பண்: திருத்தங்களுக்கு இடையிலான வேறுபாடு

'''பண்''' என்பது இசையின் அடிப்படை வடிவங்களில் ஒன்று. முறைப்படி இசையொலிகளை வகைப்படுத்தி, அவ்வொலிகளால் பல்வேறு இசைப்போக்குகளுடன் உள்ளத்தில் ஓருணர்வு ஓங்க அமைக்கபடுவது பண். இசையொலிக் கூறுகள் [[சுரம்]] என்றும், [[நரம்பு]] என்றும் (ஒரோவொருக்கால் துளை என்றும்) வழக்கப்படும். 2500 ஆண்டுகளுக்கும் மேலாக பண் இசை தமிழகத்தில் இருந்துவந்துள்ளது. தொன்று தொட்டு இருந்துவரும் முத்தமிழ் என்பதில் உள்ள இசைத்தமிழின் இலக்கனம் போன்ற அடிப்படைகளில் ஒன்று பண். தற்காலத்தில் தென்னிந்திய [[கர்நாடக இசை|கர்நாடக]] இசை மற்றும், [[ஹிந்துஸ்தானி இசை|ஹிந்துஸ்தானி]] இசைகளில் வழங்கும் [[இராகம்|இராகங்கள்]] என்பது பண்ணிற்கு ஏறத்தாழ இணையான ஒரு வடிவம். [[தேவாரம்|தேவாரப் பாடல்கள்]] பண்முறைகளிலே சுமார் 1000 ஆண்டுகளாக பாடப்பட்டுவருகின்றன. உலகிலேயே தாளத்தோடும், பண்ணோடும், ஆழ்பொருள் பொதிந்த இசைப் பாடல்களாய், பல்லாயிரக்கணக்கான பாடல்கள் காலத்தால் முற்பட்டு உள்ளது தமிழிசையில் உள்ள தேவாரப்பாடல்களே. உலகில் வேறு எந்த மொழியிலும் இப்படி வளமாக வளர்ந்த நிலையில் இருப்பதாகத் தெரியவில்லை. தேவாரத்திலு திருமுறைகளிலே குறிக்கப்பட்டுள்ள 24 பண்களைக் கீழே காணலாம். அவற்றுக்குச் சமமான தற்கால இராகங்கள் அடைப்புக் குறிக்குள் தரப்பட்டுள்ளன.