|
#REDIRECT [[கலை]]
'கற்றற்கு உரியவை எல்லாம் '''கலை''''. இது தமிழில் கலை என்பதற்கு தரப்படம் ஒரு பொது வரையறை. இந்த வரையறைக்கிணங்கவே தமிழ் விக்கிபீடியா கலைக்களஞ்சியத்தின் பெயரும் அமைந்திருக்கின்றது. கலைச்சொல் என்ற சொற்றாடலிலும் இப்பொருளே வழங்குவதே காணலாம். எனினும் "உணர்ச்சியும் கற்பனையும் கொண்டு வளர்ந்த ஓவிய முதலியவற்றை மட்டுமே கலை என்று சிறப்பித்து வழங்குதல் பொருந்தும்" என்று தமிழ் அறிஞர் மு. வரதராசனாரின் கூற்று இங்கு குறிப்பிடத்தக்கது. பொது வழக்கிலும் மு. வரதராசனாரின் கூற்றுக்கமையவே கலை என்ற சொல் பயன்படுத்தப்பட்டு வந்தாலும், தற்போது அந்த வழக்கம் பழைய 'கற்றற்கு உரியவை எல்லாம் கலை' என்ற பொருளிலும் எடுத்தாளப்படுகின்றது.
இந்த சொல்லாடல் குழப்பத்தை தவிர்க்க கலை என்ற சொல் உணர்ச்சிக்கும் கற்பனைக்கு முக்கியத்துவம் தரும் கவின் கலைகள் (asthetic arts) என்றும் நுட்பத்துக்கு முக்கியத்துவம் தொழில்நுட்ப கலைகள் என்றும் இரு பெரும் வகையாக பிரிக்கலாம். கவின்கலைகளை அரங்காடல் கலை, எழுத்துக்கலை, கட்புலக் கலை என்று மேலும் பிரிக்கலாம்.
* அரங்காடல் கலைகள்: நடனம், இசை, நாடகம்
* எழுத்துக் கலைகள்: கதை, கவிதை, கட்டுரை
* கட்புலக் கலைகள்: ஓவியம், சிற்பம், புகைப்படம்
எக் கலையானாலும் அதற்குரிய கலைப் பின்புலம் (கலை பற்றிய அறிவு, அழகியல் பார்வை), செய்திறன், சமூகப் பயன்பாடு என்பன இருக்கும். எனினும் கலை இது, இது கலை அல்ல என்று எச் செயற்பாட்டையும் இறுதியுடன் சொல்ல முடியாது. மேலும் கலை சமூகம் சார்ந்ததாகவும் இருக்கின்றது. அதாவது, பொருள் படைத்தவர்கள் கலை, பொதுமக்கள் கலை, அல்லது இன அடிப்படையிலான கலை என பல சமூகத் தாக்கங்களும் கலைக்கு உண்டு. எனவே கலை பல நிலைகள், தளங்களில் ஆயப்படவேண்டிய ஒன்று.
== கலைகளை வகைப்படுத்தல் ==
பன்முகத் தன்மை கலைகளுக்கு உண்டு என்றபடியால் கலைகளை வகைப்படுத்துவது கடினம். கா. சிவத்தம்பி அவர்கள் கலைகளை வகைப்படுத்துவது நோக்கி பின்வருமாறு குறிப்பிடுகின்றார்:
"கலைகளை வகைப்படுத்துவதில் பயில்நெறிகளுக்கேற்ப வேறுபாடுகள் உள்ளன. புலப்பயன்பாடு கொண்டு, கட்புலக் கலைகள், வாய் மொழிக்கலைகள் எனவும், வழங்கப் பெறும் முறைமை கொண்டு அவைக்காற்றுகலைகள், அல்லாதவை எனவும், ஆக்கப்படும் முறைமை கொண்டு, வாய்மொழி எழுத்துக்கலைகள், குழைபொருட்கலைகள் எனவும் வகுக்கப்படும் மரபும் உண்டு." என்கின்றார்.
எளிமையாக கற்கக்கூடிய கலைகளை பொதுமக்கள் கலைகள் என்றும், நீண்ட பயிற்சி அல்லது பொருள் செலவு செய்து கற்கவேண்டிய கலைகளை [[நுண்கலைகள்]] என்றும் கூறலாம். மேலும், கலைவெளிப்பாடுகள் இனம் சார்ந்ததாக இருக்கும் பொழுது தமிழர் வழி கலைகள், பிற இன பிரதேச வழி கலைகள் என்றும் பிரிக்கலாம். மேலும், கலைகளின் தன்மைகளை பொறுத்து நிகழ் கலைகள், கட்புலக் கலைகள், தொழில்சார் கலைகள் என்றும் வகைப்படுத்தலாம்.
== தமிழர் கலைகள் பட்டியல் ==
* [[சிலம்பு]]
* [[கோலாட்டம்]]
* [[பட்டிமண்றம்]]
* [[வில்லுப்பாட்டு]]
* ஆட்டங்கள்
** [[கும்மி]]
** [[மயிலாட்டம்]]
** [[காவடியாட்டம்]]
** [[பொய்கால் குதிரை ஆட்டம்]]
** [[தெருக்கூத்து]]
** [[ஒயிலாட்டம்]]
** [[பாம்பாட்டம்]]
** [[உருமி ஆட்டம்]]
** [[புலி ஆட்டம்]]
* கூத்துக்கள்
** [[சாந்தி கூத்து]]
*** [[சாக்கம்]]
*** [[மெய்க்கூத்து]]
*** [[அபிநகய்க்கூத்து]]
*** [[நாடக்கூத்து]]
** [[விநோதக் கூத்து]]
*** [[குரவைக் கூத்து]]
*** [[கலிநடனம்]] என்னும் '[[கழாய்கூத்து]]'
*** [[கரகம்]] என்னும் '[[குடக்கூத்து]]'
*** பாய்ந்தாடும் 'கரணம்'
*** நோக்கு 'பார்வைக்கூத்து'
*** நகைச்சுவை கொண்ட '[[வசைக்கூத்து]]'
*** '[[சாமியாட்டம்]]' அல்லது '[[வெறியாட்டு]]'
== இவற்றையும் பார்க்க ==
* [[கலை வரலாறு]]
* [[கலைப் பாணிகள், காலம் மற்றும் இயக்கங்கள்]]
== துணை நூல்கள் ==
* ஜீவன். (2000). ''தமிழ் மரபு வழி நாடக மேடை''. சென்னை: நர்மதா பதிப்பகம்.
== வெளி இணைப்புகள் ==
: [http://www.travelmasti.com/domestic/tamilnadu/dances.htm Folk Dances Of Tamil Nadu]
: [http://ezilnila.com/saivam/nunkalaiyum.htm நுன்கலையும் சமுதாயமும்]
: [http://www.pudhucherry.com/pages/kalai.html அறுபத்து நான்கு ஆயகலைகள்]
[[பகுப்பு:கலைகள்]]
| 