ஆறுமுகம் விஜயரத்தினம்

சிங்க்கப்பூர் விளையாட்டு வீரர்

ஆறுமுகம் விஜயரத்தினம் (Arumugam Vijiaratnam, 24 ஆகத்து 1921 - 18 பிப்ரவரி 2016) என்பவர் 1946 முதல் 1956 வரை வலைகோலாட்டம், துடுப்பாட்டம், கால்பந்து, ரக்பி ஆகிய நான்கு விளையாட்டுகளில் தனது நாட்டைப் பிரதிநிதித்துவப்படுத்திய ஒரே சிங்கப்பூரார் ஆவார். இவர் முதல் சிங்கப்பூர் பொறியாளர் ஆவார். உயர்நிலை அரசு ஊழியரான விஜியரத்னம் 1956 மெல்போர்ன் ஒலிம்பிக் போட்டிகளில் வலைகோலாட்டத்தில் சிங்கப்பூரைப் பிரதிநிதித்துவப்படுத்தினார். அங்கு இவர் அமெரிக்காவை 6-1 என்ற கணக்கில் வீழ்த்துவதில் முக்கிய பங்கு வகித்தார். [1]

கல்வி தொகு

மலேசியாவின் ஈப்போவில் பிறந்த விஜயரத்தினம் 1937 முதல் 1940 வரை சிங்கப்பூரில் உள்ள விக்டோரியா பள்ளியில் படித்தார். [2] விளையாட்டையும், படிப்பையும் வெற்றிகரமாக சமநிலையாக பேண முடியும் என்பதை நிரூபித்த முதல் அரசாங்க அறிஞர்களில் இவரும் ஒருவர். 1941 இல் கோலாலம்பூர் தொழில்நுட்பக் கல்லூரியிலும் , 1950 இல் பிரைட்டன் மேம்பட்ட தொழில்நுட்பக் கல்லூரியிலும் பொறியியல் படிப்பதற்காக இவருக்கு அரசாங்க உதவித்தொகை வழங்கப்பட்டது. அங்கு இவர் பொறியியல் பட்டம் பெற்றார். பிரைட்டன் காலேஜ் ஆஃப் அட்வான்ஸ்டு டெக்னாலஜியில் வலைகோலாட்டம் மற்றும் துடுப்பாட்ட அணிகளின் தலைவராக இருந்தார்.

தொழில் தொகு

1953 இல் சிங்கப்பூர் திரும்பிய பிறகு, இவர் 1964 இல் சிங்கப்பூர் துறைமுக ஆணையத்தில் (பி.எஸ்.ஏ) இரண்டாம் நிலை பெறும் வரை பொதுப்பணித் துறையில் பணியாற்றினார். இவர் பி.எஸ்.ஏ உருவாக்கத்தில் முக்கியப் பங்காற்றினார், அதன் கொள்கலன்மயமாக்கல் திட்டத்தை உருவாக்க உதவினார், மேலும் அதன் தலைமைப் பொறியாளராக உயர்ந்தார். இவர் 17 ஆண்டுகள் பி.எஸ்.ஏவில் பணிபுரிந்தார். பின்னர் சாங்கி வானூர்தி நிலையத்தை மீட்டெடுக்கும் பணிகளில் முக்கிய பங்கு வகித்த இரு முக்கிய நபர்களில் இவரும் ஒருவர். இது சிங்கப்பூரின் நிறுவனர் தந்தை லீ குவான் யூவின் நினைவுகள், மூன்றாம் உலகத்திலிருந்து முதல் வரை: சிங்கப்பூர் கதையில் குறிப்பிடப்பட்டுள்ளது. . [3] பின்னர் இவர் பி.எஸ்.ஏ க்கு திரும்பினார் மேலும் 75 வயதில் பொறியியல் இயக்குனராக இருந்து ஓய்வு பெற்றார்.

விஜயரத்தினம் 1992 இல் நான்யாங் தொழில்நுட்ப பல்கலைக்கழகத்தின் முதல் சார்பு வேந்தராக பதவியேற்று 2005 வரை பணியாற்றினார். 1995 முதல் பத்து ஆண்டுகள் தமிழ் முரசு தலைவராகவும், 1994 முதல் 2001 வரை சிறுபான்மை உரிமைகளுக்கான சனாதிபதி கவுன்சிலிலும் பணியாற்றினார். பிரிட்டனைத் தளமாகக் கொண்ட கட்டமைப்புப் பொறியாளர்கள் நிறுவனத்தின் துணைத் தலைவராகப் பணியாற்றிய முதல் ஆசியர் இவர் ஆவார். [4]

விஜியரத்னம் 2016 ஆம் ஆண்டு ஹாலண்ட் சாலையில் உள்ள மேரிலாண்ட் டிரைவில் உள்ள அவரது வீட்டில் அமைதியாக இறந்தார். இவருக்கு விஜேந்திரன் என்ற மகன் மற்றும் 3 மகள்கள் உள்ளனர். இவரது மனைவி யோகசௌந்தரி, 2011ல் இறந்தார்.

நூல் தொகு

அவரது வாழ்க்கையைப் பற்றிய புத்தகம், "Engineered For Success", 2016 மார்ச்சில் வெளியிடப்பட்டது.

குறிப்புகள் தொகு

  1. '"Archived copy". Archived from the original on 19 February 2009. பார்க்கப்பட்ட நாள் 2009-06-26.{{cite web}}: CS1 maint: archived copy as title (link) Singapore - Man for All Seasons, Arumugam Vijiaratnam'
  2. Speech by President S R Nathan at the 130th Anniversary and Official Opening of the Victoria School New Campus at Siglap Link, 22 July 2006
  3. K.C., Vijayan (19 February 2016). "Top sportsman, engineer, civil servant dies at age 94". The Straits Times. http://www.straitstimes.com/singapore/top-sportsman-engineer-civil-servant-dies-at-age-94. 
  4. "Singapore's oldest Olympian Dr Arumugam Vijiaratnam dies aged 94". The New Paper. 19 February 2016. http://www.tnp.sg/sports/all-other-sports/singapores-oldest-olympian-dr-arumugam-vijiaratnam-dies-aged-94. 

 

"https://ta.wikipedia.org/w/index.php?title=ஆறுமுகம்_விஜயரத்தினம்&oldid=3327121" இலிருந்து மீள்விக்கப்பட்டது