கருத்தடை என்பது ஒரு பெண் கர்ப்பமடைவதை செயற்பாடுகள், சாதனங்கள், மருந்துகள் மூலம் தடுத்தலாகும்.[1] இதனைப் பிறப்புக் கட்டுப்பாடு, கருத்தரிப்புத் திறன் கட்டுப்பாடு எனவும் அழைக்கலாம். குழந்தை கிடைப்பதற்காகத் திட்டமிடல், கருத்தரிப்பு, குழந்தையைப் பெற்றுக்கொள்ளல், மற்றும் கருத்தடை திட்டமிடல் அனைத்தும் இணைந்ததே குடும்பக் கட்டுப்பாடு ஆகும். குடும்பக் கட்டுப்பாட்டில் கருத்தடை முக்கிய பங்கு வகிக்கிறது. பண்டைக் காலங்களில் இருந்து, கருத்தடை வழிமுறைகள் பயன்படுத்தப்பட்டு வந்தாலும், பயன்பாடான மற்றும் பாதுகாப்பான வழிமுறைகள் 20-ஆம் நூற்றாண்டில் இருந்தே கிடைக்கத் தொடங்கின.[2]

கருத்தடை
Package of birth control pills
கருத்தடைக் குளிகைகள்
MeSHD003267

பல மதங்கள், கலாசாரங்கள் கருத்தடை தொடர்பில் எதிர்ப்புணர்வு கொண்டுள்ளன. ஒழுக்கநெறிகளின்படி, மதரீதியாக அல்லது அரசியல்ரீதியாகப் கருத்தடை விரும்பத்தகாதது என்று சில கலாச்சாரங்கள் கருதுவதால் அவை கருத்தடையை ஊக்கப்படுத்திவதில்லை.[2] இருப்பினும் கருக்கலைப்புடன் ஒப்பிடுகையில் கருத்தடைக்கான எதிர்ப்பு குறைவானதாகவே உள்ளது.[3] சிலர் பாலுறவு கொள்ளாமல் இருப்பதன் மூலம் கருத்தரிப்பைத் தவிர்க்கலாம் என்ற வாதத்தை முன்வைத்தாலும், இணக்கத்தன்மை இல்லாத காரணத்தால், கருத்தடை அறிவைத் தவிர்த்துவிட்டு, பாலுறவு தொடர்பான கல்வியை வழங்குதல், பதின்ம வயதினரின் கருத்தரிப்பை அதிகரிக்கவே செய்யும்.[4][5]

வளர்ந்துவரும் நாடுகளில், கிட்டத்தட்ட 222 மில்லியன் பெண்கள் நவீனப் பிறப்புக் கருத்தடை வழிமுறையைப் பயன்படுத்துவதில்லை.[6][7] வளர்ந்த நாடுகளில் கருத்தடைப் பயன்பாடு காரணமாக, கர்ப்பகாலத்தில் அல்லது அதை அண்மித்த காலத்தில் நிகழும் மரணங்களின் அளவு 40% த்தால் குறைத்துள்ளது (அண்ணளவாக 270,000 மரணங்கள் 2008 இல் தடுக்கப்பட்டுள்ளன). அத்துடன் கருத்தடைக்கான முழுத் தேவையும் பூர்த்திசெய்யப்பட்டிருந்தால், அது 70% அளவுக்குத் தடுக்கப்பட்டிருக்கக்கூடும்.[8][9] இவை தவிர, கருத்தரித்தலைத் தவிர்ப்பதற்காகப் பயன்படுத்தும் ஆணுறை, பெண்ணுறை போன்றன பால்வினை நோய்கள் ஏற்படாமல் பாதுகாப்பையும் அளிக்கும்.[10] ஆனால் ஏனைய கருத்தடை முறைகள் நோய்த்தொற்றுக்களைத் தவிர்க்க முடியாதவையாக இருப்பதனால், இவ்வகையான நோய்ப் பாதுகாப்பை அழிப்பதில்லை.[11]

கருப்பங்களுக்கு இடையிலான காலத்தின் இடைவெளியை அதிகரிப்பதன் மூலமாக, கருத்தடை நடைமுறை மூலம், வயதுவந்த பெண்களின் பிரசவ விளைவுகளிலும், அவர்களின் குழந்தைகளின் உயிர் வாழும் திறனிலும் முன்னேற்றத்தைக் காணலாம்.[8] வளர்ந்த உலக நாடுகளில் பெண்களின் சம்பளம், சொத்துகள், உடல் எடை மற்றும் அவர்களின் குழந்தைகளின் பள்ளிக் கல்வி, உடல்நலம் ஆகிய அனைத்தும் கருத்தடைக்குக் கிடைக்கும் அணுகலை மேம்படுத்தும்.[12] சார்ந்திருக்கும் குழந்தைகளின் எண்ணிக்கையில் ஏற்படும் வீழ்ச்சி, உழைப்பாளர் பிரிவில் அதிகரிக்கும் பெண்கள் பங்கேற்பு, மற்றும் அரிய மூலவளங்களின் குறைவான பயன்பாடு போன்ற காரணங்களால், கருத்தடை மூலம் பொருளாதார வளர்ச்சி அதிகரிக்கும்.[12][13]

கருத்தடை செய்யப்படும் காலங்கள் தொகு

பதின்வயது கர்ப்பங்கள் மோசமான பின்விளைவுகளைக் கொடுக்கக் கூடியவை.[14] அனைத்துத் தகவல்களும் உள்ளடக்கிய பாலியற் கல்வி மற்றும் கருத்தடைக்கான அணுகல் இந்த வயதுப் பிரிவிலான விரும்பத்தகாத கர்ப்பங்களின் விகிதத்தைக் குறைக்கிறது.[14][15] இளம் வயது நபர்கள் அனைத்து கருத்தடை வழைமுறைகளையும் பயன்படுத்தலாமெனினும்[16], நீண்ட காலம் செயல்புரியும் பழைய நிலைக்குத் திரும்பக்கூடிய இயக்குநீரின் அடிப்படையில் செய்யப்படும் பதிய வைப்புக்கள் (implant), கருப்பையுள்ளான சாதனம் (Intrauterine Device (IUD), யோனி வளையங்கள் போன்றவை, பதின்வயது கர்ப்பங்களின் விகிதத்தைக் குறைப்பதில் செயற்திறன் கொண்ட கருத்தடை முறைகளாகக் கருதப்படுகின்றன.[15]

ஒரு குழந்தையின் பிரசவத்துக்குப் பிறகு, முழுமையான அளவுக்குத் தாய்ப்பாலூட்டாத ஒரு பெண் நான்கு முதல் ஆறு வாரங்கள் என்னும் குறுகிய காலத்துக்குப் பிறகு மீண்டும் கர்ப்பமடையலாம்.[16] அடுத்த குழந்தைப் பிறப்பைப் பின்போட விரும்புபவர்கள், பிறப்பைத் தொடர்ந்து சில கருத்தடை முறைகளை உடனடியாகவோ, வேறு சிலவற்றை ஆறு மாதங்களின் பின்னரோ செயல்படுத்தலாம்.[16] தாய்ப்பாலூட்டும் பெண்களுக்கு, கூட்டான வாய் வழிக் கருத்தடை மாத்திரைகளை விட, புரோஜெஸ்தரோன் (Progestogen) மட்டுமே கொண்ட கருத்தடை மருந்துகள் விரும்பத்தக்கவை ஆகும்.[16] மாதவிடாய் முற்றிலும் நின்றுபோன பருவத்தை அடைந்துவிட்ட பெண்களுக்கு, மேலும் குழந்தை பெற்றுக் கொள்வதில் விருப்பமில்லையெனில், கடைசி மாதவிடாய் நிகழ்ந்த பிறகு ஓர் ஆண்டுக்கு கருத்தடை வழிமுறைகளைத் தொடர்வது பரிந்துரைக்கப்படுகிறது.[16]

கருத்தடை முறைகள் தொகு

கருத்தடை முறைகளில் வெவ்வேறு வழிமுறைகள் உள்ளன. அவை தடைகள் (Barrier) ஏற்படுத்தல், இயக்குநீர் பயன்பாடு, சில கருப்பையுள்ளான சாதனங்களைப் பயன்படுத்தல் (IUDs), முழுமையாக இனப்பெருக்கம் செய்யும் இயல்பை இல்லாது செய்வது (Surgical sterilization) அல்லது நடத்தை மூலமான கட்டுப்பாடு போன்றவையாக இருக்கலாம். இவை பாலுறவின் போதோ, அல்லது பாலுறவுக்கு முன்னராகச் செய்யப்பட வேண்டிய வழிமுறைகளாக இருக்கும் வேளையில், அவசர கருத்தடை முறைகள் (en:emergency contraceptives), பாலுறவின் பின்னர் 72-120 மணித்தியாலங்களுக்குள் செய்யப்படும்போது, கருத்தரிப்பைத் தடை செய்வதில் பயனுள்ளதாக இருக்கின்றன.[17][18]

நடத்தை மூலம் கருத்தடை (Behavioral Methods) தொகு

இவை கருத்தங்கல் தொடர்பான அறிவைக் கொண்டிருப்பதனால் இயற்கையாக கருத்தங்கலைத் தவிர்க்கும் முறைகளாகும். எனவே இவை இயற்கையான முறைகள் எனவும் அழைக்கப்படலாம். இம்முறைகள் உறுதியாக கருவுறுதலைத் தவிர்க்க உதவும் என்று கூற முடியாது.

விழிப்புணர்வு தொகு

கருத்தங்கல் தொடர்பான அறிவும், கருத்தடை தொடர்பான அறிவும் அதன்மூலம் கிடைக்கக் கூடிய நன்மைகளும் தொடர்பான விழிப்புணர்வு இருத்தல், வேண்டாத கர்ப்பங்களைத் தவிர்க்க உதவும்.

விலகல் முறை தொகு

விந்து வெளியேற்றத்தின் முன்னர் ஆண்குறியை புணர்புழையிலிருந்து வெளியே எடுத்தல் பன்னெடுங்காலமாகப் பயன்படும் கருத்தடை முறையாகும்.[19] இதனை விலகுதல் அல்லது உள்வாங்குதல் எனலாம்.

நாள் கணக்கு வைக்கும் முறை தொகு

 
கடைசியாக ஏற்பட்ட மாதவிடாயின் நாளைக் கருத்தில்கொண்டு, கருத்தங்கலைத் தவிர்ப்பதற்காக நாட்களைக் கணக்கில் வைத்துக்கொள்வதற்கான மணிகளின் சுழற்சி முறை

மாதவிடாய் சுழற்சியில் சில குறிப்பிட்ட நிலைகளில் மட்டும் உடலுறவு கொள்ளுதல் மற்றொரு கருத்தடை முறையாகும். இந்த முறைப்படி, மாதவிடாய் முடிந்த 10 நாட்களுக்குப் பின் கருமுட்டை வளர்ச்சி அடைவதால், அவ்வளர்ச்சி பருவத்தில், உடலுறவை தவிர்த்தால் கருத்தரிப்பையும் தவிர்க்க இயலும். ஆகவே பாதுகாப்பான காலம், மாதவிடாய்க்கு ஒரு வாரம் முன்பும் பின்பும் ஆகும். இந்த முறையில், பெண்களுக்கு 28 நாட்களுக்கு ஒருமுறை மாதவிடாய் சுழற்சி ஏற்படும் என்ற முறையில் கணக்கிடப்படுகிறது. ஆனால் இதில் மாறுபடும் சுழற்சி உள்ளவர்களுக்கு, இந்த முறையில் தோல்விகள் ஏற்பட்டு கருத்தரிக்க வாய்ப்புள்ளது.

நாள் தவிர்ப்பு முறை தொகு

பெரும்பாலான பெண்களுக்கு பெண் உறுப்பிலிருந்து திரவம் சுரப்பது காணப்படும். இது அளவிலும் நிறத்திலும் அடர்த்தியிலும் ஒருவருக்கொருவர் மாறுபடும். இது மாதவிடாய் காலச் சுழற்சியைப் பொறுத்து மாறுபடும். சில நேரங்களில் வெள்ளை நிறத்தில் ஒட்டுகின்ற தன்மையுடன் காணப்படும். மாதவிடாய் முடிந்தவுடன், இது சற்று குறைந்த அளவில், வறண்டும், கெட்டியாகவும், வெள்ளை நிறத்திலும் இருக்கும். இதன் வழுவழுப்பு தன்மை கருமுட்டை வளர்ச்சி அடைந்த நிலையில் அதிகமாக இருக்கும். இது கருத்தரிப்பதற்கான நாட்களின் அறிகுறியாகும். இந்த மாறுபாடுகளைக் கவனிக்கும் போது பெண்கள் கருத்தரிக்கும் நாட்களையும் கருத்தரிக்காத நாட்களையும் அறிந்துகொள்ள இயலும்.

உடலில் வெட்ப மாறுபாடு தொகு

பெண்கள் உடலில் வெப்பம் கூடுவதையும் குறைவதையும் காலையில் படுக்கையிலிருந்து எழும்பும் நேரத்தில் கண்காணிக்க வேண்டும். முக்கியமாக மாதத்தில் நடுப்பகுதியில் கண்காணித்திட வேண்டும். அக்காலகட்டத்தில் கருமுட்டை வளர்ச்சி அடையும் போது, உடலின் வெப்பநிலை 1-2 டிகிரி பாரனைட் அதிகமாக இருக்கும். இந்தக் காலகட்டத்தில் (1-16 நாட்கள்) உடலுறவை தவிர்ப்பதன் மூலம் கருத்தரிப்பை தவிர்க்கலாம். ஆனால் வெப்பநிலையைத் தெரிந்து கொள்ள தினமும் நேரம் ஒதுக்க வேண்டிய கட்டாயம் உள்ளது.

தாய்ப்பாலூட்டும் முறை தொகு

குழந்தை பிறந்த பின் தாய்ப்பால் அளிக்கும் காலத்தை நீட்டிப்பதன், ஒரு சில மாதங்களுக்கு கருமுட்டை வளர்வது, மீண்டும் மாதவிடாய் ஏற்படுவது போன்ற நிகழ்வுகளைத் தாமதப்படுத்தி, அதன் மூலம் கருத்தரிப்பைத் தள்ளிப் போட இயலும். இதனால், தாய்ப்பாலூட்டலை நீண்ட காலத்துக்குச் செய்வதன் மூலம் கருத்தரிப்பைத் தடுக்கலாம் என்று கருதப்படுகிறது.[20] இது மிகவும் பாதுகாப்பான பயன்தரும் முறை என்று கொள்ள முடியாது.[21][22][23]

தடுப்பு முறைகள் (Barrier Methods) தொகு

தற்போது பெண்ணின் கரு முட்டையுடன் ஆணின் கரு அணு இணைவதைத் தடுக்கும் பல முறைகள் பயன்பாட்டில் உள்ளன.

ஆண் கருத்தடை சாதனம் தொகு

ஆண் அணியும் ஆணுறையை உடலுறவிற்கு முன்பு அணிந்து கொள்வதன் மூலம், கரு அணு கர்ப்பப்பையில் கரு முட்டையுடன் இணைவதைத் தடுத்து கருத்தரிப்பை தவிர்க்க உதவுகிறது. இந்த ஆணுறையை ஒரு முறை உபயோகித்த பின் மீண்டும் உபயோகிக்கக் கூடாது. இது மிகச்சிறந்த கருத்தடை சாதனமாக செயல்படுவதுடன் எய்ட்ஸ் மற்றும் உடலுறவு சம்பந்தப்பட்ட நோய்கள் வராமல் பாதுகாக்கவும் உதவுகிறது.

பெண் கருத்தடை சாதனம் தொகு

பெண்களுக்கான கருத்தடைக்குப் பல சாதனங்கள் பயன்படுத்தப்பட்டு வருகின்றன.

கருத்தடை வளையம் தொகு

பத்தொன்பதாம் நூற்றாண்டில் கண்டுபிடிக்கப்பட்ட பெண்களுக்கான கருத்தடை சாதனம் 2-4 அங்குல வட்டவடிவில் ஒரு வளையமாக இணைக்கப்பட்ட பொருளாகும். இதை ஆரம்பக்கட்டத்தில் ஒரு மருத்துவரின் அல்லது ஒரு மருத்துவ ஊழியரின் உதவியுடன் பொருத்திக் கொள்ள பழகி விட்டால் பின் சுயமாகவே பெண் உடலுறுப்பில் பொறுத்திக் கொள்ள இயலும். இதை அணிவதன் மூலம் கரு அணு கரு முட்டை இணைவதை தடுத்து கருதரிப்பைத் தவிர்க்கிறது. ஒரு முறை உபயோகித்தப்பின் அதை சோப்பு போட்டு சுத்தப்படுத்தி மீண்டும் அடுத்த முறை உபயோகம் செய்யலாம். இதன் விலை சற்றே அதிகமானாலும் பெண்களின் கட்டுப்பாட்டில் உள்ளதால் பெண்களுக்கு சாதகமான ஒன்றாக உள்ளது.

கருப்பைவாய் இடைவெளி தொகு

இது மென்சவ்வு போன்றே கருப்பை வாய்ப் பகுதியில் பொருத்திக் கொள்ள கூடிய ஒரு ரப்பர் மூடி. இதை அணிந்து கொள்வதன் மூலம் கருப்பை வாய் மூடப்படுவதால் கருத்தரிப்பு நிகழ்வு தடைப்படுகிறது.

கருத்தடைப் பொருள் தொகு

பெண்களுக்கான இந்த கருத்தடைப் பொருள், பாலியுரித்தனால் செய்யப்பட்ட மெதுவான, பெண்களின் உடலுறுப்பில் பொருத்திக் கொள்ளக் கூடிய வசதியுடன் உள்ள ஒன்றாகும். உடலுறவிற்கு முன்பே இதை பொருத்திக் கொள்வதன் மூலம் கரு அணு கரு முட்டையுடன் இணைவதை தவிர்க்கிறது. இது கருத்தரிப்பை தவிர்ப்பதுடன், எய்ட்ஸ் மற்றும் உடலுறவின் மூலம் ஏற்படும் நோய்களைத் தடுக்கவும் இயலும். ஆனால் சற்றே விலை அதிகமானது.

விந்து எதிரி தொகு

விந்து எதிரி என்பது பெண் உறுப்பில் தடவிக் கொள்ளும் ஒரு பொருளாகும். இது விந்தணுவைச் செயலிழக்கச் செய்வதால் கருத்தரிப்பைத் தடை செய்ய இயலும். இது மெதுவான நுரை வடிவத்திலும், மாத்திரைகள், பூச்சு வடிவத்தில் உள்ளது. இதன் பக்க விளைவுகள் கூட மிகக் குறைவே. சிலருக்கு இது ஒவ்வாமை விளைவுகளை கொடுக்கலாம்[24].

கருப்பையுள்ளான சாதனம் (Intrauterine Device (IUD) தொகு

 
செப்பினாலான T உருவமுடைய, வெளியெடுப்பதற்கான நூல்கொண்ட, கருப்பையுள்ளான சாதனம்

கருப்பையுள்ளான சாதனம் என்பது சிறிய நெகிழியால் செய்யப்பட்டு கருப்பையில் பொருத்திக் கொள்ளும் ஒரு கருத்தடைச் சாதனம் ஆகும். கருப்பையில் உள்ள இந்த பொருள் கருத்தரிப்பை தடை செய்து விந்தணுவும் கரு முட்டையும் இணைந்து வளர்வதை தடை செய்கிறது. இந்தியாவில் புழக்கத்தில் உள்ள இந்த கருத்தடைப் பொருளின் பெயர் காப்பர் டி. இது பொருத்தப்பட்ட இரண்டு மூன்று ஆண்டுகளுக்கு பின் மாற்றப்பட வேண்டும். இது மருத்துவர்களின் உதவியுடன் பொருத்திக் கொள்ளப்பட வேண்டிய ஒன்று. ஆனால் இது மிகச்சிறந்த கருத்தடை சாதனமாக கருதப்படுகிறது.

குறைபாடுகள் தொகு
  • இதில் ஒரு சில பக்க விளைவுகள் உள்ளது.
  • பொருத்தப்பட்ட மூன்று முதல் ஐந்து நாட்கள் வரை வலி ஏற்படுகிறது.
  • மாதவிடாயின்போது அதிக உதிரப் போக்கு ஏற்பட்டு ரத்தசோகை ஏற்பட வாய்ப்புள்ளது.
  • மிக அரிதாக கர்ப்பப்பையின் உள்சுவர் தோலில் பிரச்சனைகள் ஏற்படலாம். அவ்வாறு ஏற்படும் போது, அதை நீக்கும் நேரத்தில் வலி ஏற்படலாம்.
  • ஐயுடி பொருத்திக் கொள்வதால் கர்ப்பப்பையில் வெளிப்புறத்தில் முக்கியமாக பெல்லோபியன் டியுபில் கரு வளர்ச்சியடைய வாய்ப்புள்ளது. இதன் மூலம் சில பாதிப்புகள் ஏற்பட்டு சரியான மருத்துவ வசதி இல்லாத போது உயிருக்கு கூட ஆபத்து ஏற்பட நேரிடலாம்

ஸ்டிராய்டு அல்லாத மாத்திரைகள் தொகு

கருத்தடுப்புக்கு சில மாத்திரைகள் பயன்படுத்தப்பட்டு வருகின்றன.

இயக்குநீர் முறைகள் தொகு

இயக்குநீர் மாத்திரைகள் எடுத்துக் கொள்ளும் முறையில், ஈஸ்ட்ரோஐன் மற்றும் ப்ரோஜஸ்ட்ரோன் இயக்குநீர்களின் அளவுகள் உடலில் மாற்றப்படுவதால் கரு வளர்ச்சியையும் கரு அணு வளர்ச்சியையும் தடுக்கப்படுகிறது. மேலும் இது கருப்பைவாய்ச் சுவரை அடர்த்தியாகச் செய்வதால் கரு அணு கருப்பைக்குள் செல்வது தடுக்கப்படுகிறது. ஆனால் இம்முறையில் பக்க விளைவுகள் ஏற்பட வாய்ப்புள்ளது.

வாய்வழியாக எடுத்துக் கொள்ளப்படும் கருத்தடை மருந்துகள் தொகு

ஈஸ்ட்ரோஐன் மற்றும் ப்ரோஜஸ்ட்ரோன் கலந்த மாத்திரைகள் எடுத்துக் கொள்வதன் மூலம் ஒவரியில் வளரும் கருமுட்டைகளை வளரவிடாமல் தடுப்பதால் கருத்தரிப்பு ஏற்படாமல் தடுக்க இயலும். மாலா டி குறைந்த வீரியம் உள்ள பாதுகாப்பான கருத்தடை மருந்தாகும்.

ப்ரோஐஸ்ட்ரோன் மட்டும் உள்ள மருந்துகள் தொகு

ப்ரோஐஸ்ட்ரோன் மாத்திரை மட்டும் எடுத்துக் கொள்ளும்போது, சர்விகல் ம்யுகஸ் அதிகமாக்கியும், கரு அணு கரு முட்டை நகர்வதை குறைத்தும், கரு வளர்வதை தடுக்கிறது. ஆனால் இம்முறையில் உடல் நலத்தில் பக்க விளைவுகள் உள்ளது.

அவசரக் கால கருத்தடை மாத்திரைகள் தொகு

பாதுகாப்பற்ற உடலுறவுக்கு பின் இத்தகைய கருத்தடை மாத்திரை எடுத்துக் கொள்வதன் மூலம் கருத்தரிப்பைத் தவிர்கலாம். இதன் பக்க விளைவுகளாக, வாந்தி அடுத்த மாதவிடாய் சூழ்நிலைகளில் மாற்றங்கள் ஏற்படலாம். மேலும் இந்த முறை 100 % நம்பகமானதல்ல.

நிரந்தரக் கருத்தடை முறைகள் தொகு

தம்பதியினர் இனி குழந்தையே வேண்டாம் என்பதில் உறுதியாய் இருக்கின்ற போதே செய்து கொள்ள நிரந்தரக் கருத்தடை முறைகள் பின்பற்றப்படுகின்றன.

பெண்களுக்கான நிரந்தரக் கருத்தடை முறை தொகு

பெண்களுக்கு நிரந்தரமாக கருத்தடை செய்து கொள்ளும் முறையில் கரு அணு அல்லது கரு முட்டையை எடுத்துச் செல்லும் குழாயைத் தடுப்பது அல்லது வெட்டி எடுப்பது போன்ற முறைகள் கையாளப்படுகிறது. இம்முறையில் டியூபெக்டமி, லேப்ராஸ்கோபி போன்று பலமுறைகள் பயன்படுத்தப்படுகின்றன.

ஆண்களுக்கான நிரந்தரக் கருத்தடை முறை தொகு

வாசெக்டமி என்பது ஆண்கள் பிறப்புறுப்பில் அறுவை சிகிச்சை மூலம் செய்யப்படும் சிறிய மாறுதல். இந்த அறுவை சிகிச்சையை செய்வதன் மூலம் கரு அணு செல்வது தடைபடுவதால், பெண்கள் கருத்தரிப்பதை தவிர்க்கலாம். ஆனால் அறுவை சிகிச்கை முடிந்து 48 மணி நேரம் ஓய்வு எடுத்துக் கொள்ளவேண்டும். ஒரு வாரம் வரையில் அதிக பளுவுள்ள பொருட்களை தூக்கக் கூடாது. அறுவை சிகிச்சைக்கு பின் வீக்கம், வலி, ரத்தப்போக்கு இருந்தால் உடனடியாக மருத்துவரை அணுக வேண்டும்.

கருத்தடை முறைகளின் வினைத்திறன் தொகு

கருத்தடை முறைகளின் வினைத்திறனானது, குறிப்பிட்ட முறை பயன்படுத்திய ஒரு ஆண்டுக் காலத்தில் எத்தனை பெண்கள் கருப்பம் தரிக்கிறார்கள் என்ற எண்ணிக்கையின் அடிப்படையில் வெளிக்காட்டப்படுகிறது[25]

கருத்தடைப் பயன்பாட்டில் முதலாம் ஆண்டில் கருத்தரிப்பதற்கான வாய்ப்பு[26][27]
முறை வழமையான பயன்பாடு மிகச் சரியான பயன்பாடு
கருத்தடை இல்லாத நிலை 85% 85%
இணைந்த குளிகைகள் 9% 0.3%
தனி புரோசெசுத்தரோன் குளிகைகள் 13% 1.1%
பெண்களில் மலடாக்கம் 0.5% 0.5%
ஆண்களில் மலடாக்கம் 0.15% 0.1%
பெண்களுக்கான உறை 21% 5%
ஆண்களுக்கான உறை 18% 2%
செப்பினாலான கருப்பையுள்ளான சாதனம் 0.8% 0.6%
இயக்குநீருடனான கருப்பையுள்ளான சாதனம் 0.2% 0.2%
ஒட்டு 9% 0.3%
யோனி வளையம் 9% 0.3%
இயக்குநீர் வகை (Depo-Provera) 6% 0.2%
பதியம் செய்தல் 0.05% 0.05%
மென்றகடும், விந்தெதிரியும் 12% 6%
கருத்தங்கல்பற்றிய அறிவு 24% 0.4–5%
உள்வாங்குதல் 22% 4%
பால்கொடுத்தலால் பின்போடல்
(6 மாத தோல்வி வீதம்)
0-7.5%[28] <2%[29]

குறிப்புகளும் மேற்கோள்களும் தொகு

  1. "Definition of Birth control". MedicineNet. Archived from the original on ஆகஸ்ட் 6, 2012. பார்க்கப்பட்ட நாள் August 9, 2012. {{cite web}}: Check date values in: |archive-date= (help)
  2. 2.0 2.1 Hanson, S.J.; Burke, Anne E. (21 December 2010). "Fertility control: contraception, sterilization, and abortion". in Hurt, K. Joseph; Guile, Matthew W.; Bienstock, Jessica L. et al.. The Johns Hopkins manual of gynecology and obstetrics (4th ). Philadelphia: Wolters Kluwer Health/Lippincott Williams & Wilkins. பக். 382–395. பன்னாட்டுத் தரப்புத்தக எண்:978-1-60547-433-5. https://books.google.com/books?id=4Sg5sXyiBvkC&pg=PR232. 
  3. "Moral case against contraception". BBC - Ethics Guide. பார்க்கப்பட்ட நாள் 27 மே 2017.
  4. "Interventions to reduce unintended pregnancies among adolescents: systematic review of randomised controlled trials". BMJ 324 (7351): 1426. June 2002. doi:10.1136/bmj.324.7351.1426. பப்மெட்:12065267. 
  5. Duffy, K.; Lynch, D. A.; Santinelli, J. (2008). "Government Support for Abstinence-Only-Until-Marriage Education". Clinical Pharmacology & Therapeutics 84 (6): 746–748. doi:10.1038/clpt.2008.188. பப்மெட்:18923389 இம் மூலத்தில் இருந்து December 11, 2008 அன்று. பரணிடப்பட்டது.. https://web.archive.org/web/20081211135056/http://www.nature.com/clpt/journal/v84/n6/full/clpt2008188a.html. 
  6. "Costs and Benefits of Contraceptive Services: Estimates for 2012" (pdf). United Nations Population Fund. June 2012. p. 1.
  7. Carr, B.; Gates, M. F.; Mitchell, A.; Shah, R. (2012). "Giving women the power to plan their families". The Lancet 380 (9837): 80–82. doi:10.1016/S0140-6736(12)60905-2. பப்மெட்:22784540. http://www.thelancet.com/journals/lancet/article/PIIS0140-6736(12)60905-2/fulltext. பார்த்த நாள்: 2018-01-31. 
  8. 8.0 8.1 Cleland, J; Conde-Agudelo, A; Peterson, H; Ross, J; Tsui, A (Jul 14, 2012). "Contraception and health.". Lancet 380 (9837): 149–56. doi:10.1016/S0140-6736(12)60609-6. பப்மெட்:22784533. 
  9. Ahmed, S.; Li, Q.; Liu, L.; Tsui, A. O. (2012). "Maternal deaths averted by contraceptive use: An analysis of 172 countries". The Lancet 380 (9837): 111–125. doi:10.1016/S0140-6736(12)60478-4. பப்மெட்:22784531. http://www.thelancet.com/journals/lancet/article/PIIS0140-6736(12)60478-4/fulltext. பார்த்த நாள்: 2018-01-31. 
  10. Taliaferro, L. A.; Sieving, R.; Brady, S. S.; Bearinger, L. H. (2011). "We have the evidence to enhance adolescent sexual and reproductive health—do we have the will?". Adolescent medicine: state of the art reviews 22 (3): 521–543, xii. பப்மெட்:22423463. 
  11. Chin, H. B.; Sipe, T. A.; Elder, R.; Mercer, S. L.; Chattopadhyay, S. K.; Jacob, V.; Wethington, H. R.; Kirby, D. et al. (2012). "The Effectiveness of Group-Based Comprehensive Risk-Reduction and Abstinence Education Interventions to Prevent or Reduce the Risk of Adolescent Pregnancy, Human Immunodeficiency Virus, and Sexually Transmitted Infections". American Journal of Preventive Medicine 42 (3): 272–294. doi:10.1016/j.amepre.2011.11.006. பப்மெட்:22341164. http://www.ajpmonline.org/article/S0749-3797(11)00906-8/abstract. பார்த்த நாள்: 2018-02-03. 
  12. 12.0 12.1 Canning, D.; Schultz, T. P. (2012). "The economic consequences of reproductive health and family planning". The Lancet 380 (9837): 165–171. doi:10.1016/S0140-6736(12)60827-7. பப்மெட்:22784535. http://www.thelancet.com/journals/lancet/article/PIIS0140-6736(12)60827-7/fulltext. பார்த்த நாள்: 2018-01-31. 
  13. Van Braeckel, D.; Temmerman, M.; Roelens, K.; Degomme, O. (2012). "Slowing population growth for wellbeing and development". The Lancet 380 (9837): 84–85. doi:10.1016/S0140-6736(12)60902-7. பப்மெட்:22784542. http://www.thelancet.com/journals/lancet/article/PIIS0140-6736(12)60902-7/fulltext. பார்த்த நாள்: 2018-01-31. 
  14. 14.0 14.1 Black, A. Y.; Fleming, N. A.; Rome, E. S. (2012). "Pregnancy in adolescents". Adolescent medicine: state of the art reviews 23 (1): 123–138, xi. பப்மெட்:22764559. 
  15. 15.0 15.1 Rowan, S. P.; Someshwar, J.; Murray, P. (2012). "Contraception for primary care providers". Adolescent medicine: state of the art reviews 23 (1): 95–110, x–xi. பப்மெட்:22764557. 
  16. 16.0 16.1 16.2 16.3 16.4 World Health Organization Department of Reproductive Health and Research (2011). Family planning: A global handbook for providers: Evidence-based guidance developed through worldwide collaboration (Rev. and Updated ). Geneva, Switzerland: WHO and Center for Communication Programs. பக். 260–300. பன்னாட்டுத் தரப்புத்தக எண்:978-0-9788563-7-3. http://www.fphandbook.org/sites/default/files/hb_english_2012.pdf. 
  17. Gizzo, S; Fanelli, T; Di Gangi, S; Saccardi, C; Patrelli, TS; Zambon, A; Omar, A; D'Antona, D et al. (October 2012). "Nowadays which emergency contraception? Comparison between past and present: latest news in terms of clinical efficacy, side effects and contraindications.". Gynecological Endocrinology 28 (10): 758–63. doi:10.3109/09513590.2012.662546. பப்மெட்:22390259. 
  18. Selected practice recommendations for contraceptive use. (2nd ). Geneva: World Health Organization. 2004. பக். 13. பன்னாட்டுத் தரப்புத்தக எண்:9789241562843 இம் மூலத்தில் இருந்து September 8, 2017 அன்று. பரணிடப்பட்டது.. https://web.archive.org/web/20170908191327/https://books.google.com/books?id=77hFLypBfHYC&pg=RA2-PA16. 
  19. http://www.informaworld.com/smpp/content~content=a713793494~db=all
  20. Blackburn, Susan Tucker (2007). Maternal, fetal, & neonatal physiology : a clinical perspective (3rd ). St. Louis, Mo.: Saunders Elsevier. பக். 157. பன்னாட்டுத் தரப்புத்தக எண்:978-1-4160-2944-1 இம் மூலத்தில் இருந்து May 12, 2016 அன்று. பரணிடப்பட்டது.. https://web.archive.org/web/20160512050446/https://books.google.com/books?id=2y6zOSQcn14C&pg=PA157. 
  21. "WHO 10 facts on breastfeeding". World Health Organization. ஏப்பிரல் 2005. Archived from the original on சூன் 23, 2013.
  22. Van der Wijden, Carla; Brown, Julie; Kleijnen, Jos (October 8, 2008). "Lactational amenorrhea for family planning". Cochrane Database of Systematic Reviews (4): CD001329. doi:10.1002/14651858.CD001329. பப்மெட்:14583931. 
  23. Fritz, Marc (2012). Clinical Gynecologic Endocrinology and Infertility. பக். 1007–1008. பன்னாட்டுத் தரப்புத்தக எண்:978-1-4511-4847-3 இம் மூலத்தில் இருந்து June 3, 2016 அன்று. பரணிடப்பட்டது.. https://web.archive.org/web/20160603173728/https://books.google.com/books?id=KZLubBxJEwEC&pg=PA1007. 
  24. "Spermicide". Planned Parenthood Federation of America. பார்க்கப்பட்ட நாள் 27 மே 2017.
  25. Gordon Edlin; Eric Golanty; Kelli McCormack Brown (2000). Essentials for health and wellness (2nd ). Sudbury, Mass.: Jones and Bartlett. பக். 161. பன்னாட்டுத் தரப்புத்தக எண்:978-0-7637-0909-9 இம் மூலத்தில் இருந்து June 10, 2016 அன்று. பரணிடப்பட்டது.. https://web.archive.org/web/20160610000602/https://books.google.com/books?id=_0H4iyS_DFwC&pg=PA162. 
  26. Trussell, James (May 2011). "Contraceptive failure in the United States". Contraception 83 (5): 397–404. doi:10.1016/j.contraception.2011.01.021. பப்மெட்:21477680. 
    Trussell, James (November 1, 2011). "Contraceptive efficacy". in Hatcher, Robert A.; Trussell, James; Nelson, Anita L. et al.. Contraceptive technology (20th revised ). New York: Ardent Media. பக். 779–863. பன்னாட்டுத் தரப்புத்தக எண்:978-1-59708-004-0. இணையக் கணினி நூலக மையம்:781956734. 
  27. Division of Reproductive Health, National Center for Chronic Disease Prevention and Health Promotion, Centers for Disease Control and Prevention (CDC) (June 21, 2013). "U.S. Selected practice recommendations for contraceptive use, 2013: adapted from the World Health Organization Selected practice recommendations for contraceptive use, 2nd edition". MMWR Recommendations and Reports 62 (5): 1–60. பப்மெட்:23784109. http://www.cdc.gov/mmwr/preview/mmwrhtml/rr6205a1.htm. 
  28. Van der Wijden, C; Manion, C (12 October 2015). "Lactational amenorrhoea method for family planning.". The Cochrane database of systematic reviews (10): CD001329. பப்மெட்:26457821. 
  29. Blenning, CE; Paladine, H (Dec 15, 2005). "An approach to the postpartum office visit.". American family physician 72 (12): 2491–6. பப்மெட்:16370405. https://archive.org/details/sim_american-family-physician_2005-12-15_72_12/page/2491. 
"https://ta.wikipedia.org/w/index.php?title=கருத்தடை&oldid=3731235" இலிருந்து மீள்விக்கப்பட்டது