சீனப் பண்பாட்டுப் புரட்சி: திருத்தங்களுக்கு இடையிலான வேறுபாடு

'''பாட்டாளிகள் பண்பாட்டுப் பெரும் புரட்சி''' (''Proletarian Cultural Great Revolution'') என்னும் விரிவான பெயர்கொண்ட '''பண்பாட்டுப் புரட்சி''' அல்லது '''சீனப் பண்பாட்டுப் புரட்சி''' என்பது, [[மக்கள் சீனக் குடியரசு|மக்கள் சீனக் குடியரசில்]], [[1966]] ஆம் ஆண்டுக்கும் [[1976]] ஆம் ஆண்டுக்கும் இடையில் இடம்பெற்ற சில நிகழ்வுகளைக் குறிக்கும். இக்காலத்தில் சீனாவில் பரவலான சமூக, அரசியல் கிளர்ச்சிகள் இடம்பெற்றன. இதனால் நாடு தழுவிய குழப்பநிலையும், பொருளாதார ஒழுங்கின்மையும் நிலவியது.

[[சீனப் பொதுவுடைமைக் கட்சி]]க்குள்ளும், சமூகத்திலும் "தாராண்மையிய [[பூர்சுவா]]க்கள்" ஊடுருவி இருப்பதாகவும், அவர்கள் சீனாவில் மீண்டும் முதலாளித்துவத்தைக் கொண்டுவர முயல்வதாகவும் குற்றம் சாட்டிய சீனத்தலைவர் [[மாவோ சேடாங்]], [[1966]] ஆம் ஆண்டு [[மே 16]] ஆம் நாள் பண்பாட்டுப் புரட்சியொன்றைத் தொடங்குவதாக அறிவித்தார். இது மாவோவின் அதிகாரத்திற்கு சவாலாக இருந்தவர்களை குறிவைத்து அமைந்தது. இத்தகையவர்களை புரட்சிக்குப் பிந்திய [[வகுப்புப் போராட்டம்]] மூலம் இனங்கண்டு நீக்க வேண்டும் என வலியுறுத்திய மாவோ, இதற்காகச் சீன இளைஞர்களின் சிந்தனைகளையும், செயற்பாடுகளையும் ஒன்று திரட்டுவதற்காக இளைஞர்களைக் கொண்ட [[செம்படை (சீனா)|செம்படை]] ஒன்றையும் அமைத்தார். இந்த இயக்கம் [[படைத்துறை]], நகர்ப்புறத் தொழிலாளர், கட்சித் தலைமை போன்ற என்னாஎல்லா இடங்களுக்கும் பரவியது. கலாச்சாரப் புரட்சி முற்றுப் பெற்றுவிட்டதாக 1969 ஆம் ஆண்டில் மாவோவே அறிவித்திருந்தாலும், 1966க்கும் 1976ல் "[[நால்வர் குழு (சீனா)|நால்வர் குழு]]" எனப்பட்டவர்கள் கைது செய்யப்படும்வரை இடம்பெற்ற அதிகாரப் போட்டி, அரசியல் உறுதியின்மை ஆகியவை அனைத்தும் இக் கலாச்சாரப் புரட்சியின் பகுதிகளாகவே தற்காலத்தில் கருதப்படுகின்றன.