பண்பாட்டு வரலாறு: திருத்தங்களுக்கு இடையிலான வேறுபாடு

'''பண்பாட்டு வரலாறு''' என்பது, [[மானிடவியல்]], [[வரலாறு]] ஆகியவற்றின் அணுகுமுறைகளை ஒன்றுசேர்த்து, மக்கள் சார்ந்த [[பண்பாடு|பண்பாட்டு]] மரபுகளையும் வரலாற்று அனுபவங்களின் பண்பாட்டு விளக்கங்களையும் அறிந்துகொள்ள முயலும் துறை ஆகும். இது, கடந்தகால விடயங்களின் பதிவுகள், விளக்கமுறையிலான விபரிப்புகள் ஆகியவற்றைப் பண்பாடு தொடர்பான தொடர் நிகழ்வுகளின் சூழமைவில் ஆராய்கிறது.

 

 

பண்பாட்டு வரலாறு, அதன் அணுகுமுறையைப் பொறுத்தவரை பிரெஞ்சு இயக்கமான மனப்பாங்கின் வரலாறு, புதிய வரலாறு ஆகியவற்றுடன் பல்வேறு பொது விடயங்களைக் கொண்டுள்ளன. அத்துடன் ஐக்கிய அமெரிக்காவில் [[அமெரிக்க ஆய்வுகள்|அமெரிக்க ஆய்வுகளோடு]] என்னும் துறையோடு இதற்கு நெருக்கமான தொடர்புகள் உண்டு. 19 ஆம் நூற்றாண்டின் யேக்கப் பர்க்கார்ட்டால், இத்தாலிய மறுமலர்ச்சி தொடர்பில் உருவாக்கிச் செயற்படுத்தியபடி பண்பாட்டு வரலாறு, ஒரு குறித்த வரலாற்றுக் காலத்தை முழுமையாக ஆய்வு செய்வதாக இருந்தது. அக்காலத்தின் [[ஓவியக்கலை|ஓவியம்]], [[சிற்பக்கலை|சிற்பம்]], [[கட்டிடக்கலை]] போன்றவை மட்டுமன்றி, சமூகத்தின் பொருளாதார அடிப்படைகள், அதன் அன்றாட வாழ்க்கைக்கான சமூக நிறுவனங்கள் போன்றவறையும் இந்த ஆய்வு உள்ளடக்கியதாக இருந்தது.<ref>Siegfried Giedion, ''Space, Time and Architecture'' (6th ed.), p 3.</ref>