சகானா
சகானா இருபத்தெட்டாவது மேளகர்த்தா இராகமும், "பாண" என்று அழைக்கப்படும் ஐந்தாவது சக்கரத்தின் நான்காவது இராகமுமாகிய அரிகாம்போதியின் ஜன்னிய இராகம் ஆகும். இதை ஒரு "ரக்தி" ராகம் என்பர்.
இலக்கணம் தொகு
இந்த இராகத்தில் சட்சம் (ச), சதுச்ருதி ரிசபம் (ரி2), அந்தர காந்தாரம் (க3), சுத்த மத்திமம் (ம1), பஞ்சமம் (ப), சதுச்ருதி தைவதம் (த2), கைசிக நிசாதம் (நி2) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு[1]:
| ஆரோகணம்: | ச ரி2 க3 ம1 ப ம1 த2, நி2 ச |
| அவரோகணம்: | ச நி2த2 ப ம1 க3 ம1 ரி2 க3 ரி2 ச |
இந்த இராகத்தில் எல்லாச் சுரங்களும் முழுமையாக அமையாததால் இது "வர்ஜ" இராகம் எனப்படும். இதன் ஆரோகணத்தில் 7 சுரங்களும் அவரோகணத்தில் 7 சுரங்களும் உள்ளன. இதனால் இது "சம்பூர்ண" இராகம் எனப்படுகின்றது. இதன் ஆரோகணத்தில் மத்திமமும், அவரோகணத்தில் மத்திமம், காந்தாரம் என்பனவும் ஒழுங்கு மாறி வந்திருப்பதால் இது ஒரு வக்கிர இராகம் ஆகிறது.
இதன் விசேஷமான ஸஞ்சாரங்கள் (ரி2 க3 ம1 ப),(ப ம1 த2 நி2), (நி2 ச த2), (க3 ம1 ரி2). இவற்றை பிடிகள் என்றும் கூறலாம்.
மேற்கோள்கள் தொகு
- ↑ Music Handbook - Raga Index -S 18 பெப் 2011 அன்று பார்க்கப்பட்டது.
வெளியிணைப்புக்கள் தொகு
- Ragam Sahana - டி. எம். கிருஷ்ணாவின் வாய்ப்பாட்டுக் காணொலி