சேக் சயித் பின் சுல்தான் அல் நகியான்: திருத்தங்களுக்கு இடையிலான வேறுபாடு

'''சேக் சயத் பின் சுல்தான் அல் நகியான்''' ({{lang-ar|زايد بن سلطان آل نهيان}})‎, (1918 — [[2 நவம்பர்]] [[2004]]) அபுதாபி அமீரகத்தின் முன்னாள் ஆட்சியாளரும், [[ஐக்கிய அரபு அமீரகம்|ஐக்கிய அரபு அமீரகத்தின்]] சனாதிபதியும் ஆவார். 1971 ஆம் ஆண்டில் ஐக்கிய அரபு அமீரகம் உருவானதிலிருந்து, 30 ஆண்டுகாலம் அதன் சனாதிபதியாகப் பணியாற்றினார். ஏழு தனித்தனியான அமீரகங்களை இணைத்து ஐக்கிய அரபு அமீரகத்தை உருவாக்குவதில் இவரது பங்கு காரணமாக இவர் அந்நாட்டின் சிற்பி என அழைக்கப்படுகிறார்.

சேக் சயத், 1922 ஆம் ஆண்டு முதல் 1926 ஆண்டு வரை அபுதாபி அமீரகத்தின் ஆட்சியாளராக இருந்த [[சேக் சுல்தான் பின் சயத் பின் கலீபா அல் நகியான்|சேக் சுல்தான் பின் சயத் பின் கலீபா அல் நகியானின்]] கடைசி மகன். 1855 முதல் 1909 வரை அபுதாபியை ஆண்ட இவரது புகழ் பெற்ற பாட்டனாரான [[சேக் சயத் பின் கலீபா அல் நகியான்|சேக் சயத் பின் கலீபா அல் நகியானின்]] பெயரே இவருக்கு இடப்பட்டது. இவரது தந்தையைத் தொடர்ந்து ஆட்சிபீடம் ஏறிய இவரது மூத்த சகோதரர் [[சேக் சக்புத் பின் சுல்தான் அல் நகியான்]], இரத்தம் சிந்தா அரண்மனைப் புரட்சி ஒன்றின் மூலம் ஆட்சியிலிருந்து அகற்றப்பட்ட பின் சயத் ஆட்சிப்பொறுப்பை ஏற்றார். 1971 ஆம் ஆண்டில் ஐக்கிய அரபு அமீரகம் தோற்றுவிக்கப்பட்ட போது, ஒன்றியத்தின் அமீரகங்களின் ஆட்சியாளர்கள் உறுப்பினராகவுள்ள நாட்டின் ஆட்சிக் குழுவினால் சனாதிபதியாக முதன்முதலாகத் தெரிவு செய்யப்பட்டார். அதன் பின்னர் 1976, 1981, 1986, 1991 ஆகிய ஆண்டுகளிலும் மீண்டும் தெரிவுசெய்யப்பட்டார். இவர் பொது வாக ஒரு தாராண்மைத் தன்மை கொண்ட தலைவர் எனக் கருத்தப்படுகிறார்.

சுற்றியுள்ள பிற நாடுகளின் தலைவர்களுடன் ஒப்பிடும்போது இவர் ஓரளவு [[மத நல்லிணக்கம்|மத நல்லிணக்கத்]] தன்மை கொண்டவராக இருந்தார். இதனால் இவர் பழமைவாத நாடுகளால் விமர்சிக்கப்பட்டதும் உண்டு. எனினும் நாட்டை ஒற்றுமைப்படுத்துவதில் இவரது திறமையான பணி காரணமாக, இவர் உலக அளவில் நற்பெயர் கொண்டவராக விளங்கினார். ஐக்கிய அரபு அமீரகத்துக்குச் சொந்தமானதாகக் கருதப்பட்ட மூன்று தீவுகளை [[பாரசீகக் குடா]]வுக்கு எதிர்ப்பக்கத்தில் உள்ள [[ஈரான்]] நாடு ஒருதலையாகக் கைப்பற்றி வைத்திருந்தபோதும், அந் நாட்டுடன் இணக்கமான உறவுகளைப் பேணுவதில் விருப்பம் காட்டி வந்தார்.

சில வேளைகளில் சர்ச்சைகளுக்குள் மாட்டிக்கொண்டபோதும், அரபு உலகத்தின் சமகால நிகழ்வுகள் குறித்துத் தான் நியாயமெனக் கருதும் கருத்துக்களை அவர் வெளியிடத் தயங்கியதில்லை. ஈராக், குவைத்தைக் கைப்பற்றிக் கொண்ட பின்னர், ஐக்கிய நாடுகள் சபைஅவை அதன் நாட்டின்மீது பொருளாதாரத் தடைகளை விதித்தது. இதனால் ஈராக் நாட்டுப் பொதுமக்கள் துன்பங்களுக்கு உள்ளாவதைக் கருத்தில் கொண்டு, பொருளாதாரத் தடைகளை மீளப் பெறவேண்டுமென வாதிட்டார்.

உலகின் மிகப் பெரிய பணக்காரர்களுள் ஒருவராகவும் இவர் கருதப்பட்டார். போர்ப்சு சஞ்சிகை இவரது செல்வம் 24 பில்லியன் அமெரிக்க டாலர்களாக இருக்கக்கூடும் எனக் கணித்தது. இச் செல்வத்தின் பெரும் பகுதி அபுதாபி அமீரகத்தின் எண்ணெய் வளத்தினால் பெறப்பட்டது ஆகும். இவர் பெருமளவுக்கு மிதமானதும், மரபார்ந்ததுமான வாழ்க்கை முறையையே பின்பற்றி வந்தார். [[குதிரையேற்றம்]], [[வல்லூறு]]களின் உதவியுடன் [[வேட்டை]]யாடுதல் போன்றவற்றில் விரும்பி ஈடுபட்டார். [[சுடுகலன்]]களைப் பயன்படுத்தி வேட்டையாடுவதில் திறமையுள்ளவராக இருந்தபோதும், [[காட்டுயிர்ப் பாதுகாப்பு]] தொடர்பில் மற்றவர்களுக்கு முன்மாதிரியாக விளங்கவேண்டும் என்ற விருப்பினால் பிற்காலத்தில் அதனைத் தவிர்த்து விட்டார்.

1999 ஆம் ஆண்டில், சில சோதனைகளுக்காக சேக் சயத் [[மருத்துவமனை]]யில் அனுமதிக்கப்பட்டு இருந்தார். ஐக்கிய அரபு அமீரக மக்கள் அவருக்கு நன்றி தெரிவித்து, 15 இலட்சம் கையெழுத்துக்களுடன் கூடிய கடிதம் ஒன்றை அவருக்கு அனுப்பினர். 2000 ஆவது ஆண்டில் [[சிறுநீரக மாற்றுச் சிகிச்சை]]க்காக [[ஐக்கிய அமெரிக்கா]]வில் உள்ள [[கிளீவ்லாந்து கிளினிக்]] என்னும் மருத்துவமனையில் அனுமதிக்கப்பட்டார்.