உன்னைப்போல் ஒருவன் (1965 திரைப்படம்)
உன்னைப்போல் ஒருவன் என்பது 1965 ஆம் ஆண்டு பெப்ரவரி மாதத்தில் வெளிவந்த தமிழ்த் திரைப்படமாகும். ஜெயகாந்தன்[1] இயக்கத்தில் வெளிவந்த இத்திரைப்படத்தில் பிரபாகரன், காந்திமதி மற்றும் பலரும் நடித்துள்ளனர். விமர்ச்சகர்களிடம் வரவேற்ப்பை பெற்ற இத்திரைப்படத்திற்கு 1965-ஆம் ஆண்டு 12-வது தேசிய விருது கிடைத்தது.[2] இத்திரைப்படத்தில் பாடல்கள் எதுவுமில்லை, பின்னணி இசையை சிட்டிபாபு அமைத்திருந்தார்.
| உன்னைப்போல் ஒருவன் | |
|---|---|
| இயக்கம் | ஜெயகாந்தன் |
| தயாரிப்பு | ஜெயகாந்தன் ஆசிய ஜோதி பிலிம்ஸ் |
| கதை | ஜெயகாந்தன் |
| இசை | சிட்டிபாபு |
| நடிப்பு | பிரபாகரன் காந்திமதி |
| வெளியீடு | பெப்ரவரி 27, 1965 |
| நீளம் | 3362 மீட்டர் |
| நாடு | இந்தியா |
| மொழி | தமிழ் |
ஜெயகாந்தன் தான் எழுதிய உன்னைப்போல் ஒருவன் புதினத்தை அதே பெயரில் திரைப்படமாக இயக்கினார். விமர்ச்சகர்களிடம் வரவேற்ப்பை பெற்ற இப்படம் சோவியத் ஒன்றியத்திலும் திரையிடப்பட்டது. சில ஆண்டுகளுக்கு முன்புவரை இப்படத்தின் பிரதிகள் ஏதும் இல்லாத நிலையில் இருந்தது. ஜெயகாந்தனின் 87 ஆவது பிறந்த நாளை முன்னிட்டு அவரது குடும்பத்தினர் 2023, ஏப்ரல் 24 அன்று தேடி எடுத்து யூடியூபில் பிதிவேற்றினர்.[3]
இவற்றையும் பார்க்கவும் தொகு
மேற்கோள்கள் தொகு
- ↑ Sundararaj Theodore Baskaran (1 January 2009). History through the lens: perspectives on South Indian cinema. Orient Blackswan. பக். 60. பன்னாட்டுத் தரப்புத்தக எண்:978-81-250-3520-6. http://books.google.com/books?id=fNgqAQAAIAAJ. பார்த்த நாள்: 2 August 2013.
- ↑ Hindustan Year-book and Who's who. M. C. Sarkar.. 1966. பக். 332. http://books.google.com/books?id=KXhDAAAAYAAJ. பார்த்த நாள்: 2 August 2013.
- ↑ மீண்டும் 'உன்னைப் போல் ஒருவன்' இந்து தமிழ் திசை, 30, ஏப்ரல் 2023