சொக்கறை

சொக்கறை (dimple) என்பது மாந்தர் உடம்புத் தசையிலே குறிப்பாகக் கன்னத்திலோ தாழ்வாய்க்கட்டையிலோ (முகவாய், நாடி) இயற்கையாகவே உண்டாகும் ஒருவகைக் குழியாகும்.

ஏற்கெனவே ஒருவர்க்கு இருக்கும் கன்னச் சொக்கறையானது அவர் புன்முறுவல் பூப்புப் போன்ற முகக் குறிப்பினைச் செய்யும்பொழுது விளங்கித்தோன்றும்; ஆனால் தாழ்வாய்க்கட்டைச் சொக்கறையோ எந்தக் குறிப்பிட்ட முகக்குறிப்பும் இன்றியே எந்நேரமும் ஒரு சிறுகோடுபோல நிலைத்துத் தோன்றும்.

சொக்கறை நெடுங்காலப் போக்கிற் கவனித்தால் தோன்றும் மறையும்; பச்சிளங் குழந்தைக்குப் பிறப்பிலே தோன்றிய சொக்கறை அது வளரவளரக் குழந்தைக் கொழுப்புக் குன்றி மறைந்துவிடுவதுண்டு.