காற்றிதழ்: திருத்தங்களுக்கு இடையிலான வேறுபாடு

காற்றிதழில் உருவாகும் ஏற்றம், காற்றிதழின் [[தாக்குகோணம்]] மற்றும் வடிவத்தைப் பொறுத்தது. காற்றிதழை காற்றோட்டத்துக்கு ஒரு குறிப்பிட்ட கோணத்தில் அமையும்போது, காற்றிதழ் காற்றோட்டத்தை விலக்கி விடுகிறது. அதனால் காற்றின் விலக்க திசைக்கு நேரெதிர்த்திசையில் காற்றிதழின்மீது விசை ஏற்படுகிறது. அவ்விசை [[காற்றியக்க விசை]] எனப்படுகிறது, அதனை இருகூறுகளாக பிரிக்கலாம்: [[ஏற்றம்]], [[இழுவை]]. பெரும்பான்மையான காற்றிதழ்கள் ஏற்றவிசையை உருவாக்குவதற்கு நேர்மறை தாக்குகோணங்கள் தேவைப்படும், ஆனால் [[விற்சாய்வுடை காற்றிதழ்கள்]] சுழிய தாக்குகோணத்திலும் ஏற்றத்தை உருவாக்கும். இவ்வாறு காற்றிதழின் அருகாமையில் காற்றோட்டம் விலகிச் செல்வதால் வளைந்த [[சீர்வரிகள், கீற்றுவரிகள், மற்றும் பாதைவரிகள்|சீர்வரிகள்]] உண்டாகின்றன, அதனால் காற்றிதழின் ஒரு பக்கம் குறைந்த அழுத்தமும், மற்றொரு பக்கம் அதிக அழுத்தமும் ஏற்படுகிறது. இந்த அழுத்த வேறுபாட்டோடு திசைவேக வேறுபாடும் ஏற்படுகிறது, [[பெர்னூலி தத்துவம்|பெர்னூலி தத்துவத்தின்]]படி, எனவே காற்றிதழைச் சுற்றி ஏற்படும் பாய்வுப்புலத்தில் மேற்புறம் சராசரி திசைவேகம் அதிகமாகவும் கீழ்ப்பக்கம் சராசரி திசைவேகம் குறைவாகவும் இருக்கும். இதனால் ஏற்படுகின்ற [[ஏற்றம்|ஏற்றத்தை]] மேல்/கீழ் பக்கங்களுக்கிடையேயான திசைவேக வேறுபாட்டை வைத்தே [[சுழற்சி (பாய்ம இயக்கவியல்)|சுழற்சி]] மற்றும் [[குட்டா-ஜோகோவ்ஸ்கி தேற்றம்]] ஆகியவற்றின் மூலம் கணக்கிடலாம், காற்றிதழைச் சுற்றி அழுத்தத்தைக் கணக்கிடத் தேவையில்லை.