எகிப்தின் வரலாறு: திருத்தங்களுக்கு இடையிலான வேறுபாடு
உள்ளடக்கம் நீக்கப்பட்டது உள்ளடக்கம் சேர்க்கப்பட்டது
சிNo edit summary |
சி →top |
||
வரிசை 1:
'''எகிப்தின் வரலாறு''' நீண்டதும் வளம் பொருந்தியதும் ஆகும், வளமான கரைப் பகுதிகளையும், வடிநிலங்களையும் கொண்ட நைல் நதியும், [[பண்டைய எகிப்து|பண்டைய எகிப்தின்]] மூத்தகுடிகளின் சாதனைகளும், வெளிச் செல்வாக்கும் இதற்குக் காரணமாக இருந்துள்ளன. ரோசெத்தாக் கல்லைக் கண்டுபிடித்ததன் மூலம், பண்டை எகிப்தியப் படஎழுத்துக்களின் மர்மங்கள் அவிழ்க்கப்படும்வரை எகிப்துன் பழைய வரலாற்றின் பெரும் பகுதி அறியப்படாததாகவே இருந்தது. உலகின் ஏழு அதிசயங்களுள் இன்றும் நிலைத்திருப்பது எகிப்தில் உள்ள [[கீசாவின் மாபெரும் பிரமிட்]] மட்டுமே. அலெக்சாண்டிரியாவின் நூலகம், அந்த வகைக்கு ஒன்றே ஒன்றாகப் பல நூற்றாண்டுகள் இருந்தது.
எகிப்தில், ஆட்டேரியக் கருவி உற்பத்தியோடு கூடிய மனிதக் குடியேற்றம் குறைந்தது கிமு 40,000 வரை பழமையானது. [[எகிப்தின் முதல் வம்சம்|எகிப்தின் முதல் வம்சத்தின்]] முதல் [[பார்வோன்|பாரோவான]] [[நார்மெர்|நார்மரின்]] [[கீழ் எகிப்து]] மற்றும் [[மேல் எகிப்து| மேல் எகிப்தும்]] அரசியல் ரீதியாக ஒன்றாக இணைந்ததோடு, பண்டை எகிப்திய நாகரிகம் ஒன்றானது. கிமு ஆறாம் நூற்றாண்டில் எகிப்தை [[அகாமனிசியப் பேரரசு]] கைப்பற்றும் வரை, எகிப்தில் தாயக எகிப்தியரின் ஆட்சியே நிலவியது. கிமு 332 இல், மசிடோனிய ஆட்சியாளரான [[மகா அலெக்சாந்தர்]], ஆக்கிமெனிட்டுகளை வீழ்த்தி எகிப்தைக் கைப்பற்றினார். அலெக்சாந்தரின் இறப்பிற்கு பின்னர், கிமு 336-இல் கிரேக்கப்படைத்தலைவர் [[தாலமி சோத்தர்]], எகிப்தில் [[தாலமைக் பேரரசு]] நிறுவினார். தொலமிகள், உள்ளூர் கலகக்காரர்களுக்கு முகம்கொடுக்கவேண்டி இருந்ததுடன், வெளியாருடனான போர்களிலும், உள்நாட்டுப் போர்களிலும் ஈடுபட்டதனால், இராச்சியம் வீழ்ச்சியடையத் தொடங்கி இறுதியாக கிமு 33-இல் எகிப்தை [[உரோமைப் பேரரசு|உரோமப் பேரரசு]] தன்னுடன் இணைத்துக்கொண்டது. கிளியோபாட்ரா இறந்த பின்னர் பெயரளவிலான எகிப்தின் சுதந்திரம் முடிவுக்கு வந்து, எகிப்து, உரோமப் பேரரசின் ஒரு மாகாணம் ஆனது.
எகிப்தில் உரோமரின் ஆட்சி, இடையே [[சாசானியப் பேரரசு|சசானியப் பேரரசின்]] கிபி 619 - 629 வரையான 10 ஆண்டுக் காலப்பகுதி தவிர, கிமு 30 முதல் கிபி 641 வரை நீடித்திருந்தது. எகிப்தை முசுலிம்கள் கைப்பற்றிய பின்னர், எகிப்தின் பகுதிகள், தொடர்ந்து வந்த [[கலீபா|கலீபகங்களினதும்]], பிற முசுலிம் வம்சங்களினதும் மாகாணங்கள் ஆயின. இவற்றுள் [[ராசிதீன் கலீபாக்கள்]] (632-661), [[உமையா கலீபகம்]] (661-750), [[அப்பாசியக் கலீபகம்]] (750-1258), [[குர்துபா கலீபகம்]] (756-1031), [[பாத்திம கலீபகம்]] (909-1171), [[அய்யூப்பிய வம்சம்|அய்யூப்பிய வம்சத்தின்]] [[எகிப்தின் மம்லுக் சுல்தானகம்]] (கிபி 1250 - 1517) என்பன இவற்றுள் அடக்கம். 1517 இல் துருக்கியின் ஓட்டோமான் சுல்தான் முதலாம் செலீம் [[கெய்ரோ]]வைக் கைப்பற்றியதன் மூலம் எகிப்தை [[உதுமானியப் பேரரசு|ஓட்டோமான் பேரரசுக்குள்]] இணைத்துக்கொண்டார்.
பிரான்சின் ஆக்கிரமிப்புக்கு உள்ளாகியிருந்த 1798 - 1801 காலப் பகுதியைத் தவிர்த்து, 1867 வரை எகிப்து, ஓட்டோமான் பேரரசின் பகுதியாகவே இருந்தது. 1867 இல் தொடங்கி எகிப்து, கேதிவேட் எகிப்து என்று அழைக்கப்பட்ட பெயரளவிலான திறை செலுத்தும் ஒரு அரசாக இருந்தது. ஆங்கிலேய-எகிப்தியப் போரைத் தொடர்ந்து 1882-இல் எகிப்து, பிரித்தானியரின் கட்டுப்பாட்டுக்குள் வந்தது. [[முதல் உலகப் போர்|முதலாம் உலகப் போருக்குப்]] பின்னர், 1919-இல் இடம்பெற்ற எகிப்தியப் புரட்சியைத் தொடர்ந்து, எகிப்து இராச்சியம் நிறுவப்பட்டது. இது சட்டப்படியான தனியரசாக இருந்தபோதும், ஐக்கிய இராச்சியம் வெளிநாட்டு அலுவல்கள், பாதுகாப்பு மற்றும் சில விடயங்களில் கட்டுப்பாட்டைக் கொண்டிருந்தது. எகிப்தில் பிரித்தானிய ஆக்கிரமிப்பு 1954 வரை நீடித்தது.
== வரலாற்றுக்கு முந்திய காலம் ==
| |||