இ. க. நி. கட்டபொம்மன்

இந்தியஹ் கடற்படைத் தளம்

இ. க. நி. கட்டபொம்மன் (INS Kattabomman) என்பது தமிழ்நாட்டின் திருநெல்வேலி அருகே விசயநாராயணத்தில் அமைந்துள்ள இந்திய கடற்படையின் மிகக் குறைந்த அதிர்வெண் தொலைத் தொடர்பு வசதியின் பெயராகும்.[1] இந்த வசதி 3,000 ஏக்கர் பரப்பில் வசதி 13 அலைக் கம்பங்களை கொண்டதாகும். இவை மத்திய அலைக் கம்பத்தினைச் சுற்றி இரண்டு வளையங்களாக அமைக்கப்பட்டுள்ளன. மத்திய அலைக் கம்பத்தின் உயரம் 301 மீட்டர் ஆகும். உள் வளையத்தில் உள்ள கம்பங்கள் 276.4 மீட்டர் உயரமாகவும், வெளிப்புற வளையத்தில் இவை 227.4 மீட்டர் உயரமாகவும் அமைக்கப்பட்டுள்ளன.

இ. க. நி. கட்டபொம்மன்
திருநெல்வேலி, தமிழ்நாடு
இந்திய கப்பற்படையின் நிலையமான (இ. க. நி.) கட்டபொம்மன் தொலைதொடர்பு நிலையம்
வகை கடற்படைத் தளம்
இடத் தகவல்
கட்டுப்படுத்துவது இந்தியக் கடற்படை
இட வரலாறு
கட்டிய காலம் 1990 (1990)
பயன்பாட்டுக்
காலம்
1990–முதல்
காவற்படைத் தகவல்
தங்கியிருப்போர் தென்பிராந்திய கடற்படை தலைமையகம்

மேலும் இரண்டு குடை வடிவிலான வானலை வாங்கிகள் 471 மீட்டர் உயரமுடைய தாங்கிகளில் பொருத்தப்பட்டுள்ளன. இது இந்தியாவின் மிக உயரமான கட்டமைப்பாகும். மேலும் உலகின் மிக உயரமான இராணுவ தொழில்நுட்பக் கட்டமைப்பாகும். இதன் மூலம் குறைந்த அதிர்வெண் தொடர்பு வசதி இந்தியாவில் 2014இல் செயல்படத் துவங்கியது.[2]

வரலாறு தொகு

 
இ. க. நி. கட்டபொம்மனில் உள்ள வானலை வாங்கிகளில் ஒன்று.

இ. க. நி. கட்டபொம்மனின் வளர்ச்சி மற்றும் கட்டுமானம் 1984இல் வானளாவிய திட்டம் என இந்திய மதிப்பில் ரூபாய் 122 கோடி திட்ட மதிப்பீட்டில் ஆரம்பிக்கப்பட்டது.[3] இத்திட்டத்தினை 20 அக்டோபர் 1990 அன்று இந்தியக் குடியரசுத் தலைவர் ரா. வெங்கட்ராமன் துவக்கிவைத்தார். இந்திய விடுதலை இயக்கத்தின் போது ஆங்கிலேயர்களால் கொல்லப்பட்ட மன்னர் கட்டபொம்மனின் நினைவாகப் பெயரிடப்பட்டது.[1]

இத்தளம் செயல்பாட்டிற்கு வந்த பின்னர், மிகக் குறைந்த அதிர்வெண் தொடர்புத் திறனை உருவாக்கிய உலகின் ஏழாவது நாடாக இந்தியா ஆனது.[4]

மேலும் வளர்ச்சி தொகு

மிகக் குறைந்த அதிர்வெண் மேம்படுத்தல்கள் தொகு

31 ஜூலை 2014 அன்று, இ. க. நி. கட்டபொம்மனில் ஒரு மிகக் குறைந்த அதிர்வெண் வசதி நிறுவப்பட்டது.[5] இதில் மேம்படுத்தல் கட்டுப்பாட்டு இடைமுகம் எண்ணிம மயமாக்கப்பட்டது.

மிகவும் குறைந்த அதிர்வெண் வசதி தொகு

மிகக் குறைந்த அதிர்வெண் வசதிக்கு அருகில் மிகவும் குறைந்த அதிர்வெண் தொடர்பு வசதியும் உள்ளது. இதன் கட்டுமானம் மார்ச் 2012இல் தொடங்கியது.[6] அணுசக்தி கட்டளை ஆணையம் அரிஹந்த் வகுப்பு நீர்மூழ்கிக் கப்பல்களுடன் தொடர்பு கொள்ள இந்த வசதி பயன்படுத்தப்படுகிறது.[7]

உருசியாவுக்குப் பிறகு மிகக் குறைந்த அதிர்வெண் வசதியுடன் செயல்படும் இரண்டாவது நாடு இந்தியா ஆகும். இந்த வசதியினை அமெரிக்கா 2004இல் பயன்படுத்துவதை நிறுத்தியது. இதுபோன்ற மற்றொரு வசதி தமகுண்டம் காப்பு வனத்தில் அமைக்க முன்மொழியப்பட்டுள்ளது.[8]

இதையும் பார்க்கவும் தொகு

இந்தியக் கடற்படை
பிற தலைப்புகள்

மேற்கோள்கள் தொகு

  1. 1.0 1.1 "INS Kattabomman". Indian Navy. பார்க்கப்பட்ட நாள் 15 July 2019.
  2. "Navy gets new facility to communicate with nuclear submarines prowling underwater". The Times of India. 31 July 2014.
  3. "VLF naval communication station INS Kattabomman commissioned in Tamil Nadu". இந்தியா டுடே. February 15, 1991. பார்க்கப்பட்ட நாள் 14 December 2019.
  4. "New Commanding Officer for INS Kattabomman" (in en-IN). தி இந்து. 2017-06-09. பன்னாட்டுத் தர தொடர் எண்:0971-751X. https://www.thehindu.com/news/cities/Madurai/new-commanding-officer-for-ins-kattabomman/article18949638.ece. 
  5. "VLF Transmitting Station Commissioned at Tamil Nadu". Ministry of Defence. 31 July 2014. பார்க்கப்பட்ட நாள் 14 December 2019 – via Press Information Bureau.
  6. "India makes headway with ELF site construction". 28 February 2013. http://www.janes.com/article/11147/india-makes-headway-with-elf-site-construction. 
  7. Unnithan, Sandeep (November 10, 2018). "Nuclear Capability: The Arihant Watershed". இந்தியா டுடே (in ஆங்கிலம்). பார்க்கப்பட்ட நாள் 2019-12-14.
  8. "India to be second country to use ELF facility" (in en-IN). The Hindu. 2017-05-20. https://www.thehindu.com/news/cities/Hyderabad/india-to-be-second-country-to-use-elf-facility/article18517424.ece. 
"https://ta.wikipedia.org/w/index.php?title=இ._க._நி._கட்டபொம்மன்&oldid=3743414" இலிருந்து மீள்விக்கப்பட்டது