வீனின் இடப்பெயர்ச்சி விதி

வீனின் இடப்பெயர்ச்சி விதி (Wien's displacement law) கரும்பொருள் ஒன்றில் இருந்து எந்த வெப்பநிலையிலும் வெளியேறும் வெப்பக் கதிர்வீசலின் அதிக ஆற்றல் கொண்ட அலைநீளம் அதனுடைய தனிவெப்பநிலை T க்கு எதிர் மாறு விகிதத்தில் இருக்கும் எனப் பகருகிறது. வெப்பவியக்கவியல் அடிப்படையில் இவ்விதியை 1893 ஆம் ஆண்டில் நிறுவிய வில்லெம் வீன் என்பவரின் பெயரில் இவ்விதி அழைக்கப்படுகிறது.

பல்வேறு தனி வெப்பநிலைகளில் கரும்பொருள் வெப்பக் கதிர்வீசலின் செறிவுக்கும், அலைநீளத்துக்குமான தொடர்பு.

$\lambda _{\text{max}}T=b,$

இங்கு,

λ_max - உயர் அலைநீளம்,

T - கரும்பொருளின் தனி வெப்பநிலை,

b = 2.8977685(51)×10⁻³ m·K, விகித மாறிலி, அல்லது வீனின் இடப்பெயர்ச்சி மாறிலி என அழைக்கப்படுகிறது.

கட்புலனாகும் நிறமாலைக்குக் கிட்டவாக உள்ள அலைநீளங்களுக்கு, மீட்டர் அளவுக்குப் பதிலாக நானோமீட்டர் அளவு பயன்படுத்தப்படுகிறது. இங்கு, b = 2897768.5(51) nm·K ஆகும்.

பிளாசுமா வெப்பநிலைகளில் இலத்திரன்வோல்ட் அலகு பயன்படுத்தப்படுகிறது. இங்கு விகித மாறிலி b = 249.71066 nm·eV ஆகும்.