டைப்பிஸ்ட் கோபு

கோபலரத்தினம் (Gopalarathinam) இவர் தமிழ் திரைப்படத்துறையில் டைப்பிஸ்ட் கோபு என அறியப்பட்டவர். இயற்கையில் நாடக நடிகரான கோபாலரத்தினம் 6,00 மேற்பட்ட மேடை நாடகங்களிலும், 400 திரைப்படங்களில் நகைச்சுவை நடிகராக நடித்தவர்.

கோபலரத்தினம்
செயற்பாட்டுக் காலம்	1955 - தற்போது வரை
அறியப்படுவது	திரைப்பட நகைச்சுவை நடிகர்

நடிப்புத் தொழில்

திருச்சி மாவட்டம், மணக்கால் கிராமத்தில் பிறந்த கோபாலரத்தினம், சென்னை இராமகிருஷ்ணா மிஷன் விவேகானந்தா கல்லூரியில் இளங்கலை வணிகவியல் படித்துக் கொண்டிருந்த போது, 1955-இல் தனது நண்பரும், நகைச்சுவை நடிகருமான நாகேஷ் நாடகக் குழுவின் நாடகங்களில் நடித்தார்.

1959-ல் நெஞ்சே நீ வாழ்க எனும் மேடை நாடகத்தில் டைப்பிஸ்ட் கோபு எனும் கதாபாத்திரத்தில் நடித்ததால், கோபாலரத்தினத்திற்கு டைப்பிஸ்ட் கோபு அடைபெயர் நிலைத்து நின்றது.1965ல் கே. பாலசந்தர் இயக்கிய நாணல் எனும் திரைப்படத்தில் முதலில் அறிமுகமானார்.

பின்னர் ஒய். ஜி. மகேந்திரன் நாடகக் குழுவில் இணைந்து பல மேடை நாடகங்களில் நடித்தார். 2002ல் இவருக்கு கலைமாமணி விருது வழங்கப்பட்டது. இவர் தொலைக்காட்சித் தொடர்களில் நகைச்சுவை நடிகராக நடித்துள்ளார்.

நடித்த சில திரைப்படங்கள்

• நாணல்
• அதே கண்கள்
• உன்னை வாழ்த்திப்பாடுகிறேன்
• அதிகாரி
• சுகான சுமைகள்
• ஊர் மரியாதை
• திக்கற்ற பார்வதி
• ஆலயம் (திரைப்படம்)
• உயர்ந்த மனிதன் (1968)
• திருமலை தென்குமரி (1970)
• அகத்தியர் (1972)
• காசேதான் கடவுளடா (1972)
• மேயர் மீனாட்சி (1976)
• பரிச்சைக்கு நேரமாச்சு (1982)
• மைக்கேல் மதன காமராஜன் (1989)
• பெரியார் (2007 திரைப்படம்)

தொலைக்காட்சித் தொடர்கள்

• வசூல் சக்கரவர்த்தி
• வீட்டுக்கு வீடு லூட்டி
• மிஸ்டர். பிரைன்
• துப்பறியும் சாம்பு