காணி மரநண்டு

காணி மரநண்டு
உயிரியல் வகைப்பாடு
திணை:	விலங்கு
தொகுதி:	கணுக்காலி
துணைத்தொகுதி:	கிரசுடேசியா
வகுப்பு:	மலக்கோசிடுருக்கா
வரிசை:	பத்துக்காலிகள்
உள்வரிசை:	பிராக்கியூரா
குடும்பம்:	ஜிகேர்சினுசிடே
பேரினம்:	காணி
இனம்:	கா. மரஞ்சாண்டு
இருசொற் பெயரீடு
காணி மரஞ்சாண்டு குமார், இராஜ் & என்ஜி, 2017

காணி மரநண்டு (Kani maranjandu) என்பது 2017-இல் முதன்முதலாகக் கண்டுபிடிக்கப்பட்ட ஒரு மரநண்டு ஆகும். இது நாள் வரை இந்நண்டு கேரள மாநிலத்தில் மேற்குத் தொடர்ச்சி மலைகளில் மட்டுமே கண்டறியப்பட்டுள்ளது.

இந்நண்டு வகைப்படுத்தப்பட்டுள்ள காணி என்னும் பேரினம் காணிக்காரர் என்னும் பழங்குடி இன மக்களைப் பெருமைப் படுத்தும் விதமாகப் பெயரிடப்பட்டுள்ளது. கண்டுபிடித்தவர்கள் இதனை நிலநண்டுக் குடும்பத்தில் வகைப் படுத்தி உள்ளனர்.

பரவல்

காணி மரநண்டு கேரளாவின் திருவனந்தபுர மாவட்டத்தில் மேற்குத் தொடர்ச்சி மலைப் பகுதியில் காணப்படுகிறது. இது ஒரு அகணிய உயிரியாகும்.

பண்புகள்

நிலநண்டுக் குடும்பத்தில் இந்த நண்டுகளின் சில தனித்த பண்புகளினால் இவை தனிப் பேரினமாக அறியப்படுகின்றன. இவற்றின் தனித்தன்மை வாய்ந்த மேலோடு, மிக நீண்ட கால்கள், அலவன் (=ஆண் நண்டு) நண்டின் வயிறு போன்றவை இப்பேரினத்திற்கே உரியன. இந்நண்டுகள் தங்கள் வாழ்நாளை மரங்களிலேயே கழிக்கின்றன. நீர்த்தேவைக்கு மரப் பொந்துகளில் இருக்கும் மழைநீரை நம்பியுள்ளன.