்தி ஆவார். மாசி மாதத்தின் 3, 4 மற்றும் 5 ஆம் நாட்களில் (பிப்ரவரி-மார்ச்) சூரியன் அஸ்தமிக்கும் போது தெய்வத்தின் பாதம் முதல் முகம் வரை அதன் கதிர்கள் விழும். தண்டாயுதபாணி பகவான் தலையில் முடியுடன் இங்கே அருள்பாலிக்கிறார். 4 அடி உயரத்தில் உள்ள இச்சிலை "கனுக்கள்" எனப்படும் 11 கோடுகள் கொண்ட கரும்பை கையில் வைத்திருக்கிறது, இது வேறு எந்த முருகன் கோவில்களிலிலும் காணப்படுவதில்லை. கோவில் திறக்கும் நேரம்: காலை 6.00 மணி முதல் 11.00 மணி வரையும், மாலை 4.00 மணி முதல் இரவு 8.00 மணி வரையிலும் திறந்திருக்கும். முகவரி: ஸ்ரீ தண்டயுதாபனி கோவில், செட்டிகுளம், பெரம்பலூர் மாவட்டம். தொலைபேசி: + 91-4328 268 008, 99441 17450, 98426 99378

பொதுவான செய்தி

இந்த கோவிலில் ஏறுவதற்கு 240 படிகள் மற்றும் கீழே இறங்குவதற்கு 243 படிகள் உள்ளன. இந்த கோவிலின் சிறப்பு என்னவென்றால், செட்டிக்குளத்தில் அமைந்துள்ள மற்றொரு சிவன் கோவிலை நோக்கி இது அமைந்துள்ளது. முருகனின் இராணுவத் தலைவரான வீரபாகு இங்கு வீரபத்ரசாமியாக அருள்பாலிக்கிறார். பிரார்த்தனைகள்: மகிழ்ச்சியான திருமண, குழந்தை வரம், நோய் மற்றும் பிற உடல் பிரச்சினைகளுக்கு தீர்வு காண, வழக்குகளில் சாதகமான முடிவுகள், இழந்த விஷயங்களை மீட்பது, வர்த்தக பிரச்சினைகள் போன்றவற்றிற்காக மக்கள் இங்கு பிரார்த்தனை செய்கிறார்கள், மேலும் முருக பகவான் இதற்கான தீர்வுகளை வழங்குகிறார் என்று பக்தர்கள் உறுதியாக நம்புகிறார்கள். மற்ற இயற்கை நன்மை என்னவென்றால், பக்தர்கள் படிகளில் ஏறி ஆரோக்கியமான மூலிகை காற்றை சுவாசித்துக் கொண்டு கடவுளை தரிசிக்கின்றனர். மேலும், தலைக்கு மொட்டை போடுவது, காவடியைச் சுமந்து ஆடுவது, எடைக்கு எடை (துலாபாரம்) பொருட்களை வழங்குதல், கால்நடைகளை நேர்ந்து விடுதல் போன்றவையாகும். குழந்தை வரம் வேண்டு கரும்பு தொட்டில்களை உருவாக்கி கோவிலில் கட்டுகிறார்கள். சிலர் முருக பகவான் ஆயுதமான வேலினை வெள்ளியால் செய்து இறைவனுக்கு வழங்குகிறார்கள். பால், தயிர், தேங்காய், பழங்கள், சந்தனம், பஞ்சாமிர்தம், எண்ணெய் போன்றவற்றைக் கொண்டு முருகனுக்கு அபிஷேகம் செயயப்படுகிறது. சஷ்டி நாட்களில் கலசாபிஷேகம் (கலசம்-சிறிய உலோக பானைகள்) செய்கிறார்கள் - அமாவாசையிலிருந்து ஆறாவது நாள் அல்லது பௌர்ணமி நாட்களில் சண்முக ஹோமம் பக்தர்களால் பக்தியுடன் செய்யப்படுகிறது. பார்வையாளர்களுக்கு உணவளித்தல் மற்றும் வழக்கமான அபிசேகங்களும் பக்தர்களால் செய்யப்படுகின்றன.

கோவிலின் மகத்துவம்

முருக பகவான் தண்டாயுதபாணி கோலத்தில் அனைத்து கோயில்களிலும் மொட்டை தலையுடன் காணப்படுவார். இந்த கோவிலில் உள்ள தண்டாயுதாபாணி பகவான் அழகான முடியுடன் காணப்படுகின்றார். 4 அடி உயரம் கொண்ட 11 கனுக்களுடன் உள்ள கரும்பினை வைத்திருக்கும் கடவுளை பக்தர்கள் தரிசனம் செய்யக்கூடிய ஒரே கோயில் இதுதான். செட்டிகுளம்: வளையல் செட்டி என்ற வளையல் விற்பனையாளராக முருக பகவான் அகஸ்திய முனிவருக்கு தரிசனம் வழங்கினார். பராந்தக சோழன் மற்றும் குலசேகர பாண்டியன் ஆகியோருக்கு முருக பகவான் வழிகாட்டியதாகவும், கண்ணகியின் கோபத்தைத் தணிக்கவும், மதுரகாளி வடிவத்தில் அவளை அமைதிப்படுத்த உதவியதாகவும் கூறப்படுகிறது. தெற்கே பழனியில் உள்ளதைப் போல முருக பகவான் கருணை கொடுப்பதால் இந்த இடம் வடபழனி என்றும் அழைக்கப்படுகிறது. இதன் முக்கியத்துவம் இறைவன் சுயம்புமூர்த்தி வடிவத்தில் உள்ளார். அவர் ஒரு சிவப்பு கரும்பு வைத்திருப்பது இங்கே மட்டுமே உள்ள ஒரு பிரத்யேக வடிவமாகும். இங்கே ஓடும் பஞ்சநதி எப்போதும் நீர் நிறைந்தே காணப்படும். மலையிலிருந்து வரும் நீர் மலையில் உள்ள மூலிகை செடிகள் வழியாக ஆற்றில் பாய்கிறது மற்றும் அனைத்து மருத்துவ குணங்களையும் கொண்டுள்ளது. பழனி மலையில் செய்ய வேண்டிய பிரார்த்தனை கடமைகளை இங்கே செயல்படுத்தலாம். அகஸ்திய முனிவர் இங்கு வழிபட்டார் என்று நம்பப்படுகிறது.. அருணகிரியார் தனது பாடல்களில் இக்கோவிலைப் பற்றி பாடியிருக்கிறார்.

கோயில் வரலாறு

அரக்கர்களின் பயங்கரவாதத்திலிருந்து தங்களைக் காப்பாற்றும்படி தேவர்கள் கைலாசத்தில் உள்ள சிவனிடம் வேண்டுகோள் விடுத்தனர். அன்னை பார்வதியும் அங்கே இருந்தார். முருக பகவான் எழுந்து அவர்களை அழிப்பதாக உறுதியளித்து, தாயிடமிருந்து வேல் என்ற சக்தி ஆயுதத்தைப் பெற்றார். அரக்கர்களுக்கு எதிரான தனது வெற்றியையும் அவர்களின் தலைவன் சூரனின் அழிவையும் அறிவிக்க அவர் தனது தாயிடம் தெரிவிக்கிறார். வெற்றிகரமாக திரும்பிய மகனுக்கு அவரது வாழ்த்துக்களின் அடையாளமாக, அவர் தனது கையில் வைத்திருந்த கரும்பைக் கொடுத்தார். இந்த கரும்புடன் முருக பகவான் இந்த கோவிலுக்கு எழுந்தருளினார். கோவிலின் நுழைவாயிலில் விநாயகர் கோவில் ஒன்று அமைந்துள்ளது. திரு எம். ராமசாமி கூடுதல் பதிவு ஆய்வாளர் (ஓய்வு) மற்றும் அவரது மனைவி சகுந்தலா ராமசாமி ஆகியோரால் 2008 ஆம் ஆண்டில் இக்கோவில் புனரமைக்கப்பட்டது.

சிறப்பு அம்சங்கள்

அதிசயம் அடிப்படையிலானது: தலைமை தெய்வம் ஒரு சுயம்புமூர்த்தி ஆவார். மாசி மாதத்தின் 3, 4 மற்றும் 5 ஆம் நாட்களில் (பிப்ரவரி-மார்ச்) சூரியன் அஸ்தமிக்கும் போது தெய்வத்தின் பாதம் முதல் முகம் வரை அதன் கதிர்கள் விழுவது சிறப்பாகும்.

குறிப்புகள்

• "Chettikulam Temples". Perambalur District Administration. Archived from the original on 2011-09-27.