நளினி தாசு
நளினி தாசு (Nalini Das; 5 ஆகத்து 1916 – 26 மார்ச் 1993) ஒரு பெங்காலி கல்வியாளர், எழுத்தாளர் மற்றும் ஆசிரியர் ஆவார். இவர் வங்கமொழி குழந்தைகள் பத்திரிகையான சந்தேசின் ஆசிரியர்களில் ஒருவராக இருந்தார் .
| நளினி தாசு | |
|---|---|
| பிறப்பு | 1916[1] |
| இறப்பு | 1993[1] |
| தேசியம் | இந்தியர் |
| பணி | கல்வியாளர், எழுத்தாளர், தொகுப்பாளர் |
| அறியப்படுவது | 20ஆம் நூற்றாண்டில் வங்கமொழியில் குறிப்பிடத்தக்க எழுத்தாளராகப் பங்களிப்பு |
| குறிப்பிடத்தக்க படைப்புகள் | கோயண்டா கொண்டலு, சந்தேசு குழந்தைகள் இதழ் தொகுப்பாளர் |
இளமை தொகு
நளினி தாசு அருண்நாத் சக்ரவர்த்தி மற்றும் புண்யலதா (ரே சவுத்ரி) ஆகியோரின் மகளாகப் பிறந்தார். இவரது தந்தை பீகாரில் பணியமர்த்தப்பட்ட ஒரு துணை நீதிபதி ஆவார். இவரது தாயார் வங்கமொழி எழுத்தாளர், தொழில்நுட்ப வல்லுநர் மற்றும் தொழில்முனைவோர் உபேந்திரகிஷோர் ரே சௌத்ரியின் மகள் ஆவார்.[1][2][3] வங்கமொழி எழுத்தாளர் சுகுமார் ராய் இவரது தாய்வழி மாமா ஆவார்.[4] ஆசுகார் விருது பெற்ற திரைப்படத் தயாரிப்பாளர் சத்யஜித் ரே இவரது உறவினர். இவர் தனது பள்ளிப் படிப்பைப் பிரம்ம பாலிகா சிசாலாலயா மற்றும் ஐ. ஏ. வினை கொல்கத்தாவில் உள்ள தூய ஜான்ஸ் திருச்சபை பெண்கள் மேல்நிலைப் பள்ளியில் முடித்தார்.[5]
நளினி கொல்கத்தாவின் இசுகாட்லாந்து திருச்சபை தேவாலயம் கல்லூரியில் தத்துவப் படிப்பினை மேற்கொண்டார்.[6] இவர் கல்கத்தா பல்கலைக்கழகத்தில் தத்துவத்தில் முதுகலைப் பட்டம் பெற்றார். இவர் ஒரு சிறந்த அறிஞராக இருந்தார். இளங்கலை மற்றும் முதுகலைத் தேர்வுகளில் முதல் வகுப்பில் தேர்ச்சி பெற்று முதலிடமும் பெற்றார்.
தொழில் தொகு
தாசு தனது கல்விக்குப் பிறகு விக்டோரியா நிறுவனத்தில் தத்துவத் துறையின் ஆசிரியராகப் பணியில் சேர்ந்தார். இதன் பின்னர் இவர் வங்காள அரசாங்கத்தின் கல்விச் சேவையில் சேர்ந்தார். 1945ஆம் ஆண்டில், பள்ளி ஆசிரியர்களின் பயிற்சி பற்றி அறிய அரசாங்க உதவித்தொகையுடன் இங்கிலாந்துக்குச் சென்றார். திரும்பி வந்ததும், புதிதாக நிறுவப்பட்ட டேவிட் ஹேர் பயிற்சி கல்லூரியில் சேர்ந்தார். பெண்களுக்கான தனி ஆசிரியர் பயிற்சிக் கல்லூரி, மகளிர் கல்வி நிறுவனம் அமைக்கப்பட்டபோது, இவர் இதன் ஆசிரியர்களில் மூத்த உறுப்பினராக ஆனார். பின்னர் இவர் இந்த நிறுவனத்தின் முதல்வரானார்.
பின்னர் இவர் பெத்தூன் கல்லூரியின் முதல்வராக இருந்தார்.[7] இக்கல்லூரியில் சிறந்த செயல்திறனுக்காக இவருக்கு விருது வழங்கப்பட்டது.[8]
எழுத்தாளர் மற்றும் ஆசிரியர் தொகு
தனது மூத்த சகோதரி கல்யாணி கர்லேக்கருடன் இணைந்து 1930 மற்றும் 1940களில் ஒரு வங்காள மொழி பெண் இதழான மேய்டர் கதாவைத் தொகுத்தார்.[2]
வங்காள இலக்கியத்தின் முதல் பள்ளி பெண் துப்பறியும் நூலினைத் தாசு உருவாக்கினார்.[9] கோயந்தா கோண்டலு (ஆங்கிலத்தில் லு குவார்டெட் என மொழிபெயர்க்கப்பட்டுள்ளது) மர்மங்களைத் தீர்க்கும் நான்கு இளம் பள்ளி மாணவிகள் குறித்தது.[2][10]
1964 முதல் 1993இல் இவர் இறக்கும் வரை, தனது வீட்டிலிருந்து இயங்கும் வங்க மொழி குழந்தைகள் இதழான சந்தேசின் மூன்று ஆசிரியர்களில் ஒருவராக இருந்தார்.[11] இவர் தனது உறவினர் சத்யஜித் ரே குழந்தைப் பருவ நாட்களைப் பற்றி சாத் ராஜர் தோன் ஏக் மாணிக் எனும் புத்தகத்தை எழுதினார். லீலா மஜூம்தார் மற்றும் ரே ஆகியோருடன் இணைந்து குழந்தைகள் புத்தகங்களைத் தொகுத்தார்.
தனிப்பட்ட வாழ்க்கை தொகு
நளினி தாசு வங்காள மொழிக் கவிஞர் ஜிபானானந்தா தாசின் சகோதரர் அசோகனந்தா தாசை மணந்தார்.[1][12] எழுத்தாளரும் வெளியீட்டாளருமான அமிதானந்தா தாசு இவர்களின் மகன் ஆவார். அமிதானந்தா தாசு கிருஷ்ணா ராயை திருமணம் செய்து கொண்டார். இவர்களுக்கு ஒரு மகள் இருந்தார்.[13][14]
விருதுகள் தொகு
நளினி தாசுக்கு 1990ஆம் ஆண்டில் மேற்கு வங்க அரசால் வித்யாசாகர் நினைவு விருது வழங்கப்பட்டது.[15]
வெளியிடப்பட்ட படைப்புகள் தொகு
| படைப்பு | வெளியீட்டாளர் | ஆண்டு |
|---|---|---|
| ரா-கா-ஜெ-தே-நா-பா | நியூ இசுகிரிப்ட் | 1958 |
| ரங்காங்கரர் ரஹஷ்யா | கிரந்தப்பிரகாஷ் | 1978 |
| மத்யரதர் கோர்ஷோயர் | ஆனந்த | 1980 |
| Oshoririr Ashor-திருத்தப்பட்டது லீலா மஜும்தார், நளினி தாஸ் மற்றும் சத்யஜித் ரே | நியூ இசுகிரிப்ட் | 1988 |
| ஹதிகிஷார் ஹனபரி | நியூ இசுகிரிப்ட் | |
| சரஸ் ரஹஷ்யா-திருத்தியது லீலா மஜும்தார், நளினி தாஸ் மற்றும் சத்யஜித் ரே | நியூ இசுகிரிப்ட் | 1989 |
| ஷாட் ராஜர் தோன் ஏக் மானிக் | நியூ இசுகிரிப்ட் | 1993 |
| உபேந்திர கிஷோர் ரோச்சோனா சமக்ரா | அன்னபூர்ணா பிரகாஷணி | |
| மொருபிரசாதர் ரஹஷ்யா | ஆனந்த பப்ளிஷர்ஸ் | 1993 |
| கோயெண்டா கோண்டலு சமக்ரா-நான் | நியூ இசுகிரிப்ட் | 2009 |
| கோயண்டா கோண்டலு சமக்ரா-II | நியூ இசுகிரிப்ட் | 2012 |
| லு குவார்டெட்-சூப்பர் ஸ்லூத் மற்றும் பிற கதைகள் | ஹச்செட் இந்தியா | 2012 |
| கல்பா ஓ உபன்யாஸ் சமக்ரா-III | நியூ இசுகிரிப்ட் | 2014 |
| யூரோப்பர் சித்தி | நியூ இசுகிரிப்ட் | 2016 |
மேற்கோள்கள் தொகு
- ↑ 1.0 1.1 1.2 1.3 "মেজ সম্পাদক". Ananda Bazar Patrika. ABP. 2016-10-01. https://www.anandabazar.com/supplementary/kolkatakorcha/kolkatar-korcha-1.446490.
- ↑ 2.0 2.1 2.2 . February 2013.Das, Nalini (February 2013).
- ↑ Ray, Satyajit (1983). Jakhon Chhoto Chhilam. Ānanda. பன்னாட்டுத் தரப்புத்தக எண்:81-7066-880-8.
- ↑ Das, Nalini. Shaat Rajar Dhon Ek Manik (2nd (January 2005) ). Calcutta: New Script.
- ↑ "Alumni". St. John's Diocesan Girls' Higher Secondary School. பார்க்கப்பட்ட நாள் 12 March 2019.
- ↑ Some Alumni of Scottish Church College in 175th Year Commemoration Volume.
- ↑ "Department of Philosophy". Bethune College. பார்க்கப்பட்ட நாள் 12 March 2019.
- ↑ "Department of Chemistry". Bethune College.
- ↑ . 2015-05-16.
- ↑ . 2016-12-18.
- ↑ . 2017-10-14.
- ↑ "পৃথিবীতে নেই কোনো বিশুদ্ধ চাকরি". Prothom Alo. https://www.prothomalo.com/onnoalo/article/1579476/%E2%80%98%E0%A6%AA%E0%A7%83%E0%A6%A5%E0%A6%BF%E0%A6%AC%E0%A7%80%E0%A6%A4%E0%A7%87-%E0%A6%A8%E0%A7%87%E0%A6%87-%E0%A6%95%E0%A7%8B%E0%A6%A8%E0%A7%8B-%E0%A6%AC%E0%A6%BF%E0%A6%B6%E0%A7%81%E0%A6%A6%E0%A7%8D%E0%A6%A7-%E0%A6%9A%E0%A6%BE%E0%A6%95%E0%A6%B0%E0%A6%BF%E2%80%99.
- ↑ Das, Nalini (Feb 2009). Goyenda Gondalu Samagra 1 (1st ). Calcutta: New Script.
- ↑ Ghorai, Debashish. "সব পাখি ঘরে আসে, সব নদী, আসেন না জীবনানন্দ!". ABP.
- ↑ "পুরস্কার বিজয়ী বাঙালি লেখক". State Central Library Kolkata - Government of West Bengal. Archived from the original on 17 October 2018. பார்க்கப்பட்ட நாள் 5 March 2019.
- ↑ ""au:"নলিনী দাশ"". WEST BENGAL PUBLIC LIBRARY OPAC. பார்க்கப்பட்ட நாள் 8 March 2019.