குண்டெறியம்

  குண்டெறியம் (Bombard) என்பது ஒரு வகை தெறுவேயம் அல்லது கணையெக்கி ஆகும், இது இடைக்காலம் மற்றும் புத்தியல் காலத்தின் ஆரம்பத்தில் பயன்படுத்தப்பட்டது. குண்டெறியங்கள் முக்கியமாக பெரிய குழல்விட்டம் கொண்ட, முகவாய் தாணிக்கும் சேணேவித் துண்டுகளாக இருந்தன, அவை எதிரிகளின் கோட்டைகளின் சுவர்களில் வட்டக் கல் எறிபொருள்களைச் சுட பயன்படுத்தப்பட்டன, படையினரை உடைக்க உதவியது. பெரும்பாலான குண்டெறியங்கள் இரும்பினால் செய்யப்பட்டன மற்றும் எறிபொருள்களைச் சுட வெடிமருந்துகள் பயன்படுத்தப்பட்டன. மோன்சு மெக், மா துருக்கி குண்டெறியம் மற்றும் கை-குண்டெறியம்  உள்ளிட்ட குண்டெறியங்களுக்கு பல எடுத்துக்காட்டுகள் உள்ளன.

ரோட்ஸ் , ஜெருசலேமின் செயிண்ட் ஜானின் குதிரைப்படை வீரர்ககுண்டெறியம் கணையெக்கி மற்றும் கருங்கல் குண்டு எறிபொருள், 1480 – 1500. பியர் டி ஆபுசனின் வேண்டுகோளின் பேரில் கண்டுபிடிக்கப்பட்ட இந்த குண்டெறியமானது ரோட்ஸ் முற்றுகையில் சுவர்களை (100 – 200 மீட்டர்) நெருக்கமான வலுவெதிர்ப்பிற்கு பயன்படுத்தப்பட்டது. இது 260 கிலோ கருங்கல் குண்டுகளை வீசியது. இந்தக் குண்டெறியம் சுமார் 3,325 கிலோ எடை கொண்டது. மியூசி டி எல் ஆர்மி .

இந்த ஆயுதம் இரோயல் சேணேவியின் தரநிலையின் Bombardier (குண்டெறிஞர்) இற்கான பெயரையும் bombardment (குண்டுவீசுகை) என்ற சொல்லையும் வழங்கியது.

சொற்கூறு

"bombard" என்ற சொல் முதன்முதலில் 14 ஆம் நூற்றாண்டின் முற்பகுதியிலிருந்து 14 ஆம் நூற்றாண்டின் நடுப்பகுதி வரை எந்த வகையான சுடுகலன்களையும் விரித்துரைக்கப் பயன்படுத்தப்பட்டது, ஆனால் பின்னர் இது 14 முதல் 15 ஆம் நூற்றாண்டுகளில் பெரிய தெறுவேயங்களுக்குப் பயன்படுத்தப்பட்டது. பெரிய பீரங்கிகளுடனும் அதன் வலுவான தொடர்பு இருந்தபோதிலும், குண்டெறியங்களுக்கு செந்தரப்படுத்தப்பட்ட அளவு இல்லை, மேலும் இந்த சொல்லானது ஒரு மீட்டர் நீளம் மற்றும் பல மீட்டர் நீளமுள்ள 20 தொன் வரை எடையுள்ள தெறுவேயங்களுக்கும் குறிப்பதற்காக பயன்படுத்தப்படுகிறது.

சொற்பிறப்பியல்

இதற்காண தமிழ்ச்சொல்லான 'குண்டெறியம்' என்பது மூன்று சொற்களால் - குண்டு + எறி + அம் - உருவான ஒரு கூட்டுச் சொல்லாகும். குண்டு - குண்டான உருண்டை; எறி - எறிதல்; அம் - ஒரு கருவிப்பொருளீறு. இது பெரும்பாலும் பெரியது என்னும் பொருளினை உணர்த்தும் . மொத்தமாக, ஒரு குண்டினை எறியும் படைக்கலம் என்னும் பொருளில் தமிழில் வருகிறது.

காட்சிக்கூடம்

• 
  "கர குண்டெறியம்", 1390-1400
• 
  200 கிலோ தேனிரும்பு குண்டெறியம், 1450கிட்டவானது, மெற்சு, பிரான்சு. இரும்பு வளையங்களால் பிடிக்கப்பட்டுள்ள இது, இரும்பு பட்டைகளை ஒன்றாக உருவாக்குவதன் மூலம் தயாரிக்கப்பட்டது ஆகும். இது 6  கிலோ கற்குண்டுகளை சுடவல்லது. நீளம்: 82 செ.மீ.
• 
  மா துருக்கி குண்டெறியம் சுடுகலன்.
• 
  15ஆம் நூற்றாண்டின் நடுப்பகுதியைச் சேர்ந்த மொன்ஸ் மெக்கு என்னும் குண்டெறியமானது எடின்பேர்கு அரண்மனையில் வைக்கப்பட்டுள்ளது.
• 
  மொன்ஸ் மெக் தெறுவேயக் குண்டுகள்
• 
  ஆங்கில குண்டெறியங்கள் நூற்றாண்டு போரின்போது கைவிடப்பட்டு இப்போது செயிண்ட்-மைக்கேல் மலையின் மீது காட்சிப்படுத்தப்பட்டுள்ளன.
• 
  15 ஆம் நூற்றாண்டின் தொடக்கத்திலிருந்த குண்டெறியம், இடியூடோனிக் குதிரைப்படை வீரர்களால் பயன்படுத்தப்பட்டவற்றில் பிழைத்துள்ள ஒரே குண்டெறியம், இப்போது க்விட்ஜின் கோட்டையில் காட்சிப்படுத்தப்பட்டுள்ளது.

மேலும் காண்க

• குழல்விட்டம் அடிப்படையில் மிகப்பெரிய தெறுவேயங்களின் பட்டியல் 

மேற்கோள்கள்

•  இந்தக் கட்டுரை  தற்போது பொது உரிமைப் பரப்பிலுள்ள நூலிலிருந்து உரையைக் கொண்டுள்ளது:  "Bombard". பிரித்தானிக்கா கலைக்களஞ்சியம் (11th). (1911). Cambridge University Press. 
• Andrade, Tonio (2016), The Gunpowder Age: China, Military Innovation, and the Rise of the West in World History, Princeton University Press, ISBN 978-0-691-13597-7.
• DeVries, Kelly (2012), Medieval Military Technology
• Sands, Kathleen. "Though One Of The Best-Documented Of Medieval Bombards, Mons Meg Was The Subject Of Exaggeration And Legend." Military History 16.3 (1999): 22.
• Lu Gwei-Djen, Joseph Needham and Phan Chi-Hsing. Technology and Culture, Vol. 29, No. 3 (Jul., 1988), pp. 594–605
• W. H. Finlayson. The Scottish Historical Review, Vol. 27, No. 104, Part 2 (Oct., 1948), pp. 124–126
• Cvikel, Deborah, and Haim Goren. "Where Are Bonaparte's Siege Cannon? An Episode In The Egyptian Campaign." Mediterranean Historical Review 23.2 (2008): 129–142.

மேலும் படிக்க

• Smith, Robert Douglas; DeVries, Kelly (2005), The artillery of the Dukes of Burgundy, 1363–1477, Boydell Press, ISBN 978-1-84383-162-4