'''கண்டங்கத்தரி''', '''வட்டுக்கத்தரி''', '''பிரகதி''' அல்லது '''கண்டகாரி''' (''Yellow- Berried Nightshade'', ''solanum xanthocarpum'') பயனற்ற நிலங்களில் வளரும் - முழுவதும் முட்கள் நிறைந்த பளிச்சென்ற பசுமை நிறமுடைய ஒரு [[மூலிகை]]ச் செடி. இதற்கு பல கிளைகள் உண்டு. அக்கிளைகளிலும் கூரான மஞ்சள் நிற முட்கள் உண்டு. முட்கள் பெரும்பாலும் 1. 3 செ.மீ நீளத்திற்கும் அதிகமாகவே இருக்கும். இலைகளின் நரம்புகள் வரியோட்டமாகவும், இலை முழுவதும் மஞ்சள் நிறக் கூர் முட்களுடனும் காணப்படும். பூக்கள் அடர் ஊதா நிறத்த்தவை; பூவிதழ்கள் சுமார் 2 செ.மீ நீளமிருக்கும்; இது [[கத்தரி]] வகைச் செடி, காய் கத்திரிக்காய் போன்று 1.3 முதல் 3 செ.மீ விட்டம் உடையதாகவும், உள்ளே வெளிர்மஞ்சள் அல்லது வெள்ளை விதைகள் நிறைந்தும் இருக்கும்.
