ஜிக்கி: திருத்தங்களுக்கு இடையிலான வேறுபாடு

ஜிக்கி தனது 6 ஆவது வயதிலேயே இசையார்வம் கொண்டிருந்தார். இவர் தனது 11 ஆவது வயதிலேயே இவரது தாய்மாமன் [[சிட்டிபாபு]]வின் முயற்சியினால் இசையமைப்பாளர் [[எஸ். வி. வெங்கட்ராமன்|எஸ். வி. வெங்கட்ராமனின்]] இசையில், [[ஞானசௌந்தரி]] [[1948]] திரைப்படத்தில் பாலஞானசௌந்தரி பாடுவதான [[பல்லவி]] ''அருள்தாரும் தேவமாதாவே ஆதியே இன்ப ஜோதியே'' என்ற பாடலைப் பாடினார். தொடர்ந்து [[பந்துலம்மா]], [[தியாகையா]], [[கொல்லபாமா]], [[மனதேசம்]] ஆகிய தெலுங்குப் படங்களில் வாய்ப்புக் கிடைத்தது. இப்படங்களின் பாடல்களைக் கேட்ட இசையமைப்பாளர் [[ஜி. இராமநாதன்]], ஜிக்கியின் 13வது வயதில், [[1950]] இல் [[மாடர்ன் தியேட்டர்ஸ்|மொடேர்ன் தியேட்டர்சின்]] [[மந்திரி குமாரி]] திரைப்படத்தில் ''வாராய் நீ வாராய்'', ''உலவும் தென்றல் காற்றினிலே'' முதலிய டூயட் பாடல்களைத் திருச்சி லோகநாதனுடன் சேர்ந்து பாடவைத்தார். இப்படமும் பாடல்களும் பெற்ற வெற்றியானது [[1950]] - [[1960]] காலப்பகுதியில் ஜிக்கியின் பொற்காலத்தை உறுதி செய்தது. [[1952]] இல் [[கே. வி. மகாதேவன்]] இசையமைத்த [[குமாரி]] படத்தில் தனது வருங்காலக் கணவரான [[ஏ. எம். ராஜா]]வுடன் ஜிக்கி முதன்முதலில் பாடினார். ராஜாவுடன் இணைந்து ஜிக்கி நூற்றுக்கணக்கான காதல் பாடல்களும், சோகப்பாடல்களும் பாடியுள்ளார். வட இந்திய நடிகரான [[ராஜ்கபூரின்]] சொந்தத் தயாரிப்பான ''ஆஹ'' இந்திப்படத்தின் தமிழ்ப்பதிப்பு ''அவன்'' என்பதில் ஜிக்கி ராஜாவுடன் சேர்ந்து பல இனிய பாடல்களைப் பாடினார். மேலும் பல்வேறு பின்னணிப் பாடகர், பாடகிகளுடனும் ஜிக்கி பாடினார்.