சுரப்பி: திருத்தங்களுக்கு இடையிலான வேறுபாடு

'''சுரப்பி''' என்பது, [[விலங்கு]]களின் உடம்பில் [[இயக்குநீர்]]கள், [[முலைப்பால்]], [[கண்ணீர்]], [[வியர்வை]], [[உமிழ்நீர்]] போன்றவற்றை உருவாக்கி வெளிவிடும் ஒரு [[உடல் உறுப்புக்கள்|உறுப்பு]] ஆகும். இவ்வாறு சுரக்கும் [[நீர்மம்]] ஆனது [[குருதி|இரத்த]] ஓட்டத்துடன் கலக்கிறது அல்லது உடலுக்குள் உள்ள குழிகளுள் அல்லது உடல் மேற்பரப்பில் விடப்படுகிறது. இரத்தஓட்டத்தினுள் நீர்மங்களைச் சுரக்கும் சுரப்பிகள் [[நாளமில்லாச் சுரப்பி|அகச்சுரப்பி]]கள் என்றும், மற்றவகை [[புறச்சுரப்பி]]கள் என்றும் அழைக்கப்படுகின்றன.

சுரப்பிகள் இரண்டு பெரும்பிரிவுகளாகப் பிரிக்கப்படுகின்றன. அவைஅவையாவன:

# '''அகச்சுரப்பிகள்''': இவை தமது சுரப்புநீரைச் சுரந்து நேரடியாக, தமக்கு குருதி வழங்கும் [[குருதிக்குழல்|குருதிக்குழாய்கள்]] மூலம் குருதியினுள் சேர்க்கின்றன.

# '''புறச்சுரப்பிகள்''': இவை தமது சுரப்புநீரை குழாய்கள் அல்லது கான்களினுள் சுரந்து விடுகின்றன.

* '''ஆப்போகிறைன் சுரப்பிகள்''': இதில் சுரத்தலின்போது சுரக்கும் [[உயிரணு]]க்களின் ஒரு பகுதி இழக்கப்படுகின்றது. சுரப்பிக் கலங்களின் முதலுருமென்சவ்வு, சுரப்புநீரை உள்ளடக்கி, அரும்பு போன்று வெளித்தள்ளிப்படும்போது சுரப்பு வெளியேறுகின்றது. அப்போகிறைன் சுரப்பிகள் எனும்போது பொதுவாக [[அப்போகிறைன் வியர்வைச் சுரப்பிகள்]] குறிப்பிடப்படுகின்றது. எனினும் சுரத்தலுக்கு அப்போகிறைன் முறை பயன்படுத்தப்படாததால் இவ் வியர்வைச் சுரப்பிகள் உண்மையான அப்போகிறைன் சுரப்பி அல்ல என்றும் கருதப்படுகிறது.

* '''மெரோகிறைன் சுரப்பிகள்''': சுரப்பியால் சுரக்கப்படும் சுரப்புநீரானது, உயிரணுவின் உள்ளாகவே மென்சவ்வால் சூழப்பட்ட ஒரு குழியினுள் சேகரிக்கப்பட்டு, பின்னர் அந்த சுரப்புநீரைக் கொண்ட மூடிய குழியானது உயிரணு மென்சவ்வினூடாக வெளியேற்றப்படும்.

இந்த வேறுபாடுகள் தவிர, இந்தப் புறச் சுரப்பிகள் அவற்றின் அமைப்பின் அடிப்படையிலும் வேறுபடுகின்றன. புறச் சுரப்பிகள் சுரக்கும் பகுதியையும், சுரப்புநீரைக் கடத்தும் குழாய்களை அல்லது கான்களையும் கொண்டிருக்கும். இந்தக் கான்கள் கிளைகள் கொண்டவையாகவோ, அல்லது கிளைகள் அற்றவையாகவோ இருக்கலாம். சுரக்கும் பகுதியானது நுண்ணறைகள் கொண்ட அமைப்பையோ, குழல்வடிவான அமைப்பையோ அல்லது இரண்டும் கலந்த அமைப்பையோ கொண்டிருக்கலாம்.