தேசிய ஜனநாயகக் கூட்டணி

தேசிய ஜனநாயக கூட்டணி (இந்தியா)இது ஒரு இந்திய அரசியல் கட்சிகளின் கூட்டணி. இதன் தலைமையான பாராதீய ஜனதா கட்சியுடன் 13 அரசியல் கட்சிகள் இணைந்து 1998 ஆம் ஆண்டு அமைக்கப்பெற்ற கூட்டணியே தேசிய ஜனநாயக முன்னணி என்ற கூட்டணி ஆகும். இதன் ஒருங்கிணைப்பாளராக சரத் யாதவ் மற்றும் அதன் தலைவராக முன்னாள் பிரதமர் அடல் பிகாரி வாஜ்பாயும் செயல்பட்டனர்.

இக்கூட்டணித் தற்பொழுது எதிர் கட்சியாகவும் இதன் பிரதிநிதி லால் கிருஷ்ணா அத்வானித் தலைமையில் மக்களவையிலும், மாநிலங்களவையில் ஜஸ்வந்த் சிங் தலைமையிலும் மற்றும் சரன்ஜித் சிங் அத்வால் மக்களவைத் துணைத் தலைவராகவும் பதவி வகித்துள்ளனர்.

வரலாறு

தேசிய ஜனநாயக் கூட்டணி 1998 ல் அறிவிக்கப்பட்டு அதன் தொடர்ச்சியாக 1998 ல் கட்டணி அரசு அமைத்தது. அ.இ.அ.தி.மு.க வின் இழுபரியால் அக்கூட்டணிக் கட்சி ஆட்சியை 11 நாட்களில் இழந்தது. பின்பு புதிய கூட்டணியுடன் 1999 ல் அதிகப் பெரும்பான்மை இடங்களைப் பெற்ற கூட்டணியாக பிரதமர் வாஜ்பாய் தலைமையில் ஐந்து வருடங்கள் ஆட்சி வகித்தது. அதன் பின் 2004 ல் அதன் எதிர்கட்சியான காங்கிரஸ் தலைமையில் அமைத்த கூட்டணியான ஐக்கிய முற்போக்கு கூட்டணியிடம் ஆட்சியை இழந்தது.

சுதந்திரத்துக்குப்பின் இந்தியாவில் காங்கிரஸ் அல்லாத அமைச்சரவை ஐந்து வருடங்கள் ஆட்சி அமைத்தது இதுவே முதல் முறை என்பதை தேசிய ஜனநாயக முற்போக்குக் கூட்டணி நிருபித்தது.