தேவி சார்த்திகா
தேவி சார்த்திகா (Dewi Sartika) (4 டிசம்பர் 1884 – 11 செப்டம்பர் 1947) இந்தோனேசியாவில் பெண் கல்விக்கான வழக்கறிஞர் மற்றும் முன்னோடி ஆவார். இவர் டச்சு கிழக்கிந்தியத் தீவுகளில் பெண்களுக்கான முதல் பள்ளியை நிறுவினார். இவர் 1966 ஆம் ஆண்டில் இந்தோனேசியாவின் தேசியநாயகனாக கௌரவிக்கப்பட்டார்.
சுயசரிதை தொகு
தேவி சார்த்திகா [1] 4 டிசம்பர் 1884 அன்று சிகலெங்காவில் சுண்டானிய உன்னதப் பெற்றோரான ஆர். ரங்கா சோமனேகரா மற்றும் ஆர்.ஏ.ராஜபெர்மாஸ் ஆகியோருக்குப் பிறந்தார்.[2] [3] சிறுவயதில், பள்ளி முடிந்ததும் இவர் தோழிகளுடன் விளையாடும்போது அடிக்கடி ஆசிரியராக நடித்தாள். [2] [4] இவரது தந்தை இறந்த பிறகு, இவர் தனது மாமாவுடன் வசித்து வந்தார். அவரது பராமரிப்பில் இருந்தபோது இவர் சுண்டானிய கலாச்சாரத்தில் கல்வியைப் பெற்றார், அதே நேரத்தில் மேற்கத்திய கலாச்சாரம் பற்றிய இவரது அறிவு ஒரு குடியுரிமை உதவியாளரின் மனைவியிடமிருந்து பெறப்பட்டதாகும். [5] 1899-ஆம் ஆண்டில், இவர் பண்டுங்கிற்கு குடிபெயர்ந்தார். [4]
ஜனவரி 16, 1904 இல், இவர் பண்டுங் ரீஜென்சியின் பெண்டோபோவில் சகோலா இஸ்ட்ரி என்ற பெயரில் ஒரு பள்ளியை நிறுவினார். இப்பள்ளி பின்னர் ஜாலான் சிகுரியாங்கிற்கு மாற்றப்பட்டது. பள்ளியின் பெயர் 1910- ஆம் ஆண்டில் செகோலா காயோடமான் இஸ்டெரி என மாற்றப்பட்டது.[6] 1912 ஆம் ஆண்டில், மேற்கு ஜாவாவில் உள்ள நகரங்கள் அல்லது ரீஜென்சிகளில் ஒன்பது செகோலா காயோடமான் இஸ்டெரி (நகரங்கள் மற்றும் ரீஜென்சிகளில் பாதி), 1920 இல் அனைத்து நகரங்கள் மற்றும் ரீஜென்சிகள் ஒரு பள்ளியைக் கொண்டிருந்தன. [5] செப்டம்பர் 1929 இல், இந்தப் பள்ளி அதன் பெயரை செகோலா ராடன் டீவி என்று மாற்றியது. [5]
1947 ஆம் ஆண்டு செப்டம்பர் 11 ஆம் தேதி, சுதந்திரப் போரின் காரணமாக, பண்டுங்கில் இருந்து வெளியேறும் போது, தாசிக்மாலாயாவின் சினேமில் இவர் இறந்தார். [5] [7]
மேதமை தொகு
அவரது பெயர் தேவி சார்த்திகா அவரது பள்ளியின் இடமாகவும், இந்தோனேசியாவின் பல்வேறு நகரங்களில் பயன்படுத்தப்பட்ட தெருவாகவும் அறியப்படுகிறது. [2] [8] [9] செகோலா காயோடமான் இஸ்டெரியின் 35வது ஆண்டு விழாவில், கல்வியில் அவர் ஆற்றிய சேவையைப் பாராட்டும் வகையில் அவருக்கு ஆர்டர் ஆஃப் ஆரஞ்சு-நசாவ் விருது வழங்கப்பட்டது. [5] [7] 1 டிசம்பர் 1966 இல், அவர் தேசிய இயக்கத்தின் நாயகி பட்டத்தைப் பெற்றார். [10] [7]
தனிப்பட்ட வாழ்க்கை தொகு
1906 ஆம் ஆண்டில், இவர் செகோலா கராங் பமுலாங்கில் ஒரு ஆசிரியரான ராடன் கந்துருஹான் அகா சோரியாவினாடாவை மணந்தார். [5]
அஞ்சலி தொகு
4 டிசம்பர் 2016 அன்று, கூகுள் தனது 132வது பிறந்தநாளை கூகுளின் கேலிச்சித்திரம் மூலம் கொண்டாடியது.
மேற்கோள்கள் தொகு
- ↑ "5 Pahlawan Perempuan yang Jarang Diketahui" (in id). Woman Indonesia. November 9, 2021. https://www.womanindonesia.co.id/pahlawan-perempuan-yang-jarang-diketahui/.
- ↑ 2.0 2.1 2.2 Aning S. 2005
- ↑ Agustina 2009
- ↑ 4.0 4.1 Sudarmanto 2007
- ↑ 5.0 5.1 5.2 5.3 5.4 5.5 Agustina 2009
- ↑ Aning S. 2005
- ↑ 7.0 7.1 7.2 Aning S. 2005
- ↑ "Dewi Sartika" (in இந்தோனேஷியன்).
- ↑ "Pahlawan Nasional: Dewi Sartika - Bobo" (in இந்தோனேஷியன்).
- ↑ "Dewi Pendidikan dari Cicalengka"."Dewi Pendidikan dari Cicalengka". tokohindonesia.com. Retrieved 6 January 2011.