திவாலா நிலை: திருத்தங்களுக்கு இடையிலான வேறுபாடு

 

=== ஆஸ்திரேலியா===

 

 

அனைத்துத் திவாலா நபர்களும் ஐடிஎஸ்ஏவில், தங்களது சொத்துக்கள் மற்றும் கடன்கள் குறித்தான முக்கியமான தகவல்கள் அடங்கியுள்ள, நிலைசார் அறிக்கை ஒன்றைத் தாக்கல் செய்ய வேண்டும்.

 

 

தமது திவாலா நிலை கால அளவைப் பொறுத்த வரை, திவாலா நபர்கள் அனைவருக்கும் சட்டத்தின் கீழ் சில கட்டுப்பாடுகள் உள்ளன. உதாரணமாக, ஒரு திவாலா நபர் கடல் கடந்து பிரயாணம் மேற்கொள்வதற்கு, தமது அறங்காவலரின் அனுமதியைப் பெற வேண்டும். இவ்வாறு செய்யத் தவறினால், அந்த திவாலா நபர் ஆஸ்திரேலிய கூட்டரசுக் காவல் துறையினரால் விமான நிலையத்தில் மறிக்கப்படலாம். மேலும், ஒரு திவாலா நபர் தனது வருமானம் மற்றும் சொத்துக்கள் ஆகியவற்றைப் பற்றிய விபரங்களை அறங்காவலரிடம் அளிப்பது தேவைப்படும். தனது வருமானம் பற்றிய தகவல்களைத் தருமாறு அறங்காவலரின் வேண்டுகோளைப் பூர்த்தி செய்ய திவாலா நபர் தவறி விட்டார் எனில், அவருக்கு கடன்களிலிருந்து விடுதலை வழங்குவதற்கு ஆட்சேபம் தெரிவித்து அறங்காவலர் மனுத் தாக்கல் செய்யலாம்; இது திவாலா நிலைக் காலம் மேலும் ஐந்து ஆண்டுகளுக்கு நீட்டிக்கப்படுவதில் விளையலாம்.

 

 

ஒரு திவாலா நபரின் வருமானம் குறிப்பிட்ட அளவிற்கு மேற்பட்டு இருந்தால், அவர் தமது வருமானத்திலிருந்து ஒரு பகுதியை வருமான வழங்கீடு என்பதாக வழங்க வேண்டும். இந்த மதிப்பு நிலை என்பதானது வருடத்திற்கு இரண்டு முறையாக, மார்ச் மற்றும் செப்டம்பர் மாதங்களில், அகவரிசைப்படுத்தப்பட்டு, திவாலா நபரை அண்டியுள்ளவர்களின் எண்ணிக்கையைப் பொறுத்து, மாறுபடுவதாக அமையும். வருமான வழங்கீடு தொடர்பான கடப்பாடு, அது மதிப்பு நிலையை மேற்பட்டு இருக்கும் அளவைப் பொறுத்துக் கணக்கிடப்படுகிறது. ஒரு திவாலா நபர் தனது வழங்கீடுகளை அளிக்கத் தவறி விட்டால், அறங்காவலர் திவாலா நபரின் வருமானங்களைக் கையகப்படுத்தும் வகையில் ஒரு அறிவிப்பினை விடுக்கலாம். அது சாத்தியம் அல்லவெனில், கடன்களிலிருந்து விடுதலை அளிப்பதற்கான ஆட்சேபத்தை அறங்காவலர் தாக்கல் செய்து, திவாலா நிலை மேலும் ஐந்து வருடங்களுக்கு நீட்டிக்கப்பட வழி வகுக்கலாம்.

அனைத்துக் கடன்களும் முழுவதுமாகத் தீர்க்கப்பட்டு விட்டால், திவாலா நிலையானது, அதன் காலக் கெடுவான மூன்று ஆண்டுகளுக்கு முன்பாகவே முடித்து வைக்கப்படலாம். சில நேரங்களில், ஒரு திவாலா நபர் தன் பற்றாளர்களுக்கு சமரசம் வேண்டும் ஒரு அழைப்பு விடுக்கும் அளவு நிதி திரட்ட முடிந்தால், பற்றாளர்களுக்குக் கொடுக்கப்பட வேண்டிய கடனில் ஒரு பகுதியைத் தீர்க்கும் நிலையை அடையலாம். இந்த அழைப்பைப் பற்றாளர்கள் ஏற்றுக் கொண்டால், நிதி பெறப்பட்ட பிறகு, திவாலா நிலை இரத்து செய்யப்படும்.

 

 

 

===பிரேசில்===