ஆபிரகாம் மாசுலோ: திருத்தங்களுக்கு இடையிலான வேறுபாடு

== தொடக்க கால வாழ்க்கை ==

ஆபிரகாம் மாசுலோ, 1908, ஏப்ரல் 1- ஆம் நாள் நியூயார்க்கில் உள்ள ப்ரூக்ளினில் சாமுவேல் மாசுலோ மற்றும் ரோசு மாசுலோ ஆகியோருக்கு மகனாகப் பிறந்தார்.<ref>https://www.thefamouspeople.com/profiles/abraham-harold-maslow-610.php</ref> அங்கு அவர் ருஷ்யாவிலிருந்து குடியேறிய யூத பெற்றோருக்கு ஏழு குழந்தைகளில் முதலாவது குழந்தையாக வளர்ந்தார். மாசுலோ அவரது இளமைப் பருவத்தை மகிழ்ச்சியற்றதாகவும், தனிமை நிறைந்ததாகவும் விவரித்துள்ளார். மேலும், அவர் தனக்குக் கிடைத்த நேரத்தில் அதிகமான பொழுதை நூலகங்களில் புத்தகங்களில் மூழ்கிக்கிடப்பதிலேயே கழித்தார்.<ref>https://www.verywellmind.com/biography-of-abraham-maslow-1908-1970-2795524</ref> அவர் தனது உயர்நிலைப் பள்ளியில் பல மன்றங்களில் உறுப்பினராக இருந்தார். அவர் பள்ளியிலிருந்து வெளியிடப்பட்ட இலத்தீன் இதழின் தொகுப்புப் பணியையும், பள்ளியின் இயற்பியல் கட்டுரைகள் தொகுப்புப் பணியையும் ஓராண்டுக்கு கவனித்துக் கொண்டார். அவர் நியூயார்க் சிட்டி கல்லூரிக்குச் சென்றதோடு, மாலையில் சட்ட வகுப்புகள் எடுக்கத் தொடங்கினார். சட்டப்படிப்பு தனக்கானது இல்லை என்பதை உணர்ந்த அவர் விரைவில் அதிலிருந்து வெளியேறினார். பின்னர் அவர் உளவியலைப் படிப்பதற்காக விஸ்கான்சின் பல்கலைக்கழகத்திற்குச் சென்றார். அங்கு அவரது கல்வியானது, பரிசோதனை நடத்தையியலாக இருந்தது. நடத்தையியல் குறித்த தனது அனுபவத்தால் அவர் ஒரு வலுவான நேர்மறை மனப்போக்கை உருவாக்கினார். அவர் 1931 ஆம் ஆண்டில் உளவியலில் தனது முதுகலைப் பட்டத்தைப் பெற்றார்.<ref>https://www.thefamouspeople.com/profiles/abraham-harold-maslow-610.php</ref>

 

== மேற்கோள்கள் ==