ஈய (II) புளோரைடு

ஈயம்(II) புளோரைட்டு (Lead(II) fluoride) அல்லது ஈயமிருபுளோரைட்டு என்பது (PbF₂) ஒரு கனிம வேதிச் சேர்மம் ஆகும். வெண்மை நிறத்துடன் மணமற்ற சேர்மமாக இவ்வுப்பு காணப்படுகிறது.

ஈய(II)புளோரைடு

பெயர்கள்
வேறு பெயர்கள் ஈய மிருபுளோரைடு பிளம்பசு புளோரைடு
இனங்காட்டிகள்
சிஏஎசு எண்	7783-46-2 Y
பப்கெம்	24549
பண்புகள்
மூலக்கூறு வாய்பாடு	PbF2
வாய்ப்பாட்டு எடை	245.20 g/mol
தோற்றம்	வெண்மைநிற துகள்
மணம்	மண்மற்றது
அடர்த்தி	8.445 g/cm3 (orthorhombic) 7.750 g/cm3 (cubic)
உருகுநிலை	824 °C (1,515 °F; 1,097 K)
கொதிநிலை	1,293 °C (2,359 °F; 1,566 K)
நீரில் கரைதிறன்	0.057 g/100 mL (0 °C) 0.0671 g/100 mL (20 °C)
கரைதிறன்	நைதரிக் அமிலத்தில்கரையும்; அசிட்டோன் மற்றும் அமோனியா வில் கரையாது
கட்டமைப்பு
படிக அமைப்பு	Fluorite (cubic), cF12
புறவெளித் தொகுதி	Fm3m, No. 225
தீங்குகள்
Lethal dose or concentration (LD, LC):
LD50 (Median dose)	3031 mg/kg (oral, rat)
தொடர்புடைய சேர்மங்கள்
ஏனைய எதிர் மின்னயனிகள்	ஈய(II)குளோரைடு ஈய(II)புரோமைடு ஈய(II)அயோடைடு
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும்.
Y verify (இது: Y/N?)
Infobox references

வலிமையான ஆக்சிசனேற்றிகளிடம் இருந்து இவ்வுப்பை தனிமைப்படுத்தி வைக்கவேண்டும்.

பயன்கள்

• குறைவான உருகுநிலை கொண்டுள்ள கண்ணாடிகளில் ஈய மிருபுளோரைடு பயன்படுகிறது
• அகச்சிவப்புக் கதிர்களைப் பிரதிபலிக்கும் கண்ணாடிகளில் பூசுவதற்கு இதைப் பயன்படுத்துவார்கள்.
• தொலைக்காட்சி, கணினித் திரைகளின் ஒளிர்பொருள்களில் பயன்படுகிறது.
• பிக்கோலின் தயாரிப்பில் வினையூக்கியாகப் பயன்படுகிறது.

தயாரிப்பு

ஈய மிருபுளோரைடைத் தயாரிக்க பலவழிகள் உள்ளன. ஈய (II) ஐதராக்சைடு அல்லது ஈய (II) கார்பனேட்டை ஐதரோபுளோரிக் அமிலத்துடன் வினைபுரிய வைத்தலைத் தொடர்ந்து கரைசலை ஆவியாக்குவதன் வழியாகத் தயாரிக்கலாம்.

Pb(OH)₂ + 2 HF → PbF₂ + 2 H₂O

மாறாக, ஐதரோ புளோயிக் அமிலத்துடன் ஏதாவதொரு ஈய (II) உப்புக்கரைசலை சேர்த்தும் ஈய மிருபுளோரைடை வீழ்படிவாக்கலாம் அல்லது பொட்டாசியம் புளோரைடை ஈய (II) நைதரேட்டு கரைசலுடன் சேர்த்தும் தயாரிக்கலாம்.

2 KF + Pb(NO₃)₂ → PbF₂ + 2 KNO₃