ஒஸ்டின் பெர்னாண்டோ
கலுப்பகே ஒஸ்டின் பெர்னாண்டோ (Kalupage Austin Fernando) இலங்கை அரசு அதிகாரியும், கிழக்கு மாகாணத்தின் ஆளுநரும் ஆவார்.
ஒஸ்டின் பெர்னாண்டோ Austin Fernando | |
|---|---|
| கிழக்கு மாகாணத்தின் 2வது ஆளுநர் | |
பதவியில் உள்ளார் | |
| பதவியில் 27 சனவரி 2015 | |
| முன்னையவர் | மொகான் விஜேவிக்கிரம |
| தனிப்பட்ட விவரங்கள் | |
| முன்னாள் கல்லூரி | பேராதனைப் பல்கலைக்கழகம் |
| தொழில் | குடிமை அதிகாரி |
| இனம் | சிங்களவர் |
ஆரம்ப வாழ்க்கை தொகு
பெர்னாண்டோ தென்னிலங்கையில் காலி ரிச்மண்ட் கல்லூரியில் கல்வி கற்றார்.[1] பள்ளிப் படிப்பை முடித்துக் கொண்டு பேராதனைப் பல்கலைக்கழகத்தில் சேர்ந்து இளங்கலைப் பட்டம் பெற்றார்.[2] பின்னர் சிறீ ஜயவர்தனபுர பல்கலைக்கழகத்தில் வணிக மேலாண்மையில் முதுகலைப் பட்டம் பெற்றார்.[2]
பணி தொகு
பெர்னாண்டோ 1963 ஆம் ஆண்டில் நாகொடை ரோயல் தேசியக் கல்லூரியில் ஆசிரியராகப் பணியில் சேர்ந்தார். பின்னர் 1967 இல் இலங்கை நிருவாக சேவையில் சேர்ந்தார்.[2][3] மட்டக்களப்பு, மாத்தளை மாவட்டங்களில் உதவி தேர்தல் ஆணையாளராகவும், பொலன்னறுவை, நுவரெலியா மாவட்டங்களில் அரச அதிபராகவும் பணியாற்றினார்.[2] பின்னர் அவர் கூட்டுறவு ஆணையாளர், பதிவாளர் நாயகம், புனருத்தாரண அமைச்சின் செயலாளர், அஞ்சல்மா அதிபர், இரத்தினக்கல் கூட்டுத்தாபனத் தலைவர், உள்ளூராட்சி மாகாணசபை அலுவல்கள் அமைச்சு, உள்நாட்டலுவல்கள் அமைச்சு, அமைச்சுகளின் செயலாளர் போன்ற முக்கிய பொறுப்புகளை வகித்தார்.[2] ஐக்கிய நாடுகள் அவையின் ஆலோசகராகப் பணியாற்றிய பின்னர் 2001 டிசம்பரில் பாதுகாப்பு அமைச்சின் செயலாளராக நியமிக்கப்பட்டார்.[2]
2015 ஆம் ஆண்டு சனவரியில் தெரிவான புதிய அரசுத்தலைவர் மைத்திரிபால சிறிசேன பெர்னாண்டோவை சனாதிபதி ஆலோசகராக 2015 சனவரி 15 இல் நியமித்தார்.[4][5] 2015 சனவரி 27 அன்று கிழக்கு மாகாணத்தின் ஆளுநராக நியமிக்கப்பட்டார்.[6][7]
ஒஸ்டின் பெர்னாண்டோ My Belly is White: Reminiscences of a Peacetime Secretary of Defence என்ற நூலை எழுதியுள்ளார்.[8][9]
மேற்கோள்கள் தொகு
- ↑ Abeywardena, Hemantha (16 சனவரி 2015). "Austin Fernando: a model civil servant as new presidential advisor". ஏசியன் டிரிபியூன். http://www.asiantribune.com/node/86236.
- ↑ 2.0 2.1 2.2 2.3 2.4 2.5 "Austin Fernando’s reminiscences in controversial new book". டெய்லி நியூஸ். 23 சூலை 2008. http://archives.dailynews.lk/2008/07/23/art03.asp.
- ↑ Miranda, Sujitha (17 பெப்ரவரி 2013). "Nagoda Royal’s triumphs adds beauty and value to the village". சண்டே டைம்சு. http://www.sundaytimes.lk/130217/education/nagoda-royals-triumphs-adds-beauty-and-value-to-the-village-33179.html.
- ↑ "Austin Fernando appointed as Presidential advisor". டெய்லிமிரர். 15 சனவரி 2015. http://www.dailymirror.lk/61321/austin-ranavirajah-karunaratne-new-presidential-advisors.
- ↑ Weerasinghe, Chamikara (18 சனவரி 2015). "Three Presidential advisers appointed". டெய்லிநியூஸ் இம் மூலத்தில் இருந்து 2015-02-08 அன்று. பரணிடப்பட்டது.. https://web.archive.org/web/20150208155952/http://www.dailynews.lk/?q=local%2Fthree-presidential-advisers-appointed.
- ↑ "Austin, Ellawala new Governors". டெய்லி மிரர். 27 சனவரி 2015. http://www.dailymirror.lk/62233/six-new-governors-sworn-in.
- ↑ "Six Provincial Governors take oaths". த நேஷன். 27 சனவரி 2015 இம் மூலத்தில் இருந்து 2016-03-07 அன்று. பரணிடப்பட்டது.. https://web.archive.org/web/20160307032653/http://www.nation.lk/edition/breaking-news/item/37782-six-provincial-governors-take-oaths.html.
- ↑ de Mel, Tara (27 சூலை 2008). "When peace was given a chance". சண்டே டைம்சு. http://www.sundaytimes.lk/080727/Plus/sundaytimesplus_14.html.
- ↑ David, Marianne (13 சூலை 2008). "A Man of Peace". த நேசன் இம் மூலத்தில் இருந்து 2016-03-03 அன்று. பரணிடப்பட்டது.. https://web.archive.org/web/20160303224734/http://www.nation.lk/2008/07/13/special1.htm.