ஐக்கிய நாடுகள் தலைமையகம்: திருத்தங்களுக்கு இடையிலான வேறுபாடு

'''ஐக்கிய நாடுகள் தலைமையகம்''', [[நியூயார்க்]] நகரில் உள்ள தனித்துவமானதொரு கட்டிடத் தொகுதியாகும். இது 1952 ஆம் ஆண்டிலிருந்து, ஐக்கிய நாடுகள் சபையின்அவையின் தலைமை அலுவலகமாகச் செயற்பட்டு வருகின்றது. இது மான்ஹட்டனின் கிழக்குப் பகுதியில், ''டர்ட்டில் பே'' (Turtle Bay) வட்டகையில், [[ஈஸ்ட் ஆறு|ஈஸ்ட் ஆற்றை]] நோக்கியிருக்கும் பரந்த நிலத்தில் அமைந்துள்ளது. இது நியூயார்க் நகரத்தில் இருந்தாலும், இக் கட்டிடத்தொகுதி அமைந்துள்ள இடம் ஒரு அனைத்துலக ஆட்சிப் பகுதியாகும். இந் நிலப்பகுதி, மேற்கில் முதலாவது அவெனியூவையும், கிழக்கு 42 ஆவது தெருவைத் தெற்கிலும், கிழக்கு 48 ஆவது தெருவை வடக்கிலும், ஈஸ்ட் ஆற்றைக் கிழக்கிலும் எல்லைகளாகக் கொண்டுள்ளது. ஃபிராங்க்லின் டி. ரூஸ்வெல்ட் ஈஸ்ட் ஆற்றுச் சாலை (Franklin D. Roosevelt East River Drive) இக் கட்டிடத்தொகுதியின் கீழாகச் செல்கிறது.

இக் கட்டிடத் தொகுதியில் மூன்று முக்கியமான [[கட்டிடம்|கட்டிடங்கள்]] உள்ளன. 39 மாடிகளைக் கொண்ட செயலகக் கட்டிடம், சபையின் உறுப்பு நாடுகள் கூடுகின்ற [[ஐக்கிய நாடுகள் பொதுச் சபை|பொதுச் சபை]]க் கட்டிடம், [[டாக் ஹாமர்ஷீல்ட் நூலகம்]] என்பனவே அவையாகும். இவை தவிர இத் தொகுதி, கட்டிடங்களைச் சுற்றி அமைந்துள்ள பூங்காக்களுக்கும், சிற்பங்களுக்கும் பெயர்பெற்றது.