அலிக்கோ டங்கோட்டே
அலிக்கோ டங்கோட்டே (Aliko Dangote, பி. ஏப்ரல் 10, 1957, கனோ, நைஜீரியா) ஒரு நைஜீரியத் தொழிலதிபர். டங்கோட்டே குழு என்கிற கூட்டு நிறுவனத்தின் தலைவராக இவர், ஃபோர்ப்ஸ் இதழின் மதிப்பீட்டின் படி 1250 கோடி அமெரிக்க டாலர் சொத்து மதிப்புடன் உலகில் மிகச் செல்வந்தவர்களின் பட்டியலில் 173 ஆவது நிலையில் உள்ளார். ஆப்பிரிக்காவின் மிகப்பெரிய பணக்காரரும், உலக கருப்பின மக்களில் மிகப்பெரிய பணக்காரரும் இவரே.
| அலிக்கோ டங்கோட்டே Aliko Dangote | |
|---|---|
 அலிக்கோ டங்கோட்டே | |
| பிறப்பு | 10 ஏப்ரல் 1957 கனோ, நைஜீரியா |
| கல்வி | வணிகவியல் |
| படித்த கல்வி நிறுவனங்கள் | அல்-அசர் பல்கலைக்கழகம், கைரோ |
| பணி | முதல்வர், டங்கோட்டே குழு |
| செயற்பாட்டுக் காலம் | 1977—இன்று |
| சொத்து மதிப்பு |  US$ 12.5 பில்லியன் (2021)[1] |
| சமயம் | இஸ்லாம் |
1977இல், 21 வயதில் டங்கோட்டே ஒரு சிறிய வணிக நிறுவனமாக டங்கோட்டே குழுவை தொடங்கி, தற்போது நைஜீரியா, பெனின், டோகோ, கானா ஆகிய நாடுகளில் வியாபாரம் செய்கிறது. சர்க்கரை, மாவு, சீமைக்காரை உள்ளிட்ட பல பொருட்களை டங்கோட்டே குழு விற்கிறது. தொலைத்தொடர்பிலும் டங்கோட்டே குழு நுழைந்து, நைஜீரியா முழுவதுக்கும் ஒளியிழை கம்பி வலையமைப்பை தற்போது உருவாக்கியிருக்கிறார்.
நைஜீரிய அரசியலில் டங்கோட்டே ஒரு முக்கியமானவர். நைஜீரியாவில் இப்பொழுது ஆட்சியில் இருக்கிற மக்கள் மக்களாட்சிக் கட்சிக்கு கோடி கணக்கான நைரா நன்கொடைகளை அளித்துள்ளார்.
நவம்பர் 2021 இல், Dangote குழுமத்தின் துணைத் தலைவரும் (VP) Aliko Dangote இன் இளைய சகோதரருமான Sani Dangote காலமானார்.
மேற்கோள்கள் தொகு
<
- ↑ "The World's Billionaires #43 Aliko Dangote". Forbes.com. 11 November 2013. http://www.forbes.com/profile/aliko-dangote/. பார்த்த நாள்: 2013-11-20.
>