திருத்தந்தை: திருத்தங்களுக்கு இடையிலான வேறுபாடு

'''திருத்தந்தை''', '''பாப்பிறை''', '''பாப்பரசர்''' அல்லது '''போப்பாண்டவர்''' (''Pope'') என்பது [[கத்தோலிக்க திருச்சபை]]யின் தலைவரைக் குறிக்கும் பெயர் ஆகும். கிரேக்கத்தில் πάππας (Pappas) என்றும் இலத்தீனில் Papa என்றும் வழங்கும் சொல் "தந்தை" என்று பொருள்படும். இவர் உரோமையின் ஆயர், உரோமைத் தலைமைக்குரு, [[புனித பேதுரு]]வின் வழிவந்தவர் போன்ற பல பெயர்களால் அழைக்கப்படுகிறார். [[இயேசு கிறித்து]]வின் முதன்மைச் சீடராய் விளங்கிய [[பேதுரு (திருத்தூதர்)|தூய பேதுரு]] உரோமையில் கிறித்தவ சமயத்திற்கு வித்திட்டு, அங்கு உயிர்துறந்தார் என்னும் வரலாற்றுச் செய்தியின் அடிப்படையில் இப்பெயர் வழக்கு எழுந்தது.

 

 

 

[[பேதுரு (திருத்தூதர்)|புனித பேதுருவிலிருந்து]] தொடங்கிய [[திருத்தந்தையர்களின் பட்டியல்|திருத்தந்தையர் வரிசையில்]] இன்று பணிப்பொறுப்பில் உள்ள திருத்தந்தை பிரான்சிசு 266ஆம் திருத்தந்தை ஆவார்.

[[கத்தோலிக்க திருச்சபை]] திருத்தந்தையின் பணியைத் [[பேதுரு (திருத்தூதர்)|தூய பேதுரு]] என்னும் திருத்தூதரின் பணியின் தொடர்ச்சியாகக் கருதுகிறது. [[இயேசு]] பன்னிரு சீடர்களைத் தெரிவுசெய்து, அவர்களுக்குத் தலைவராக [[பேதுரு (திருத்தூதர்)|பேதுருவை]] நியமித்தார் என்றும், பேதுருவுக்குத் திருச்சபையில் தலைமையிடம் அளித்தார் என்றும் [[நற்செய்திகள்|நற்செய்தி நூல்கள்]] கூறுகின்றன (காண்க: குறிப்பாக, [[மத்தேயு|மத் 16:13:20]]). திருத்தூதர்களின் வாரிசாக ஆயர்களும் பேதுருவின் வாரிசாக திருத்தந்தையும் உள்ளனர் என்பது கத்தோலிக்க திருச்சபையின் கொள்கை. எனவே திருத்தந்தை உரோமையின் ஆயர் மட்டுமல்ல, அனைத்துலகத் [[திருச்சபை|திருச்சபைக்கும்]] அவர் தலைவர் ஆவார். [[இயேசு கிறித்து]]வின் பெயரால் திருச்சபையை வழிநடத்தும் பொறுப்பு அவருக்கும் ஆயர் குழுவுக்கும் அளிக்கப்பட்டுள்ளது.

 

 

== வரலாற்றில் திருத்தந்தையர் ==