சிங்கூர் நிலச்சர்ச்சை
இந்தியாவின் மேற்கு வங்காள மாநிலத்தின் ஹூக்லி மாவட்டம், சிங்கூர் நகரத்தில் சிறப்பு பொருளாதார மண்டலதை உருவாக்கி அதில் டாடா நானோ கார் தொழிற்சாலை அமைப்பதற்கு[1] [2] 2006-ஆம் ஆண்டில் 997 ஏக்கர் வேளாண்மை விளைநிலங்களை புத்ததேவ் பட்டாசார்யா தலைமையிலான மேற்கு வங்காள அரசு கையகப்படுத்தியது. விளைநிலங்களை பொதுமக்களிடமிருந்து கட்டாயப்படுத்தி கையகப்படுத்தியதை எதிர்த்து மம்தா பானர்ஜி தலைமையிலான அகில இந்திய திரிணாமுல் காங்கிரசு கட்சியினர், சமூக ஆர்வலர்கள் மற்றும் பொதுமக்கள் இந்தியப் பொதுவுடமைக் கட்சி (மார்க்சிஸ்ட்) கட்சியின் தலைமையிலான மேற்கு வங்க அரசை எதிரித்து பெரும் போராட்டங்களை முன்னெடுத்தனர்.[3] [4][5] [6]
இதனால் 3 அக்டோபர் 2008 அன்று டாடா நானோ கார் நிறுவனம், சிங்கூர் நகரத்தில் சிறு கார் தொழிற்சாலை அமைக்கும் திட்டத்தை கைவிட்டதாக அறிவித்தது.[7] கார் தொழிற்சாலை அமைக்கும் திட்டத்தை டாடா நானோ நிறுவனம் கைவிட்டதால், அரசு கையகப்படுத்திய விளைநிலங்களை உரியவர்களிடம் மீண்டும் ஒப்படைக்கக் கோரி கொல்கத்தா உயர் நீதிமன்றத்தில் வழக்கு தொடரப்பட்டது. இறுதியாக 30 ஆகஸ்டு 2016 அன்று இந்திய உச்ச நீதிமன்றம், சிங்கூரில் கையகப்படுத்தப்பட்ட விளைநிலங்களை, மேற்கு வங்காள அரசு மீண்டும் அதன் உரிமையாளர்களிடம் ஒப்படைக்க வேண்டும் என தீர்ப்பு வழங்கியது.[8]
இதனையும் காண்க
தொகுமேற்கோள்கள்
தொகு- ↑ டாடா மேற்கு வங்க கார் ஆலை அறிவிப்பு
- ↑ The Economist 30 August 2008 edition. U.S. Edition. "Nano wars". Page 63.
- ↑ "கிராமவாசிகள் கார் நிறுவனத்தை எதிர்த்து கோஷங்கள் எழுப்புகின்றனர்". Archived from the original on 2012-11-08. பார்க்கப்பட்ட நாள் 2021-03-16.
- ↑ மமதா டாடா நில விவகாரம் ரத்தக் களறியாகும் என அச்சுறுத்துகிறார்
- ↑ திரிணமுல் ஆதரவு கடையடைப்பு அன்றாட வாழ்க்கையை மேற்கு வங்கத்தில் பாதிக்கிறது
- ↑ புதிய வன்முறைச் சம்பவங்கள் சிங்கூரில் வெடிக்கின்றன[தொடர்பிழந்த இணைப்பு]
- ↑ "இது இறுதி:டாடா மோட்டார்ஸ் சிங்கூரிலிந்து வெளியேற்றம்". Archived from the original on 2012-10-02. பார்க்கப்பட்ட நாள் 2021-08-30.
- ↑ சிங்கூர் நிலச்சர்ச்சை: விவசாயிகளிடம் நிலத்தை திருப்பியளிக்க உச்ச நீதிமன்றம் உத்தரவு