சிம்மேந்திரமத்திமம்

சிம்மேந்திரமத்திமம் கருநாடக இசையின் 57வது மேளகர்த்தா இராகம். விரிவான ஆலாபனைக்கு இடம் தரும் இராகம். இந்த இராகத்தின் ஜன்யமான (வழி இராகமாகிய) ஸூமத்யுதி அசம்பூர்ண மேள பத்ததியில் 57வது இராகமாக விளங்குகிறது.

இலக்கணம்

சிம்மேந்திரமத்திமம் சுரங்கள் C யிலிருந்து தொடக்கம்

ஆரோகணம்:	ஸ ரி2 க2 ம2 ப த1 நி3 ஸ்
அவரோகணம்:	ஸ் நி3 த1 ப ம2 க2 ரி2 ஸ

• "திசி" என்றழைக்கப் படும் 10வது சக்கரத்தில் 3வது மேளம்.
• இந்த இராகத்தில் ஷட்ஜம் (ஸ), சதுஸ்ருதி ரிஷபம் (ரி₂), சாதாரண காந்தாரம் (க₂), பிரதி மத்திமம் (ம₂), பஞ்சமம் (ப), சுத்த தைவதம் (த₁), காகலி நிஷாதம் (நி₃) ஆகிய சுரங்கள் வருகின்றன.
• முக்கிய பிரதி மத்திம இராகங்களில் இதுவும் ஒன்று.

சிறப்பு அம்சங்கள்

• கருணைச் சுவையை வெளிப் படுத்தும் இராகம். எப்பொழுதும் பாடலாம்.
• பிரத்தியாகத கமகம் இந்த இராகத்திற்கு அழகைத் தருகிறது.
• 21வது மேளமாகிய கீரவாணியின் நேர் பிரதி மத்திம மேளம் ஆகும்.
• மூர்ச்சனாகாரக மேளம். இதன் பஞ்சம, தைவத மூர்ச்சனைகள் முறையே மாயாமாளவகௌளை (15), ரசிகப்பிரியா (72) ஆகிய மேளங்களைத் தோற்றுவிக்கும்.
• ஐரோப்பிய ஹங்கேரி நாட்டின் இசையிலும், நாடோடி இனத்தாரின் இசையிலும் இந்த இராகம் ஒலிக்கிறது.

உருப்படிகள்

• கிருதி : அசைந்தாடும் மயில் ஒன்று  : ஆதி  : ஊத்துக்காடு வெங்கடசுப்பையர்
• கிருதி : நீதுசரணமுலே : ஆதி : தியாகராஜ சுவாமிகள்.
• கிருதி : காமாட்சி : ரூபகம் : முத்துசாமி தீட்சிதர்.
• கிருதி : இன்னம் ஒரு தலம் : ரூபகம் : முத்துத் தாண்டவர்.
• கிருதி : உன்னையல்லால் : ஆதி : கோடீஸ்வர ஐயர்.
• திருப்புகழ் : இரவு பகல் : திஸ்ர ஜம்பை : அருணகிரிநாதர்.

ஜன்ய இராகங்கள்

சிம்மேந்திரமத்திமத்தின் ஜன்ய இராகங்கள் இவை.

• மாதவமனோகரி
• ஷேஸநாதம்
• சீமந்தனி
• சுநாதப்பிரியா
• விஜயசரஸ்வதி
• சர்வாங்கி
• பத்மமுகி
• பிரம்மாசுகி
• கண்டானம்
• தவளஹம்சி
• ஊர்மிகி
• ரவிப்பிரியா

திரை இசைப் பாடல்கள்

• "எல்லாம் இன்ப மயம்" (மணமகள்)
• "ஆடாத மனமும் உண்டோ" (மன்னாதி மன்னன்)
• "ஆனந்த ராகம்" (பன்னீர் புஷ்பங்கள்)