விவேகானந்தர் கல்லூரி, மதுரை
விவேகானந்தர் கல்லூரி (Vivekananda College, Madurai) என்பது தன்னாட்சிப்பெற்ற ஆடவர் கலை அறிவியல் கல்லூரி ஆகும். இது மதுரை, திருவேடகத்தில் உள்ளது. [1] இக்கல்லூரியானது மதுரை காமராசர் பல்கலைக்கழகத்துடன் இணைவுபெற்றுள்ளது. இது 1971 இல் சுவாமி சித்பவானந்தரால் நிறுவப்பட்டது. [2]
இக்கல்லூரியானது இராமகிருஷ்ண தபோவனத்தால் நிர்வகிக்கிறது. இந்தியாவில் பதிவுசெய்யப்பட்ட ஒரே குருகுல வாழ்க்கை கல்வி நிறுவனம் இதுவாகும். [3] இக்கல்லூரி தேசிய மதிப்பீடு மற்றும் தரச்சான்று அவை 2014 ஆம் ஆண்டில் மீண்டும் அங்கீகாரம் பெற்றபோது கல்லூரிக்கு `ஏ 'தரத்தை (சிஜிபிஏ 3-59 / 4.00) வழங்கியுள்ளது. இது இக்னோ (இந்திரா காந்தி தேசிய திறந்த நிலைப் பல்கலைக் கழகம்) கல்வி மையத்தைக் கொண்டுள்ளது. இக்னோ வழங்கும் சான்றிதழ் திட்டங்கள் மற்றும் பட்டப்படிபுகளை கொண்டுள்ளது.
கல்லூரியில் தினசரி மூன்று கட்டாய செயல்களாக பிரார்த்தனைகள், யோகா விளையாட்டு போன்றவற்றையும், சிலம்பம், ஜிம்னாஸ்டிக்ஸ் போன்ற விருப்ப விளையாட்டுகளும் உள்ளன.
திருவனந்தபுரம் மேற்கு இராமகிருஷ்ண தபோவனமானது இதே வளாகத்தில் விவேகானந்தா மேல்நிலைப் பள்ளி நரேந்திர நர்சரி பள்ளி நிர்வகிக்கிறது. மேலும் சோழவந்தானில் விவேகானந்தா மெட்ரிக்குலேசன் பள்ளியையும் நடத்திவருகிறது,
குருகுல வாழ்வு தொகு
- 1971 முதல் பண்டைய குருகுல அமைப்பின் மறு உருவாக்கம்.
- வாழ்க்கைக்கான பயிற்சி மற்றும் எழுத்தறிவு கல்வி வழங்கப்படுகிறது
- அதிகாலை 4.45 மணிக்கு அனைத்து மாணவர்களும் எழுந்திருக்கிறார்கள்.
- சபையில் பிரார்த்தனையானது ஒரு நாளைக்கு மூன்று முறையும், வாரத்திற்கு ஒரு நாள் சனிக்கிழமையன்று பஜனை
- ஒவ்வொரு பிராத்தனையின்போதும் சூர்யா காயத்ரி ஐந்து முறை முழங்கப்படுகிறது
- ஆண்டு முழுவதும் மாணவர்களுக்கு மூன்று வேளை சாப்பாடு, மாலை சிற்றுண்டி பரிமாறுகிறார்கள்.
- ஒவ்வொரு உணவிற்கு முன்னும் பிரம்மார்பணம் (கடவுளிடம் அருளைக் கூறுவது) முழங்கப்படுகிறது
- கல்லூரியில் கைகுத்தல் அரிசி, ராகி-மால்ட், இற்கை முறையிலான பழங்கள், காய்கறிகள், தூய பால் போன்றவை தயாரிக்கப்படுகின்றன.
- உடல் பயிற்சிப் பணிகளை கண்காணிப்புக் குழு மாணவர் மேற்பார்வையாளர்கள்
- மாணவர்களுக்கு தற்காப்பு கலைகள் மற்றும் ஜிம்னாஸ்டிக் பயிற்சியை மூத்த மாணவர்கள் அளிக்கின்றனர்
- ஒவ்வொரு மாணவனின் உடல் பணிகள் மாதாந்திர மதிப்பீடு செய்யப்படுகிறது
- ஒரு வாரத்தில் மூன்று நாட்களுக்கு பாரம்பரிய உடை மற்றும் சீருடை
- சூரியா நமஸ்காரம் மற்றும் யோகாசனங்கள் அனைத்து மாணவர்களும் இணைந்து கூட்டாக செய்தல்
- ஒவ்வொரு ஆண்டும் விவேகானந்தர் பிறந்த நாளில் ஏடகநாதேசுவரர் கோயிலுக்கு ஊர்வலம் செல்லுதல்
- அவ்வப்போது துறவிகளின் வருகை
- அனைத்து மாணவர்களும் தேசிய பாடலான "வந்தே மாதரம்" பாடுதல்.
- பட்டப்படிப்பு சான்றிதழைப் போலவே கல்விக் காலத்தின் முடிவில் அனைத்து மாணவர்களுக்கும் ஆளுமை மதிப்பீட்டு சான்றிதழ்.
பாடத்திட்டம்
- 1987 முதல் தன்னாட்சி
- 2002 முதல் என்ஏஏசி-ஆல் 'ஏ' தர மதிப்பீடு
- குழந்தைகள் மற்றும் இளைஞர்களுக்கு ஆண்டுதோறும் கலாச்சார மற்றும் ஆன்மீக முகாம்கள்.
- சமஸ்கிருதத்தை முதல் மொழியாகத் தேர்ந்தெடுப்பதற்கான வாய்ப்பு
- சேர்க்கை, வள அணிதிரட்டல், உயர்கல்விக்கான உந்துதல் மற்றும் பணியமர்த்தல் ஆகியவற்றில் பழைய மாணவர்களின் ஆதரவு
- 2007-2008 முதல், மூன்றாம் மற்றும் ஐந்தாவது செமஸ்டர்களின் சுருக்க தேர்வுகளில் தேர்ச்சி சதவீதம் 93%
- தலையங்கம், பத்திரிகை கட்டுரைகள் விளக்கக்காட்சி மற்றும் குழு விவாத மன்றம்.
- சோழவந்தன் அரசு மேல்நிலைப்பள்ளியின் மாணவிகளுக்கு தகவல் தொடர்பு திறன் கற்பித்தல்.
- வழக்கமான கல்லூரி பாடத் திட்டங்கள்.
- சுய உதவிக்குழுக்களுக்கு பயிற்சி அளித்தல்
பலவீனங்கள்
- மாணவர்களின் சேர்க்கை 1000 க்கு மேல் இல்லை
- குருகுல முறைக்குள் நுழைவதற்கு மாணவர்களுக்கு உள்ள ஆரம்ப தயக்கம்
- மாணவர்களின் வறுமை அவர்களின் உணவக கட்டணத்தை செலுத்துவதில் இடர் விளைவித்தல்
- தகவல்தொடர்பு திறன் குறைந்த மாணவர்கள்
வாய்ப்புகள்
- இங்கு வழங்கப்படும் உடல் பயிற்சி கலாச்சாரத்தின் காரணமாக படைத்துறை, காவல்துறை போன்றவற்றில் அதிக மாணவர்கள் தேர்வுபெறுதல்.
- கலாச்சார சுற்றுலா மேம்பாடு
- மதுரை அரசு ராஜாஜி மருத்துவமனையில் ஆண்டு முழுவதும் இதய அறுவை சிகிச்சைக்காக இரத்த தானம் வழங்கப்பட்டது.
- கோடை விடுமுறையில் என்எஸ்எஸ் முகாம்கள்
- ஒவ்வொரு ஆண்டும் குடியரசு அணிவகுப்பில் என்.சி.சிக்கு வாய்ப்பு
- கிராம தத்தெடுப்பு திட்டம் மற்றும் ஸ்டேட் பாங்க் ஆப் இந்தியா, சென்னை வட்டத்தினால், மூடுந்து நன்கொடை.
- படிக்கும்போதே சம்பாதித்தல்
- சுய படிப்பு திட்டம் மற்றும் நூலக சேவைகள்
- இரண்டு ஆண்டுகளுக்கு ஒரு முறை கிராமப்புற மக்களுக்கு அறிவியல் கண்காட்சி
- கிராமப்புற மாணவர்களுக்கு நடமாடும் நூலகம் மற்றும் ஆய்வகம்.
அச்சுறுத்தல்கள்
- தண்ணீர்ப் பற்றாக்குறை
- அடிக்கடி மின்வெட்டு
- பாரம்பரிய அறிவியல் மற்றும் கலை படிப்புகளில் சேருதல் குறைந்து வருதல்
- சுயநிதி ஆசிரியர்கள் எந்த நேரத்திலும் நிறுவனத்தை விட்டு வெளியேறலாம்
சுற்றுச்சூழலைப் பாதுகாத்தல் தொகு
ஒவ்வொரு மாணவரும் தனது குருகுலத்தைச் சுற்றியுள்ள கிராமங்களில் பத்து மர விதைகளையும், தன் சொந்த ஊரில் பத்து மர விதைகளூயும் நடவு செய்கிறார்கள். மாணவர் விதைகளை எங்கெங்கு நடவு செய்கிறார் என்பதை பதிவு அட்டையில் வைத்து அதன் வளர்ச்சி விகிதத்தை எட்டு மாதங்களுக்கு அளவிடுகிறார்.
அதிக மரங்களை நடும் மாணவருக்கு விருது வழங்கப்படுகிறது.
இக்னோ கல்வி மையம் தொகு
இக்னோ (இந்திரா காந்தி தேசிய திறந்த நிலைப் பல்கலைக் கழகம்) மையத்தை நிறுவுவதற்கு வணிகவியல் துறையைச் சேர்ந்த டாக்டர் எம். செந்தில்வேலன் பொறுப்பேற்றார். விலங்கியல் துறையின் வி. பார்த்தசாரதி மையத்தின் ஒருங்கிணைப்பாளராக உள்ளார். அனைத்து மாணவர்களும் இக்னோ வழங்கும் திறந்த நிலைப் படிப்புகளில் சேர ஊக்குவிக்கப்படுகிறார்கள். இந்த ஆண்டு 161 வழக்கமான மாணவர்கள் இக்னோ வழங்கும் திட்டங்களில் சேர்ந்துள்ளனர்.
குறிப்புகள் தொகு
- ↑ ::: Colleges - University Grants Commission :::
- ↑ "Vivekananda College, Madurai". Archived from the original on 2009-02-19. பார்க்கப்பட்ட நாள் 2019-08-09.
- ↑ "The Hindu : Education Plus Madurai : A `gurukula' for life training". Archived from the original on 2005-01-31. பார்க்கப்பட்ட நாள் 2019-08-09.
{{cite web}}: Unknown parameter|=ignored (help)