சீனாவின் இனவழிச் சிறுபான்மையினர்: திருத்தங்களுக்கு இடையிலான வேறுபாடு

'''சீனாவின் இனவழிச் சிறுபான்மையினர்''' என்னும் தொடர் [[சீனத் தலைநிலம்|சீனத் தலைநிலத்திலும்]], [[தாய்வான்|தாய்வானிலும்]] வாழும் [[ஹான் சீனர்]] அல்லாத பிற இனத்தவரைக் குறிக்கும். [[மக்கள் சீனக் குடியரசு]] அதிகாரபூர்வமாக 55 இனச் சிறுபான்மைக் குழுக்களை ஏற்றுக்கொண்டுள்ளது. 2005 ஆம் ஆண்டுக் கணக்கெடுப்பின்படி ஏற்றுக்கொள்ளப்பட்ட எல்லாச் சிறுபான்மையினரதும் மொத்தத் தொகை 123.33 [[மில்லியன்]]கள் ஆகும். இது சீனத் தலைநிலத்தினதும், தாய்வானினதும் மொத்த [[மக்கள்தொகை]]யின் 9.44% ஆகும். இவ்வாறு அதிகாரபூர்வமாக ஏற்றுக்கொள்ளப்பட்ட சிறுபான்மையினரை விட மக்கள் சீனக் குடியரசில் மேலும் சில ஏற்றுக்கொள்ளப்படாத இனக்குழுவினர் உள்ளனர். [[யூதர்|யூத]], [[துவான்]], [[ஒயிராத்]], [[இலி துருக்கி]] போன்ற இனத்தவர் இக் குழுவினருள் அடங்குவர். இவர்களைவிடச் சீனக் [[குடியுரிமை]] பெற்ற வெளிநாட்டினரும் வேறு குழுக்களாக உள்ளனர்.

 

 

 

==இனக் குழுக்கள்==

பெரும்பாலான இனக்குழுக்கள் ஒன்றிலிருந்து ஒன்று வேறுபட்டவையாக உள்ளன எனினும், சில குழுக்கள் ஹான் பெரும்பான்மைக் குழுவுக்கு மிகவும் ஒத்தவையாக உள்ளன. எடுத்துக்காட்டாக, பெரும்பாலான [[ஹுயி சீனர்]], [[இஸ்லாம்]] மதத்தைப் பின்பற்றுகின்றனர் என்பது தவிர வேறு வகையில் ஹான் சீனரிடமிருந்து அவர்களைப் பிரித்து அறிவது கடினம். மக்கள் சீனக் குடியரசின் வகைப்பாட்டில் அடங்கும் சில குழுக்கள் அவற்றுள் வேறுபட்ட பல குழுக்களை அடக்கியுள்ளதையும் காணமுடியும். [[மியாவோ]] சிறுபான்மையினருள் அடங்கும் பல்வேறு குழுக்கள் [[ஹுமொங்-மியென் மொழிகள்]], [[தாய்-கடாய் மொழிகள்]], [[சீன மொழிகள்]] போன்றவற்றின் பல்வேறு [[கிளைமொழி]]களைப் பேசுபவர்களாக இருப்பதும், பல்வேறுபட்ட பண்பாட்டு வழக்குகளைக் கைக்கொள்பவர்களாக இருப்பதும் இதற்கு ஒரு எடுத்துக்காட்டு ஆகும். குறைந்த மக்கள்தொகையைக் கொண்ட சில இனக்குழுக்கள் முற்றிலும் வேறுபட்ட பெரிய இனக்குழுக்களுடன் சேர்த்து வகைப்படுத்தப்பட்டுள்ளன. எடுத்துக்காட்டாக, [[ஹைனான்]] மாகாணத்தின் [[உத்சுல்]]கள், ஹுயி சிறுபான்மைக் குழுவின் ஒரு பகுதியாக வகைப்படுத்தப்பட்டுள்ளது, [[சுவாங்கிங்]] இனம் ஹான் பெரும்பான்மையுடன் சேர்க்கப்பட்டுள்ளது.