இங்கிலாந்தின் தேசியப்பண்
இங்கிலாந்தின் தேசியப் பண் என்று அலுவல்முறையாக எதுவும் இல்லாதபோதும் இதற்காக பல்வேறு பாடல்கள் கலந்துரையாடப்பட்டு வருகின்றன. பெரும்பான்மையான தேசிய விளையாட்டு நிகழ்வுகளில் 'கடவுள் அரசியைக் காப்பாற்றட்டும்' பயன்படுத்தப்படுகிறது.
விளையாட்டுக்களில் தற்போது பயன்படுத்தப்படும் பண்கள் தொகு
தற்போது கீழ்காணும், பாடல்கள் இசைக்கப்படுகின்றன:
பல்விளையாட்டு நிகழ்வுகள் தொகு
- பொதுநலவாய விளையாட்டு நிகழ்வுகளில், இங்கிலாந்து அணி "ஜெருசலம்" என அறியப்படும் பாடலை 2010 முதல் வெற்றிகீதமாக பயன்படுத்துகின்றனர். 2010 பொதுநலவாய விளையாட்டுக்களின்போது இதற்கான வாக்கெடுப்பு மக்களிடையே நடத்தப்பட்டு இப்பாடல் தேர்வானது. இந்த வாக்கெடுப்பில் எடுத்துக்கொள்ளப்பட்ட மூன்று பாடல்கள்: "கடவுள் அரசியைக் காப்பாற்றட்டும்", "ஜெருசலம்" மற்றும் "நம்பிக்கைக்கும் பெருமைக்குமான நாடு". இதில் 52% வாக்குகளைப் பெற்று ஜெருசலம் வென்றது.[1]
ஒரு விளையாட்டு போட்டிகள் தொகு
- பன்னாட்டு காற்பந்து போட்டிகளில், இங்கிலாந்தின் தேசிய அணி தனது தேசியப் பண்ணாக பிரித்தானிய நாட்டுப்பண்ணை பயன்படுத்துகிறது.
- பன்னாட்டு ரக்பி யூனியன் போட்டிகளில், இங்கிலாந்தின் தேசிய அணி தனது தேசியப் பண்ணாக பிரித்தானிய நாட்டுப்பண்ணையும் போட்டி துவக்கத்தில் "நம்பிக்கைக்கும் பெருமைக்குமான நாடு" பாடலையும் இசைக்கிறது.
- பன்னாட்டு ரக்பி லீக் போட்டிகளில், இங்கிலாந்தின் தேசிய அணி தனது தேசியப் பண்ணாக பிரித்தானிய நாட்டுப்பண்ணை பயன்படுத்துகிறது.
- பன்னாட்டு தேர்வுத் துடுப்பாட்டம் போட்டிகளில், இங்கிலாந்தின் துடுப்பாட்ட அணி 2003 முதல் "ஜெருசலம்" பண்ணைத் தனது துவக்க பண்ணாக பயன்படுத்தி வருகிறது.[2]
- பன்னாட்டு லாக்ரோசு போட்டிகளில், இங்கிலாந்தின் ஆடவர் தேசிய அணி தனது தேசியப் பண்ணாக பிரித்தானிய நாட்டுப்பண்ணையும் மகளிர் அணி "நம்பிக்கைக்கும் பெருமைக்குமான நாடு" பாடலையும் இசைத்து வருகின்றன.
சான்றுகோள்கள் தொகு
- ↑ "காப்பகப்படுத்தப்பட்ட நகல்". Archived from the original on 2011-06-11. பார்க்கப்பட்ட நாள் 2013-02-26.
- ↑ "Sing Jerusalem for England!". BBC News. 2005-09-06. http://news.bbc.co.uk/sport1/hi/cricket/england/4217144.stm. பார்த்த நாள்: 2008-06-15.