'''வானூர்தி தாங்கிக் கப்பல்''' என்பது, [[வானூர்தி|வானூர்திகளை]] வானில் செலுத்துவதற்கும், பின்னர் திரும்ப இறங்குவதற்குமான வசதிகளுடன் வடிவமைக்கப்பட்ட ஒரு [[போர்க் கப்பல்|போர்க் கப்பலைக்]] குறிக்கும். இக் கப்பல்கள் கடலில் செல்லும் ஒரு [[வான்படைத்படைத்துறை வானூர்தித் தளம்|வான்படைத்வானூர்தித் தளமாகச்]] செயற்படுகின்றன. இதனால், ஒரு [[கடற்படை]] தனது வான் வலிமையை நீண்ட தூரம் கொண்டு செல்வதற்கு, வானூர்தி தாங்கிக் கப்பல்கள் உதவுகின்றன. இவை உள்நாட்டு வானூர்தித் தளங்களில் தங்கியிராமல் [[வான் தாக்குதல்]]களை நடத்துவதற்கு வழி சமைத்துக் கொடுத்துள்ளன. [[மரக் கலம்|மரக் கலங்களில்]] [[பலூன்]]களைக் காவிச்சென்றதில் இருந்து [[அணுவாற்றல்|அணுவாற்றலில்]] இயங்கும் கப்பல்களில் நிலைத்த சுழல் இறக்கைகளைக் கொண்ட பல வானூர்திகளைக் காவிச்செல்லும் அளவுக்கு வானூர்தி தாங்கிக் கப்பல்கள் பெரும் முன்னேற்றம் அடைந்துள்ளன.