பிரபல தமிழ் நடிகர் [[எம். ஆர். ராதா|எம். ஆர். ராதாவுக்கும்] அவரின் மூன்றாவது மனைவி கீதாவிற்கும் 1963 செப்டம்பர் 21 ஆம் நாள் ராதிகா மகளாகப் பிறந்தார். திரைப்பட நடிகை [[நிரோஷா|நிரோஷாவும்]] திரைப்படத் தயாரிப்பாளர் [[ராதா மோகன்|ராதா மோகனும்]] இவரது உடன்பிறந்தவர்கள் ஆவர்.
== காதல் வாழ்க்கை ==
=== முதற் காதல் ===
ராதிகா [[1978]] ஆம் ஆண்டில் கிழக்கே போகும் ரெயில் என்னும் திரைப்படத்தில் அறிமுகமானார். அப்படத்தின் கதாநாயகியான ராதிகாவுக்கு இணையான கதாநாயகனாக சுதாகர் என்னும் நடிகர் நடித்தார். அவர்கள் இருவருக்கும் முதற்படமே வெற்றிப்படமாக அமைந்தது. அதனால் தொடர்ந்து பல படங்களில் இருவரும் இணைந்து நடித்தனர். இதனால் அவர்கள் இருவருக்கும் இடையில் காதல் மலர்ந்தது. சில ஆண்டுகளிலேயே சுதாகர் திரையுலகில் தன் கதாநாயகத் தகுதியை இழந்தார். இதனால் ராதிகாவுக்கும் சுதாகருக்கும் இடையில் இருந்த காதல் முறிந்தது.
=== இரண்டாவது காதல் ===
ராதிகா [[1981]] ஆம் ஆண்டில் [[பாக்யராஜ்|பாக்யராஜூடன்]] இணைந்து [[இன்று போய் நாளை வா]] என்னும் படத்தில் நடித்தார். அப்பொழுது அவர்களுக்கு இடையில் அறிமுகம் ஏற்பட்டது. தொடர்ந்து [[பாமா ருக்மணி]], [[பொய் சாட்சி]], [[தாவணிக் கனவுகள்]] உள்ளிட்ட சில படங்களில் இருவரும் இணைந்து நடித்தனர். அந்நெருக்கம் அவர்களுக்குள் காதலாக மலர்ந்தது. இந்நிலையில் பாக்யராஜின் முதல்மனைவியான் பிரவீணா திடீரென்று மரணம் அடைந்தார். அப்பொழுது ராதிகாவும் பாக்ய ராஜூம் திருமணம் செய்துகொள்ளும் சூழல் ஏற்பட்டது. ஆனால், [[பூர்ணிமா ஜெயராம்]] என்னும் நடிகையை பாக்யராஜ் மணந்ததால் அக்காதல் முறிந்தது.
=== மூன்றாவது காதல் ===
ராதிகாவிற்கு மூன்றாவது காதல் [[விஜயகாந்த்|விஜயகாந்தின்]] மீது ஏற்பட்டது. ராதிகாவும் விஜய காந்த்தும் சில படங்களில் இணைந்து நடித்தனர். அப்பொழுது அவர்கள் இருவருக்கும் காதல் மலர்ந்தது. இருவரும் ஒரே வீட்டில் சேர்ந்து வாழ்ந்தனர். சில ஆண்டுகள் கழித்து இருவரும் திருமணம் செய்ய எண்ணியபொழுது, இருவருக்கும் ஜாதகப் பொருத்தம் இல்லை என விஜய காந்திடம் சோதிடர்கள் கூறினார். இதனால் அக்காதல் முறிந்தது.
