விக்கிப்பீடியா:பங்களிப்பாளர் அறிமுகம்/காந்திமதி

சு.காந்திமதி தமிழ்நாட்டிலுள்ள வேலூரைச் சேர்ந்தவர். 2015 ஆம் ஆண்டு முதல் தமிழ் விக்கிப்பீடியாவில் பங்களித்து வருகிறார். அரசு பள்ளியில் ஆங்கில பட்டதாரி ஆசிரியராகப் பணிபுரிகிறார்.யோகா, உடற்பயிற்சி, பள்ளிப்பணி என திட்டமிட்டு நேரத்தைச் செலவிடும் காந்திமதி கிடைக்கும் குறைந்த ஓய்வு நேரத்திலும் விக்கிப்பீடியாத் திட்டங்களில் பங்களிப்பு செய்கிறார். விக்கிமூலத்தில் சுமார் 1700 தொகுப்புகளும், விக்கித்தரவில் சுமார் 1300 தொகுப்புகளும் செய்துள்ள காந்திமதி விக்கிப்பீடியாவில் வேங்கைத்திட்டம் 2.0 போட்டி, விக்கி மகளிர் நலம், விக்கிப் பெண்களை நேசிக்கிறது 2020 போன்ற திட்டங்களில் பங்கேற்று முக்கிய பங்காற்றியவர்.