பேர்டினண்ட் டி சோசர்: திருத்தங்களுக்கு இடையிலான வேறுபாடு

 

'''பேர்டினண்ட் டி சோசர்''' (Ferdinand de Saussure - 26 நவம்பர் 1857 – 22 பெப்ரவரி 1913) என்பவர் சுவிட்சர்லாந்து நாட்டைச் சேர்ந்த ஒரு மொழியியலாளர் ஆவார். இவரது [[எண்ணக்கரு]]க்கள் (ideas) பல 20 ஆம் நூற்றாண்டில் [[மொழியியல்|மொழியியலில்]] ஏற்பட்ட பல குறிப்பிடத்தக்க வளர்ச்சிகளுக்கு அடிப்படையாக அமைந்தன. இவர் இருபதாம் நூற்றாண்டு மொழியியலின் தந்தை எனப் பரவலாகக் கருதப்படுபவர்களில் இவரும் அடங்குவார். இவரது எண்ணக்கருக்கள் கலைத் துறைகளிலும், [[சமூக அறிவியல்]] துறைகளிலும் பெரும் தாக்கத்தை ஏற்படுத்தின.

 

பேர்டினண்ட் மொங்கின் டி சோசர் சுவிட்சர்லாந்திலுள்ள ஜெனீவாவில் 1857 ஆம் ஆண்டு பிறந்தார். இளமையிலேயே குறிப்பிடத்தக்க திறமைகளும் அறிவுத்திறனும் இருப்பதற்கான அறிகுறிகள் தென்பட்டன. 1876 ஆம் ஆண்டில் [[லீப்சிக் பல்கலைக்கழகம்|லீப்சிக் பல்கலைக்கழகத்தில்]] படிப்பைத் தொடங்கினார். இரண்டு ஆண்டுகளுக்குப் பின்னர் தனது 21 ஆவது வயதில், ''இந்திய-ஐரோப்பிய மொழிகளில் தொடக்கநிலை உயிரெழுத்து முறைமை பற்றிய ஆய்வுக் கட்டுரை'' என்னும் தலைப்பிலான நூல் ஒன்றை வெளியிட்டார். பின்னர் ஓராண்டு [[பேர்லின்|பேர்லினில்]] கல்விகற்றார். அப்பஓது சமசுக்கிருத மொழியியல் சார்ந்த தலைப்பொன்றில் ஆய்வுக் கட்டுரை ஒன்றை எழுதி 1880 ஆம் ஆண்டில் முனைவர் பட்டம் பெற்றார். இதன் பிறகு விரைவிலேயே அவர் [[பாரிசு]]க்குச் சென்றார். அங்கே [[கோதிக் மொழி|கோதிக்]], [[பழைய உயர் செருமன் மொழி|பழைய உயர் செருமன்]] ஆகிய மொழிகளிலும் இடையிடையே வேறு பாடங்களிலும் விரிவுரையாளராகப் பணியாற்றினார்.

 

[[பகுப்பு:மொழியியலாளர்கள்]]