கானடா

கானடா இங்கு வழிமாற்றப்படுகிறது. நாடு பற்றி அறிய கனடா கட்டுரையைப் பாருங்கள்.

கானடா இராகம் கருநாடக இசையில் பயன்படும் இராகங்களில் ஒன்றாகும். இது 22வது மேளகர்த்தா இராகமும், "வேத" என்று அழைக்கப்படும் நான்காவது சக்கரத்தின் நான்காவது இராகமுமாகிய கரகரப்பிரியாவின் ஜன்னிய இராகம் ஆகும்.

இலக்கணம்

இந்த இராகத்தில் சட்சம் (ச), சதுச்ருதி ரிசபம் (ரி₂)சாதாரண காந்தாரம் (க₂), சுத்த மத்திமம் (ம₁), சதுச்ருதி தைவதம் (த₂), கைசிக நிசாதம் (நி₂), பஞ்சமம் (ப) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு:

ஆரோகணம்:	ச ரி2 க2 ம1 த2 நி2 ச்
அவரோகணம்:	ச் நி2 ப ம1 க2 ம1 ரி2 ச

இந்த இராகத்தில் எல்லாச் சுரங்களும் முழுமையாக அமையாததால் இது "வர்ஜ" இராகம் எனப்படும். இதன் ஆரோகணத்தில் 6 சுரங்களும் அவரோகணத்தில் 6 சுரங்களும் உள்ளன. இதனால் இது "சாடவ" இராகம் எனப்படுகின்றது. இதன் அவரோகணத்தில் மத்திமம்ம் ஒழுங்குமாறி வருவதால் இது ஒரு வக்கிர இராகம் ஆகும்.

இவற்றையும் பார்க்கவும்

• ஜன்னிய இராகங்களின் பட்டியல் - அகரவரிசைப் பகுப்பு

வெளியிணைப்புக்கள்

• கர்நாட்டிகா இணையத் தளம்.