"பூசை (இந்து)" பக்கத்தின் திருத்தங்களுக்கிடையேயான வேறுபாடு

62 பைட்டுகள் சேர்க்கப்பட்டது ,  8 ஆண்டுகளுக்கு முன்
தொகுப்பு சுருக்கம் இல்லை
அத்துடன், திருமணம், பெயர்சூட்டல், புதுமனை புகுதல், காதணி விழா போன்ற பல்வேறு மங்கலகரமான இந்துச் சடங்குகளிலும் பூசை ஒரு முக்கியப் பகுதியாக இடம் பெறும்.
 
பூசை என்ற சொல்லுக்கு இறையன்பில் மலர்தல் என்பது பொருள். பக்தர்கள் தாங்கள் வழிபடும் விக்கிரகங்களில் தெய்வத்தின் உயிர்ச்சக்தி இருப்பதாகக் கொண்டு பல்வேறு உபசாரங்களைச் செய்வார்கள். பொதுவாக, பூஜையில் பதினாறு வகை உபசாரங்கள் செய்யப் படவேண்டும் என்று சைவ/வைணவ ஆகம நூல்கள் குறிப்பிடுகின்றன.
 
* தியானம் - பூசைக்குரிய இறைவன் அல்லது இறைவியின் உருவத்தை தியானித்தல்
* ஆவாகனம் - தியானிக்கப் பட்ட தெய்வத்தை வருமாறு அழைத்தல்
* ஆசனம் - தெய்வம் அமர இருக்கை அளித்தல்
* அர்க்கியம் - கைகழுவ நீர் அளித்தல்
* ஆசமனியம் - பருக நீர் அளித்தல்
* பாத்யம் - பாதம் கழுவுதல்
* அபிடேகம் - நீராட்டுதல். விரிவான பூசைகளில் பால், தயிர், தேன், நெய் மற்றும் பல்வேறு திரவியங்களால் அபிடேகம் செய்யப் படும்.
* வஸ்திரம் - ஆடை அணிவித்தல்
* ஆபரணம் - அணிகலன்கள் பூட்டுதல்
* கந்தம் - சந்தனம், குங்குமம் போன்ற நறுமணப் பொருட்களைப் பூசுதல்
* அர்ச்சனம் - மலர்மாலைகள் சூட்டுதல், நறுமலர்களால் அருச்சித்தல்.
* தூபம் - அகில், சாம்பிராணி, ஊதுபத்தி போன்றவற்றால் நறுமணப் புகை காட்டுதல்
* தீபம் - நெய்விளக்கேற்றி தெய்வத் திருவுருவத்தைச் சுற்றிக் காட்டுதல்
* நைவேத்யம் - பல்வேறு உணவுப் பொருட்களை இறைவனுக்குப் படைத்தல். இந்தப் படையலைப் பின்னர் பக்தர்கள் பிரசாதமாக உண்பர்.
* நீராஜனம் - கற்பூரம் ஏற்றி ஆரத்தியெடுத்தல்
* தாம்பூலம் - வெற்றிலை, பாக்கு அளித்தல்
 
விரிவான பூசைகளில் இதோடு கூட இசைபாடுதல், இசைக் கருவிகளை முழக்குதல், நடனமாடுதல் ஆகிய உபசாரங்களும் இடம்பெறும். இது கருதியே பல பெரிய இந்துக் கோயில்களில் பாடகர்கள், நாதஸ்வரம், தவில், மிருதங்கள் போன்ற கருவிகளில் வல்ல இசைக்கலைஞர்கள், நடன மாதர் ஆகியோர் இடம் பெற்றிருந்தனர்.
பூசையின் போது வேத மந்திரங்களையும், அந்தக் குறிப்பிட்ட தெய்வம் மீது புனையப் பட்ட தோத்திரங்களையும், பக்திப் பாடல்களையும் ஓதுவார்கள்.
 
வேதத்தின் மந்திரத்தால் வெண்மணலே சிவமாகப் <br />
போதத்தால் வழிபட்டான் புள்ளிருக்கு வேளூரே <br />
 
என்று திருஞான சம்பந்தர் தேவாரமும்,
 
சலம்பூவொடு தூபம் மறந்தறியேன் <br />
தமிழோடிசை பாடல் மறந்தறியேன் <br />
நலந்தீங்கிலும் உன்னை மறந்தறியேன் - உன் <br />
நாமம் என் நாவில் மறந்தறியேன் <br />
 
என்று திருநாவுக்கரசர் தேவாரமும்
மேற்கூறியவை அனைத்தும் உள்ளிருக்கும் இறைவனைப் புறவயமாக நிறுத்திப் புரியும் பூசைகளாம். தத்துவ நிலையில், தெய்வத்தை உள்ளத்தின் உள்ளேயே கண்டு அகவயமாகவே வழிபடுதலும் இந்து மரபில் ஏற்றுக் கொள்ளப் பட்ட பூசை முறையாகும். இவ்வகைப் பூசை முழுக்க மனதளவிலேயே நிகழ்வது, இதற்கு விக்கிரகங்களோ, மலர்கள் போன்ற பூசைப் பொருட்களோ தேவையில்லை. தியான வகையிலான இந்தப் பூசை மானச பூசை என்று வழங்கப் பெறுகிறது.
 
நெஞ்சகமே கோயில் நினைவே சுகந்தம் அன்பே <br />
மஞ்சனநீர் பூசைகொள்ள வாராய் பராபரமே <br />
 
என்று தாயுமானவர் இவ்வகைப் பூசையினைச் சுட்டுவதைக் காணலாம்.
15

தொகுப்புகள்

"https://ta.wikipedia.org/wiki/சிறப்பு:MobileDiff/778492" இருந்து மீள்விக்கப்பட்டது