கலா (நடன அமைப்பாளர்)
கலா (Kala) ஒரு இந்திய நடனக் கலைஞர் ஆவார், இவர் அனைத்து பிராந்திய திரைப்படங்களிலும் பணி புரிகிறார். இவர் இந்திய ரியாலிட்டி நடன போட்டியான மானாட மயிலாட என்ற நிகழ்ச்சியின் மூன்று நடுவர்களில் ஒருவராக உள்ளார்.[1]
| கலா | |
|---|---|
| பிறப்பு | 25 ஏப்ரல் 1971 சென்னை, இந்தியா |
| தேசியம் | இந்தியன் |
| பணி | நடன இயக்குனர் ரியாலிட்டி தொலைக்காட்சி நிகழ்ச்சியின் நடுவர் |
| செயற்பாட்டுக் காலம் | 1984 முதல் தற்போது வரை |
| வாழ்க்கைத் துணை | கோவிந்தராஜன் (m.1997; div.1999) மகேஷ் (m.2004 – present) |
| பிள்ளைகள் | வித்யூத் (b.2007) |
| உறவினர்கள் | நடன இயக்குனர் ஜெயந்தி (சகோதரி), நடன இயக்குனர் கிரிஜா (சகோதரி), நடன இயக்குனர் பிருந்தா (சகோதரி), நடன இயக்குனர் ரகுராம் (மைத்துனர்), நடிகர் / நடன இயக்குனர் காயத்திரி ரகுராம் (மருமகள்), நடன இயக்குனர் பிரசன்னா சுஜித் (மருமகன்), நடிகை சுஜா ரகுராம் (மருமகள்). |
தொழில் தொகு
கலா ஒரு ஒரு பயிற்சி பெற்ற நடனக் கலைஞராவார். இவர் பள்ளிப்படிப்பை பாதியில் நிறுத்தினார், இவரது மைத்துனர், ரகுராமின் செல்வாக்கின் மூலம் திரைப்படத் துறையில் நுழைந்தார். 1982 இல் 12 வது வயதில் ஒரு நடன உதவியாளராக அறிமுகப்படுத்தப்பட்டார், கே பாலச்சந்தர் இயக்கத்தில் கமல்ஹாசன் மற்றும் ரேவதி ஆகியோரது நடிப்பில் வெளிவந்த புன்னகை மன்னன் படத்தில் இவருக்கு ஒரு வாய்ப்பு கிடைத்தது.[2] பின்னர் மீண்டும் கே பாலச்சந்தரால் புதுப்புது அர்த்தங்கள் (1989) படத்திற்கு நடன இயக்குனராக தேர்வு செய்யப்பட்டார்.
இவர் தமிழ், தெலுங்கு, மலையாளம், இந்தி, கன்னடம், ஒரியா, பெங்காலி, ஆங்கிலம், இத்தாலியன் மற்றும் ஜப்பானிய மொழிகளில் 4000 க்கும் மேற்பட்ட பாடல்களில் பணிபுரிந்துள்ளார். அழகன் படத்தில் இடம் பெற்ற "கோழி கூவும் நேரமாச்சு" என்ற பாடலில் இவரது நடனம் மிகவும் குறிப்பிடத்தக்கது. மேலும் இவருக்கு பிடித்த நடனக் கலைஞராக நடிகை பானுப்பிரியாவைக் குறிப்பிடப்பிடுகிறார். 19996இல் பெங்களூருவில் நடைபெற்ற ''மிஸ் வேர்ல்டு'' அழகு நிகழ்ச்சி போட்டியில் நடனம் அமைக்கும் வாய்ப்பு அவருக்கு வழங்கப்பட்டது. மலேசியாவில் பிரசாந்த் மற்றும் ஏழு கதாநாயகிகள் இடம்பெறும் ஒரு மேடை நிகழ்ச்சியின் மூலம் பரவாலாக அறியப்படுகிறார் 2000 ஆம் ஆண்டில் மலையாளத் திரைப்படமான கொச்சூ கொச்சு சந்தோசங்கல் என்ற படத்தில் இடம் பெற்ற தனது நாட்டுப்புற நடனத்திற்காக சிறந்த நடிகைக்கான தேசிய திரைப்பட விருதைப் பெற்றார் .[3] சென்னையில் கலாவின் கலாலயா என்ற திரைப்பட நடனக் கல்லூரியை முதன் முதலில் தொடங்கினார். இவர் சகோதரிகளோடு சேர்ந்து அதை நிர்வகிக்கிறார்.[4] சந்திரமுகி திரைப்படத்தில் அவரது பணிக்காக சிறந்த நடன இயக்குநருக்கான தமிழ்நாடு மாநில திரைப்பட விருதை பெற்றார்.
தனிப்பட்ட வாழ்க்கை தொகு
காலா ஏழு பெண்களுடன் பிறந்தார், தன் குழந்தை பருவத்தில் ஒரு அறை கொண்ட வீட்டில் வளர்ந்து வந்துள்ளார். இவரது மூத்த சகோதரி ஜெயந்தி, என்பவரும் உதிரிப்பூக்கள் மற்றும் பூட்டாத பூக்கள் என்ற படங்களில் கதாநாயகியாக நடித்துள்ளார். கலாவின் இரண்டாவது சகோதரி கிரிஜா, கலாசேத்ராவில் பரதநாட்டியத்தை கற்றுக்கொண்டார்; மேலும் நடனக் கலைஞர்களான தங்கம், பின்னர் ரகுராமன் மாஸ்டர் என்பவரிடமும் நடனம் பயின்றுள்ளார், பின்னர் கிரிஜா அவரைத் திருமணம் செய்துகொண்டார், மேலும் ஒரு சுயாதீனமான நடன ஆசிரியராகவும் பணிபுரிகிறார். கலா இவர்து பெற்றோருக்கு ஆறாவது மகள் ஆவார், முன்னணி நடன அமைப்பாளர் பிருந்தா , இவரது இளைய சகோதரியாவார்.[5]
குறிப்புகள் தொகு
- ↑ தமிழ் டிவி நடனம் ராணி - Rediff.com திரைப்படங்கள் . திரைப்படங்கள்.rediff.com (2010-07-13). 2013-11-30 அன்று பெறப்பட்டது.
- ↑ அவரது அடிச்சுவடுகளில் பரணிடப்பட்டது 2004-01-08 at the வந்தவழி இயந்திரம் . தி ஹிந்து (2003-10-06). 2013-11-30 அன்று பெறப்பட்டது.
- ↑ 48 வது தேசிய திரைப்பட விருதுகள் . nic.in
- ↑ மெட்ரோ பிளஸ் பாண்டிச்சேரி / நேர்காணல் : நகர்வுகள் மாஸ்டர் பரணிடப்பட்டது 2007-12-01 at the வந்தவழி இயந்திரம் . தி ஹிந்து (2005-10-29). 2013-11-30 அன்று பெறப்பட்டது.
- ↑ எத்திராஜ், கோபால். (2009-09-21) ஞாயிற்றுக்கிழமை பிரபலமானவர்: கலா மாஸ்டர்: அவர் 'சாகலா கலா வாலிவி' . ஆசிய ட்ரிப்யூன். 2013-11-30 அன்று பெறப்பட்டது.