அருங்காட்சியகம்: திருத்தங்களுக்கு இடையிலான வேறுபாடு

அருங்காட்சியகங்களில் பல வகைகள் உள்ளன. பல முக்கியமான நகரங்களில், [[நுண்கலை]]கள், [[பயன்படு கலை]]கள், [[கைப்பணி]], [[தொல்லியல்]], [[மானிடவியல்]], [[இனவியல்]], [[வரலாறு]], [[பண்பாட்டு வரலாறு]], [[படைத்துறை வரலாறு]], [[அறிவியல்]], [[தொழில்நுட்பம்]], [[இயற்கை வரலாறு]], [[நாணயவியல்]], [[தாவரவியல்]], [[விலங்கியல்]], [[அஞ்சற்பொருள் சேகரிப்பு]] போன்ற துறைகளுக்காகத் தனித்தனியான அருங்காட்சியகங்கள் இருப்பதைக் காண முடியும். இந்த வகைகளுக்கு உள்ளேயே பல சிறப்புப் பிரிவுகளுக்கும் அருங்காட்சியகங்கள் அமைக்கப்படுவது உண்டு. எடுத்துக்காட்டாக, நவீன ஓவியங்கள், உள்ளூர் வரலாறு, வானூர்திப் பயண வரலாறு, போன்றவற்றுக்கான அருங்காட்சியகங்களைக் குறிப்பிடலாம்.

 

தொல்லியல் அருங்காட்சியகங்கள், தொல்லியல் ஆய்வுகள் மூலம் கிடைக்கும் அரும்பொருட்களைக் காட்சிக்கு வைக்கின்றன. தொல்லியல் அருங்காட்சியகங்களிற் பல [[திறந்தவெளி அருங்காட்சியகம்|திறந்தவெளி அருங்காட்சியகங்களாக]] உள்ளன. திறந்தவெளி அருங்காட்சியகங்கள் பொதுவாகத் தொன்மையான கட்டிடங்கள்; சமூகப் பொருளாதார வாழ்க்கை முறைகளைக் காட்டும் நாட்டுப்புற வாழ்விடக் காட்சிகள்; தொழில்நுட்ப வரலாறு, நாட்டுப்புற மக்களின் கலை, வரலாறு போன்றவற்றைக் காட்டும் விடயங்கள் போன்றவற்றைப் பற்றியனவாக இருக்கின்றன. <ref>பவுன்துரை, இராசு., (2001), ''அருங்காட்சியகவியல்'', மெய்யப்பன் தமிழாய்வகம், சென்னை.</ref>. பிற தொல்லியல் அருங்காட்சியகங்கள் தொல்லியல் ஆய்வுக் களங்களில் எடுக்கப்பட்ட பொருட்களைச் சேகரித்துப் பாதுகாப்பான முறையில் கட்டிடங்களுக்குள் காட்சிக்கு வைக்கின்றன.

 

==குறிப்புகள்==